الواتس اب وامي -لصحتك 2024.

امي من يوم عرفت الواتس اب وهي جالسه عليه ..
تجلس ترسل برود كاستات للي يسوى الي مايسوى كذا مره اقولها مايمفع تقول مالك دخل
وصلت لدرجه ترسل بي سي مثلا بقروب ..
وتتصل بعده على فلانه كمان مسجله بالقروب . وتقولها ماطفشتكم بالرسايل
شفتي الرساله الي ارسلتها ..
حسبتك ماتشاركي لأني ارسلت الصوره الفلانيه
وكل فتره وفتره تدق على اي وحده وتقول بس لا أكون طفشتكم بالرسايل
والرسايل الدينيه الصحيحه والمشكوك فيها كلها ترسلها لدرجه لمن ادخل محادثه القاها مرسله اخر 7 رسايل برودكاستات وصور

انا وحده عن نفسي ما ادز شيء حق احد أبد ابد بس حوار بالواتسآپ بس ما ادز بي سيز بس هذا ما يعني انهم ما يوصلوني و ما اقراهم…يدتي اول ما تعلمت على الواتسآپ كله تدز رسايل لا و اللي بالقروب يوصلنا كلنا مره ثانية بالخاص لأنها تدزه حق قروبنا + برودكاست بس عادي يعني كانت توها هابه فيه و حياتي اهيا يعني تبي تنفعنا بأشياء قرتها و عجبتها سواء أدعية او معلومات او نكت او او او او عااااادي يعني مره دزيت لها صورتي بعرس و دزتها حق كل اللي عندها بالواتسآپ بالغلط كانت ناسختها بالغلط و يايه بتنسخ صورة دعاء او شيء چذي المهم ما نسخت اللي تبيه … دزتها بدال اللي كانت بتدزه حق كلللللللللللللل اللي عندها عااااااادي 😂😂😂😂 يعني انتي متخيلة ان صورتي وصلت حق كل معارف يدتي؟! رياييل و حريم صغار و كبار يعني چنها تطرب علي… زعلت؟! لا والله متتتتتتت من الضحك و عادي مشت يعني فقيرة والله كانت توها تتعلم و حيل كانت متخسبقة و زعلانه يوم دزتها مع ان صورتي كانت عادية يعني انا مو متحجبة فعادي ان شعري كان طالع و لبسي كان محتشم الى حد ما و كنت طالعه فيه مثل ما اهوا ماكو شيء فوقه بالزفة مالت الرياييل وقبل/بعد ما دشيت القاعة بس كانت زعلانه و داقة علي تعتذر و حرااااام يعني جد تكسر الخاطر بس ما اهتميت ابداً لأنها اولاً يدتي يعني بمقام امي، ثانياً لأنها غلطة بسيطة و عفوية و تصير يعني، ثالثاً لأن ما مت او صار فيني شيء يعني كلها صورة فما بالچ انتي اللي امچ ما غلطت ولا اذت احد ولا شيء ابداً يعني صدقيني محد نفسي كل معارف يدتي شافوا صورتي بعرس ما ادري شنو مضايقچ خليها تستانس و خليها تدز حق اللي تبيهم الأشياء الله تبيها و ابشرچ ترا يدتي مع الوقت ملت و قامت بس تدز نخبة النخبة بالبرودكاستات يعني مو كل شيء يعجبها و صار الواتسآپ قديم بعيونها يعني مش آد المآم الحين تكلمنا فيس تايم الله يحفظها و يحفظ أمهات المؤمنين يا رب

الخلاصة: حب امچ للواتسآپ ما يخليها "خفيفة" على قولتچ و اهيا قاعده تكتشفه يعني عمرها او عدد عيالها ماله اي شغل بالواتسآپ و سوري يعني بس ترا اهيا امچ مو العكس يمكن يمكن اذا عدلتي اسلوبچ ممكن تسمع لچ مع اني ما اشوف ضرر باللي تسويه.