السلام عليكم ورحمة الله وبركاته
الله يسعدك ياا اداره تنزلي الموضوووع..
بدخل بالموضوع..ع طوول
انا متزوجه من سنه ونص وعندي طفله ولله الحمد ..
بس للاسف الحاله الماديه جدا جدا سيئه..
زوجي يشتغل بياع والراتب مايكفي ابدا لنص الشهر حفايض وحليب للطفله
وزوجي الان نفسيته جدا سيئه ما ينام لا ليل ولا نهار وهو يفكر ايش يعمل عشان يقدر يجيب لنا اكل وشرب واهم شي الحليب والحفايض..
حاولت ادور على وظيفه بس للاسف ما الاقي المناسبه لان زوجي يقول يا وظيفه تكون بكرامه او لاء حتى لو ماناكل ولا نشرب ..
وانا قبل فتره طلبت من اهلي وما اقدر اطلب مره تانيه لان بالاساس ابوي يحبني مره وكم مره سمعني قالي انتي تستاهلي حياه افضل ومن هذا الكلام
وانا ما احب احد يتكلم عن زواجي من زوجي لاني احبه مررررررره
واموت عليه وابغى اساعده لان البيت صار مره كئيييب ..
وهو طلب من اهله يساعدو بس كمان اهله مامعهم ..
يعني مافي حل الا اني اشتغل وجالسه ادور وظيفه تكون بنتي معي
يعني بالمكان الي اشتغل فيه يكون فيه حضانه او اشتغل بحاضنه
الله يسعدكم الي تقدر تساعدني بتكسب اجر كبير
وكمان غير كدا نحنا مستاجريت بيت مره صغير والاجار ماشي حاله احسن من غيره لانو مره صغير والحمدلله ع كل حال
وزوجي كل شهر يعطيه عشان مستحيل يقدر يوفر الاجار كامل او نص الاجار
واذا بقيت معنا الفلوس من الراتب تنصرف على حليب الطفله وحفايضها
صار يعطيه كل شهر جا دق عليه صاحب البيت اليوم يقول له تعطيني كل ست شهور الاجار قال ما اقدر ومن هذا الكلام قال اجل تخلي البيت
قاله البيوت معبيه البلد
طيب نحنا بهذا البيت عشان مالنا غيره ومضطرين عليه وبالصعب لما نجمع الاجار هذا فكيف ندور على بيت مستحيل نلاقي بمثل هذا الاجار
والذهب كله بعناه لان كان عنده دين وقتها وحطينا كمان اجار البيت بهذاك الوقت
لان اذا ضلينا بهذه الحاله رح بيطلعنا من الشقه الي هي حيلتنا الان
وشغله مو بس الراتب قليل كمان مانشوفه ابدا غير ساعتين باليوم
الله يسعدها الي تقدر تساعدني اني القى وظيفه ربي يحققلها الي في بالها وتدخل جنات النعيم ويرزقها لتقول كافي
حتى لو موظفة استقبال بمشغل نسائي اقدر اخد
بنتي معي
او بحضانة اطفال يمدرسه ربي يرزقها كل الي تتمناه يااارب…
اسفه ع الاطاله بس من حرقة قلبي والله..
امنتكم الي تدخل ما تخرج من دون رد ..
ويكتبلك الخير في كل مكاااااان
طيب هو لو شغلة مثلا فتره وحده يدور على شغل ثاني يساعده
او مثلا يحاول يدور على شغل ثاني براتب اعلا …………..
/
حاولي تشوفي لك روضه مثلا تشتغلي فيها
/
لاتشكي لاهلك لان الاهل ماتهون عليهم بنتهم باي شكل
كمان ممكن ادا بنتك لما تكمل السنه تفطميها
او تأكليها اشياء ، بدل الحليب مايكون الاساس
/
خليه يحاول يكلم صاحب العماره مره ثانيه وبهدوء
ويشرح له ان حقه بيوصله كل شهر ومراح يقصر فيه
وان شاء الله يقتنع
وعليكي اختي بالدعااااااااااااااااااااااااااااء والالتجاء الى الله
هو الي يقدر يفرج همكم ويوسع برزقكم ………..
في صلاة اسمها صلاة الحاجه …….. صليها وادعي ربك …
والله يفرج همكم يارب ويرزق زوجك من حيث لا يحتسب ويحفظ لكم بنتكم 🙂
ان شاالله ورحمته واسعه