كيفكم يا احلى عضوات ومشرفات واداريات ووووووو
بأحلى منتدى بالعالم
طبق اليوم رائع فوق الوصف وتقريبا الوطن العربي يعرفه بس بيختلف طريقة طبخه من
بلد لبلد وهو المفتول او الكسكسي او المغربية .
المرحلة الاولى :
لعمل المفتول
::: اشتري من محلات البهارات مفتول الحجم المتوسط هون العلبة مكتوب عليها متوسط او صغير فخلي بالك خذي المتوسط
وفي فلسطين بنعملو طريقة معينة بالطحين والعجايز هناك يعملوه بمهارة
لكن هنا لم اجد الا الكسكوسي المغربي ولكنه شبيه تقريبا للمفتول
وهذه صورته
المهم تحضريه وتضعيه في صينية
وتحضري مية وملح اوكي وبتصيري ترشي المية المملحة عالمفتول وتفركي بايديكي وترشي ايضا زيت وتعملي نفس العملية والمقدار غير محدد من الماء والزيت ولكن بالتقدير لما تحسيه شوووووووي رطب
سلقت اللحم وحطيت عليه الملح و البهارات الصحيحة وكل هذا تحضير مسبق
المرحلة الثانية:
لعمل الكمرة او الدفنة او دقة المفتول يلزمنا
بصلتين كبار يقطعا ناعم جدا + فلفل اخضر حار + م ك كمون + م ك شبت ناشف ( عين جرادة )
+ ملح يدقا معا حتى ينعما بس انا ما حطيت فلفل
ثم نضيف اليهم 1/2 كاس زيت زيتون نجهزه ونضعه عى جنب لحين الاستعمال كما سياتي
المرحلة الثالثة :
لعمل اليخنية
بصل والكمية حسب كمية المفتول فمثلا كيلو مفتول يحتاج الى 5 _ 6 بصلات كبار
طماطم حمراء حوالي 5 حبات
خضار مقطعة مكعبات انا استعملت القرع والبطاطا
مرقة اللحم المملحة والمنكهة بالبهارات الصحيحة
حمص منقوع ومسلوق
هاي صورة للخضار اللي استعملتها
نوضع البصل في قدر ونقلبه بكمية من الزيت النباتي الى ان يذبل قليلا
نضيف بعد ذلك الخضرة انا حطيت قرع وبطاطا بس ممكن تحطي كوسا وجزر والذرة المعلبة
نضيف مرقة اللحم
نضيف حوالي ملعقتين صلصة
بعد ما تنسلق الخضار نضيف الطماطم
وبعدها نضيف الحمص
بالنسبة للمفتول
انا جبت قدر وحطيت فية مية وحبات هيل و شرحات ليمون
ونضع المصفى فوق القدر لنبدا في طهو المفتول ونتركه قليلا حتى يبدا البخار يصعد من فتحات
نضع طبقة من المفتول في المصفى
ونضع الكمرة فوقه كما في الصورة الآتية
ثم نضيف باقي المفتول بالتدريج حتى نننتهي من الكمية كلها ونغطيه ونتركه لينضج بالبخار
وهاي شكله لما نضج المفتول يزيد حجمه ولما تربتي عليه بيدك تحسي بصوت هواء داخله وما بخبركم عن الريحة ما احلاها
انا اضيف القليل من السمنة وزيت الزيتون على الوجه ثم اضعه في طبق كبير وابدا بتفكيكه من بعض وتهويته وخلط الكمرة معه وتكون نضجت لاضفاء النكهة المميزة والطعم اللذيذ
وهاي شكله بعد النضج
على فكرة انا بعمل المفتول واليخنية بنفس الوقت مشان يخلصو مع بعض
المرحلة الرابعة :
هلا وصلنا للجد كيف بدنا نقدم المفتول
المفتول جاهز وانا حركته منيح وضفتله الزبدة وزيت الزيتون واليخني كمان نضجت وقطع اللحم ناضجة
ما بقي الا نحضر طبق التقديم
ثم نضيف اليخنية الرائعة
واخيرا قطع اللحم
اصبح جاهز يلا اتفضلووو
شو رايكم يا حلوين 
حلو المفتول
صورة الحلو
المقادير :
2 كوب مفتول
2كوب حليب
نص كوب سكر
ملعقة كبيرة زبدة
تشكيلة مكسرات عندي زبيب وجوز مجروش ولوز وكاجو محمصين
عود قرفة
للتزين جوز هند وفواكه مشكلة ومكسرات
الطريقة :
اولا نضع الحليب والزبدة والسكر و عود القرفة في قدر ونشعل النار تحته حتى ياخد غلوة
ثم نحضر المفتول المطبوخ على طبق الفرن
نضيف المكسرات
وفي النهاية
الحليب
ونضع الطبق في الفرن حتى يستوي المفتول
هاد شكلو بعد اخراجو من الفرن
زينتو بالمكسرات وجوز الهند و الفواكه المشكلة واليكم الصور
اتمنى ان ينال موضوعي استحسانكم
سلامي للجميع
بجد ما شاء الله عليك وتبارك الرحمن
بالصحة والعافية ع قلبك وقلب أحبابك
تحياتي
فيه بعض الشبه بالكسكسى الليبى
سلمت يداك ياقمر
تستاهلين التقيم والنجوم والشعار
بنتظار جديدك
دمتى بود يالغلا
طبخة حلوة كتير
والحلى كمان ماكنت بعرف انو الكسكس بيصير حلو
موضوع رائع وصور متعوب عليها
مشكورة ياعسل
تسلم الايادي ياعسل
شكلهم كتير طيبين
صحتين على كل من اكل من هالاطباق