سلام بنات بديت اكره الناس من جد ومابي اخالط احد
تخيلوا انا تخرجت من الجامعه من زمان المهم صديقاتي اعرسوا وسحبوا وانا بصراحه باقولكم سحبت عليهم كمان لاني انا اللي كنت دايما تصل واسال وهم اذا رسلوا بعد شهور رساله وحده كثر الله خيرهم >>لاتقولون لي عندهم اشغال ومو فاضين طيب اتصال واحد او مسج خلال 6 شهوراو 5شهور يكفي لو فكروا يواصلون
المهم وامس سمعت بخبر زواج وحده من صديقاتي تزوجت لها شهر ومقهوره حييل ليه ماخبرتني وانا ادري انها مملكه من زمان فيني بكيه جاني الخبر من وحده من الزميلات حضرت وتقول طلعت تجنن وانا انصدمت ليه ماعزمتني برساله حتى ولاافتكرت فيني ليش عشاني عانس والبقيه مخطوبات ومتزوجات حسبي الله ونعم الوكيل هذا جزاي كنت ايام الدراسه اغطي عليها بالغياب وسويت لها اشياء هي ماسوتها لي رغم انها ورطتنا بسالفه وبعدين بديت ابعد عنها وهي اصلا خلقه كانت ماترد ع اتصالاتي الا بعد طلعه الروح ولاتتصل الا اذا فيه شي تبيه وكانت تقولي انا اقرب وحده لها بالشله المهم بعدها رجعت اسال عنها واواصلها وهي يمكن رسلت لي مسجين او 4 طول السنه بس تخيلوا بس ماتوقعت ابد انها مابتعزمني ع زواجها ليش البنات كلهم راحوا الا انا وربي مقهوره حيييل احاول اقول لنفسي لاتفكري فيها هي مستانسه ولاجيت ببالها وتقضي احلى ايام عمرها بس ماقدرت انا دايم يقولون عني طيبه زياده عن اللزوم وعلى نياتك يعني خبله
وانا بانطق دايم اعامل الناس بالحسنى والقى الاساءه والنكرران ليش لازم اكون وقحه ومصلحجيه عشان الناس تحبني وكمان حتى صديقتي الثانيه كانت الروح بالروح العام تزوجت وماعزمتني ورسلت لي بيوم الزواج دعواتكم تخيلوا وانا دقيت عليها وقتها وقلت لها الف مبروك ومابقدر احضر قالت تعالي قلت ماقدر عندي اشغال واهلي مابيودون عند ناس مانعرفهم لان خطيبهم برا القبيله ووزواجها كان بمدينه وانا كنت مسافره وقتها ومريت ع المدينه اللي زواجها فيه وانا لو ودي احضر بس مقهوره ليه ماكلمتني من قبل المهم وبعد الزواج تخيلوا علاقتنا شبه رسميه يعني يمكن لنا سنه وكان بيننا 3 اتصالات او 4 وكم مسج وهي الحيين ولدت وبترجع عند اهلها وانا كلمتها امس وقلت لها بزورها بيت اهلها والحيين احسني محتاره اقول لاتروحين هي سحبت عليك وعلاقتك فيها شبه رسميه ليش اكلف ع نفسي واشتري لها اغراض وشوي اقول لا حرام زوريها وخذي اجر ملبوس للمولوده
والله مدري وش فيني احس مابغى اعرف احد تعبت اعامل الناس بادب واحترام والقى منهم الجفا ولو جاء وقت المصالح الكل يعرفك
بالله اشرايكم انا غلطانه ولاهم
وانا انسانه احب الوصل لاني احب صديقاتي بس كل يوم انصدم اكثرر ولو كتب الله لي نصيب ماراح انقطع عن صديقاتي لان حب الزوج شي والصداقه شي
اسالكم بالله طلعوا الموضوووع
استغفر الله العظيم واتوب اليه
سبحانك اللهم وبحمدك اشهد ان لااله الا انت استغفرك واتوب اليك
إن شاء الله لي رجعه
بالتوفيق
والله يرزقك بولد الحلال الي يرفعك على من حقرك
ياحبيبتي هي الناس كذا انا اذكر واحنا طالبات بالجامعه
نكون مع بعض والي تنخطب تشوف نفسها علينا ولو انا ازين منها بكل شي
بس نصيبها جا قبل
وبعضهم لاتزوجت تنسانا والا تحقرنا بعد
ولاعلينا منهم جا نصيبنا والتهينا
وانتي بعد بيجيك الي يعزك ويرزك والله يجعله عاجل غير اجل
ويفرح الله قلبك الطيب
وصديقتك ذي ان كان شفتي ان زيارتك لها راح تسعدك وانك تاخذين اجر الملبوس
فوالله البسي واكشخي وروحي واضحكي وفرفشي وخلي الهم نسيان
وان كان لا والله بتنجرحين والا بتشوفين منها شي يكدر خاطرك لا تروحين وياكثر ابواب الاجر
ارسل حق الملبوس لدار الايتام على نية الله يزوجك الصالح الفالح
الله يجبر خاطرك عن خلقه بالعلم الزين ياحبيبتي
ومن باعك بيعه لو كان غالي
بصراحة البنات صايرين يخوفون الوحده اذا انخطبت تكبرت على الباقين وشافت نفسها وتنسى الكل عشانها بتتزوج مدري خايفين من العين ولا من ايش استغفر الله
وللأسف مايدرون ان المسألة توفيق من رب العالمين وش الفايده اذا تزوجت وبعدها بفتره تقوم تندب حظها لأنها تزوجت وتقول البنات نظلوني ونفوسهم بالزواج
وانتي لما تقولين انك طيبة زياده عن اللزوم هذا مايعني انك خبله هذا يعني ان قلبك ابيض صافي وتحبين الخير للجميع وأما الخبلة هي اللي تصدق نفسها وصلت لسطح القمر وهي ماراحت ولا جت مغير تزوجت وطارت في العجة
والمعاملة الحسنه صايرة هبله….بالعكس
والزميلات كلهم كذا اذا فرقتهم مقاعد الدراسه وانتي خلاص الي شايفتها
بتبعد عنك.بعدي عنها ..والله اني مريت بنفس حالتك
وكنت بس ادق واسال ولما شفتهم مايدقو ولا يسألو سويت زيهم
الي يبيعك بيعيه بكره تحصلي الي احسن منهم
بس اهم شئ المعاملة الحسنه بس اذا طنشو طنشي
وليش تحري نفسك هالقد عشان ماعزمتك بالطقاق الي يطقها
بكره تتخطبي وتتزوج ووتتلهي بحياتك وعيالك وتنسيهم
لاتحري نفسك وتتعبيها عشانهم ماحد يستاهل هالحره الا احد يحبك كلها مقاعد دراسه كانت تجمعكم
والوحده اذا تزوجت تنسى صحباتها مدري شالسبب…كله تكبر اني تزوجت وانتي لا؟الارزاق بيد الله وحده
خلي املك وايمانك بالله قوي
والله يرزقك الزوج والذرية الصالحه
وتري في بعض البنات اللحين لو انخطبوا او تزوجوا يجيهم كبر مو طبيعي هههههه الله لايبلانا وفي البعض لا والله ينشغلوا لان الزواج مسؤليه المهم اغلب الصداقات هذي الايام كذا وقت مصلحه ودراسه يعني اصلا مي بصداقه هي زماله بمعنى اصح اسالي الله ان يرزقه بصديقه صالحه ورفيقه لدربك تري سبحان الله الصداقه شي حلو لو تطبق
والله يعينك ع اللي عندك ويرزقك بالزوج الصالح وجميع بنات المسلمين
هذي صديقتك مآإعزمتك بآآليوم آللي بتلبس آلفسستتآإن ألآبيض يوم فررححههـآإ آللي آلمفروض يشِـآإركههـآإ فيه كل من تغليه
شووفي آنآإ آإسفهه بس هي آكيد كآإنت ماخذتك الا عشان تفضفض لك وتساعدينها بكل شيء بس مآإخذتك صديقه عمرهـآإ 
شوفي يآإروحي هآلنوع من آلنآإس مآإيستاهل ينسآإل عنه ولآإ يستتآإهل زعلك ولآإيستآإهل قلبك آلطيب وصدآإقتك
آنسسيههـآإ وآنسي وضعهـآإ بس آرسلي لهـآإ رسآإله عن آلعششره اللي كآإنت بينكم آن رجعت دقت وفكرت فيك معناك تهمينها ولو بآلبسيط 
لكن آن سحبت عليك صدقيني آنتي مآإتعنين لهـآأ شي
نرجع لموضوع آنك تقولين آنك خبلههـ محششومهـ حبيبتي انتي مو خبـله آنتي ورده متفتحه بين ورود ذآبلهه بس صدقيني هآلزمن مآإيحرم 
خلي طيبتك ونيتك آلصآآفيه لنفسك بس ولآإتوضحينهـآإ لآإحد وتظآإهري آنك آنسآإنه قويه وقـلبك قآإسي هذآ عشآإن آلنآإس ماتستغل روحك آلطيبه
بآلنآإدر مآإتلآإقين صديقه وفيه فهـآإلززمن ولاتزعلين لانك آنتي مآغلطتي بشي وبعدين هي آلمفروض تزعل لانها فرطت بصديقه مثلك
حبيبتي آلدنيآإ مآإتوقف على شخص واحد آلدنيآإ مآإشيه مآإشيه ومو كل شي نحبه بيبقى معنا وآللي باع صدآإقتك بيعيه بترآإب !
آلله يوفقك ويفرج همومك يآإرب ويرزقك بألزوج آلصآإلح آللي يقدرك ويعرف قيمتك ويقدر روحك آلطيبهه
مووفقههـ يآإروحي وآإسفهه على ألآطآإلههه