اخواتي العزيزات راح اقدملكم اليوم طبخة المنسف عطريقتي …
المكونات لحمه هبره…مقطعه …
جميد حب —اوجميد جاهز (الكسيح)
رز حسب الحاجه…مكسرات …للتزيين
بصله مفرومه لسلق اللحمه…
بهارات منسف ..وحب الهال مطحون…
ويمكن اضافة االلبن الرايب او لبن المخيض..
للجميد …واكيد المنسف ما بكون طيب الا بالسمن البلدي…
وما ننسى الخبز الشراك لنضعه تحت الرز والمنسف وفوق السدر
بعد تجهيزه…كامل …
——————-
الطريقه …
نقطع اللحمه ونسلقها وبعد ما نشيل الزفره ..نحط عليها بصله مفرومه
ونحط ملعقة بهار المنسف….وملعقة حب الهال …ملعقه صغيره…
ونتركهم يغلوا على نار هاديه بعد ما نغطي الطنجره…..
وننقع الرز ….بالماء الفاتر مدة 15دقيقه…..
وطبعا منكون ناقعين الجميد قبل بيوم بماء ساخن ….وتاني يوم نخلطه
بالخلاط …وفي بديل جميد مطحون جاهز بعلب مغلفه…اسهل طبعا
وممكن نضيف لبن مخيض للجميد بعد خفقه نضعه عالنارونحركه
باستمرار وعند الغليان نطفىء النار تحته ونتركه …
وبعد ما نحس اللحمه استوت ونضجت …نشيلها بقدر تاني ….
ونصفي مرق اللحمه …نضيف نصفه عالجميد ….ونخلي شوي للرز
نفلفله فيه بكون طعمه اطيب….وبعد مانضيف المرق للجميد ويغلي
نضيف شقف اللحمه المسلوقه…..ونتركها تغلي مع الجميد…
ونضيف عليها طبعا السمن البلدي حسب الحاجه…….
ونتركها تغلي قليلا معها …ونطفىء النار تحتها ….
وناتي للرز نضيف مرق اللحمه مع قليل من الماء ..ونضيف ملعقة
صغيره بهار المنسف…ونتركهم يغلو شوي وانا اضيف ملعقة كركم صغيره احب الرز الاصفر للمنسف…واضيف ملعقتين سمنه بلديه
ونتركهم يغلو قليلا …وبعدين نضيف الرز عليهم ………
واكيد كلكم بتعرفوا كيف بتفلفل الرز….وبعد النضج ……
ناتي لتجهيز صدر المنسف …نضع الخبز بقاع الصدر ونشربه
بقليل من الجميد….ونحط فوقه الرز…ونصف اللحمه عليه..
ونضع المكسرات فوقهم ..ويمكن اضافة البقدونس للتزيين….
ونشربه بالجميد وممكن نحط فوقه رغيف خبز شراك…
وصحتين وعافيه عقلبكم …ترى المنسف زاكي كتير …
وسهل كتير طبخه….واليكم الصور …
وصحه وعافيه عقلبكم
رووووعه
تسلم الايادي
روعه تسلم ايدك شهيتيني اعمل منسف بس ليه مو حاطة عليه سمن بلدي
|
المشاركة الأصلية كتبت بواسطة ام فىء وفتون
 ماشاء الله تبارك الله
رووووعه تسلم الايادي |
تسلمي حبيبة قلبي شكرا الك صحه وعافيه ياقلبي
وفيتى حبيبتى بوعدك
ههههههه ليه منزلتيه بقسم المطبخ العضوات
حبيبتى سلم يداك يالى جهزت هالاكلة اللذيدة
اكلتها مرة واتمنى اعيدها
يقيم بالنجوم والشعار والتقيم
|
المشاركة الأصلية كتبت بواسطة هبه الدلوعة
وااااااااااااااااااو
روعه تسلم ايدك شهيتيني اعمل منسف بس ليه مو حاطة عليه سمن بلدي |
انتي الروعه حبيبتي تسلمي يارب
وحياتك يا هبه ما بطبخه الا بالسمن البلدي ونسيت احط الصوره حبيبتي
اسعدني مرورك حبيبتي …
حبيبتي الصور مغلبتني كتير
مش عارفه اصغرها ..
اصبري علي مره في مره بتعلم….