السلام عليكم الغاليات
اشحالكم ان شاء الله بخير ,,
حابة اليوم اخبركم عن زيارتي لمحل ( ركن الحرف اليدوية ) اللي حصلته اخيرا بعد طول بحث وتنقيب (( ما صار محل صار الماس :D)) .. المهم موجود في امارة ابوظبي شارع حمدن .. وصار لي اكثر عن ثلاث سنوات وانا ادور عليه ,, لين ما فجأة وحدة من الخوات في منتدى ثاني عطتني اسمه في منتدى ثاني قبل سنة تقريبا وحاولت اوصله بس ما عرفت لان اللي تشتغل فيه نو عربي للاسف وفي الاستعلامات يعطوني وصف تحفة له واخر شي قلت طنشت السالفة لين مرة قبل اسبوعين تقريبا كنا في شارع حمدان وقلت خل ندور شوي يمكن نلاقي المحل سبحان الله وشوي شوي لين حصلته اخيرا الحمد لله ..
بصراحة او ما دشيت المحل حسيت قلبي بيتوقف من زود الفرحة اخيرا حصلت المحل اللي كنت ادور عليه ,, اخيرا حصلت الادوات اللي كنت ادور عليهم الحمد لله الحمد لله 🙂
في زيارتي الثانية للمحل سرت انا وربيعتي وتمت تتمصخر علي وتقولي ام ناصر لا تخلين شي في المحل خميه كله ههههههههههههه حتى البياعة يوم ييت احاسب قاعدة تقولي احسن لو تشترين وقت التنزيلات قلت لها حبيبتي انا يايتنج من بني ياس اخر الدنيا ولو ييتج اليوم انسي اني اقدر اييج عقب خل اخم اللي اباه الحين وبنتفاهم وقت التنزيلات ههههههههههههه وحليلها عقب سوت لي خصم من عندها لان ما شاء الله خميت خمة محترمة بروايكم الصور طبعا الاغراض مب وايد بس السعر محترم كان ههههههههههههه
واستأذنتها وقلت لها بنزل موضوع عن المحل في النت عسب البنات المهتمات باشياءكم ييون ويستفيدون من الاغراض اللي فيه مثلي ,,
فقالت لي عادي مافي مشكلة ,, وهاي صور عن المحل ,, طبعا المحل مب كبير لكن الاغراض اللي فيه رووووووووووووووووووووووووووووووعة ,,,
هاي الوان متنوعة من ضمنها الوان زجاج وغيره انا طبعا ما افهم في هالموضوع بس ربيعتي عندها هالاهتمامات ,,
هاي اشياء من خلال مشاهداتي في اليوتيوب كنت اشوف مثل هالاشياء يركبونها في البطاقات وعلى الاشكال اللي يخرمونها بشكل عام ما اعرف شو اسمها بس حلوووة تعطي لمعة وحركات حلوة ^_^..
هاي دانتيلات او شرايط خاصة بالبطاقات او حتى العلب حلوو اشكالها ومميزة ما شاء الله
هاي ما اعرف شو بالضبط بس عموما صورتها المهتمين اكيد بيعرفون هي شو بالضبط ,,
هاي ( stamps ) او ختوم ما اعرف شو هي بالعربي المهم انها اشكال نلونها بالحبر اللي نسوي فيه بصماتنا ونزخرف بها البطاقات ,, حلووووووووة وااااااااااااايد ومنها اشكال وايد هاي النوعية حلوة بلاستيك احسن من الانواع الخشبية حسيتها ,,
هذا قسم استكرات الجدران نوعيتها حلووووووووة ما شاء الله صح غالية بس حلوووووووة ,,
وحتى قالت لي البياعة اللي في الحمل بالمناسبة اسمها جيتا ( هندية ) بس مثل ما قلت لكم نو عربي للاسف ,, قالت لي جيتا ان مستشفى خليفة خذوا من عندهم حق المستشفى من الاستكرات ,, حلووو ما شاء الله وحتى في استكرات حق الارضية يمكن انتوا تعرفون هالشي بس انا صراحة اول مرة اشوف ^_*
*
*
*
يتبع
هاي تابع لصور استكرات الجدران ,,
هذي البومات ..
وهذيلا طبعا عشقي الكبير الخرامــــــــــــــــــــــــــــــــــــــــــــ ـات ..
هذا حبر الاختام اللي اقولكم عنه طبعا في اشكال وانواع وايد بس ما صورتهم كلهم ,,
هذا بعد ما عرفت شو بالضبط بس اكيد المهتمات بيعرفونه ..
هذي ورشة العمل لان يسوون ما شاء الله دورات حق الرسم عمل البطاقات او الديكوباج الرسم على القماش ,, واشياء يدوية وايدة في المحل ما شاء الله ..
في كم صورة ما طاعت تنزل للاسف بجرب انزلها مرة ثانية ,,
المهم الحين تعالوا شوفوا معاي الطلبية مالتي 😀
هذا كيس الطلبية مالتي ^^
الطلبية ,,
خذت ختم زخارف بلاستيكي وقالت لي الاحسن اخذ معاه اللي مبين في الصورة مش زجاج بلاستيك مقوى او شي جي علشان احط الاختام البلاستيكية واحطها فوقه بالطريقة اللي اباها وبعدين احط عليه اللون اللي اباه واضغط على البطاقة في المكان اللي اباه ,, + ختم خشبي… بس بعدني ما جربت لان ما عندي الحبر نسيت اشتري ؟؟!!
حبيباتي خراماتي 
هاي بعد خرامات بس على زخارف حلووووة ..
لوح التقطيع حلوووو من زمان ادور عليه وفيه مسطرة تنفتح كشخة ^^
مثل ما قلت لكم طلبيتي مب كبيرة بس سعرها ما شاء الله (_&
هذا البروشور الخاص بالمحل ..
وهاي بطاقة المحل واللي فيه رقم جيتا ,,
ان شاء الله الرحلة تكون عجبتكم بس للعلم بالشي انا ما حطيت الموضوع الا للاستفادة للجميع ما اريد حد يتعب في الدوارة شرات ما تعبت وطفرات والله يوفق الجميع لما يحب ويرضى:)
@ اختكم في الله@
ام ناصر 🙂
يعطيك الف عافية
تحياتي
تسلم أناملك اموت على منتجات الأشغال اليدوية
لأني احب الأشغال كثير
ربي يسعدك يوة يوة من زمان ما زرت مثل هالأماكن .. شهتيني أروح لأني من عشاق الأشغال بس مو حاصل لي .. << فيس منهمر بالبكاء حده
تسلمين وربي يوفقك حسافة انا مو من ابو ظبي بس أتذكر من زمان عندنا محل بالخبر اسمه الزامل يوة يوة كنت دايم أزورهم أتشرى منهم
.
آسفة ع الأطالة