–
السلام عليكم
–
انا بنت بثالث متوسط عمري 15 المشكلة هي مع ابوي وبخله الشديد علينا بس اقولكم تراه عنده فلوس والحمدلله وضعه المادي مرا حلو
الا انه بخيل جدا علينا احنا 4 اخوان ماشاالله وانا البنت الوحيدة بخيل جدا علينا وامي اتطلقت منه من حوالي سنتين تقريبا وصراحة كان جدا صعب علي الوضع لاني كنت محتاجة
ام تساعدني وتوجهني واحد يوقف جمبي لأني كنت ببداية سن المراهقة وغير كدا اخواني 4 كبار فوق 16 وواحد صغير 5 سنين فكنت انضف واخدم وارتب البيت وغير كدا اربي
اخويا الصغير لأن امي بعيدة وابويا مايرضالي اروحلها الا بالقوة يمكن شهر مااشوفها امي تروح المحكمة تشتكي لكن مافيه فايدة وغير كدا مو راضي لأمي تاخد اخويا الصغير وتربيه
عندها ، المهم انا اشيل البيت شيل من عمري 12 واتعب كأني ام وغير كدا اخواني وابويا يصعبولي الوضع بالذات ابويا بتأمرهم ومعاملتهم القاسية عليا اخواني لمن امي كانت فيه
ما كان احد يتجرأ ويهينني ويسبني بس دحين يسبو فيني سب كأني شغالتهم ينادوني ياخرية جيبيلي موية جيبي جوالي ومدري ايش المهم بثالث متوسط بالمدرسة كنت وحيدة
كان عندي صحبات بس كانو مايفهموني وكنت احاول افضفض لهم بس قلبي مايطاوعني احسهم حيفتنو عليا المهم انا بالمدرسة اتعرفت على بويتين واتكلم معاهم وكدا مرة كنت قاعدة
على موقع الاسك اكلمهم ابويا قفطني ومدسني تمديس هدا الكلام كان يوم الاحد الفجر الساعة يمكن 6 بالزبط ضربني وضربني وشحطني ومارحمني للعلم اني ماكلمت البوية الا لأني كنت
حاسة بوحدة واحسها هي اللي تفهمني واعترف اني كنت اكلم عيال كله لاني كنت وحيدة بس تبت دحين المهم اكمل هرجة البوية بعد ماهلكني ضرب ابويا وفضحني قدام اخواني احتقروني بزيادة
ورحت المدرسة متأخر وللمعلومية انا اروح المدرسة برجولي مااحد من اخواني يوديني رحت المدرسة وعيوني مفقعة من البكا وكل البنات يطالعو فيني حتى الابلات باستغراب بس مشو الهرجة وماكلموني واكتشفت حاجة مؤخرا ان امي ماتبغاني اجي عندها بعد مااكتشفت انا شي اكتشفت ان امي تكلم رجال وتضحك معاهم وتتدلع لمن تكلهم انا انصدمت لمن كلمت امي قعدت تزعق عليا ومدري ايش انا صراحة انصدمت انا ماادري ايش اسوي امي وابويا واخواني مايبغوني وغير كدا معاملتهم زززفتتت جدا ليا وغير العذاب الي اتحمله من ابويا وحياة العبودية حتى لمن اطلبه ابسط الاشيا صراحة استحي اطلب منه فلوس للحفايض حقت الدورة واكلمه ابغا اشتريلي حاااجات للبنات وحوايج يقول لا انا عندي بيجامتين وكم بنطلون وبلوزة كلهم ضيقين لهم اكثر من سنة وجزمتي المعفنة انا تعبت مااعرف ايش اسوي حتى مصروف مايديني عدل وغير كدا بالمدرسة انا اتعرض لمضايقات وماعندي صحبات كثير وكل اللي امشي معاهم صحبات مصلحة يعني بس يبغو يمشو معاي عشان اسعدهم واضحكهم ولمن يجي وقت الشدة عندي يتركوني انا بالمدرسة اتكلم وابتسامتي تشق وجهي واضحك معاهم يفكروني اسعد انسانة وكلهم يحسدوني على هالشي وكلهم يقولو ماشالله دايم سعيدة هالبنت بس هم مايعرفو اللي بقلبي وقد ايش شايلة هم وقرف كل هدا وعمري 15 سنة بس
–
الله يسعد اللي يرد عليا ويدخله الفردوس
اللي حاب يتواصل معايا . | ask.fm/almonera_45
اول شيء اهتمي بدراستك ولاتحكي اي شيء لاي وحدة حتى لو كانت قريبة منك لانها اليوم صديقتك
لكن غدا ممكن تفشي كل اسرارك
حاولي تتقربي من والدك تكلمي معه بهدوء اخبريه انك كبرتي وتحتاجين اشياء كثيرة ان لم تستطيعي اكتبي ورقة احكي فيها
كل ما بداخلك وضعيها كانك نسيتيها وخليه يقرأها يمكن قلبه يحن
اما اخوانك لاتخليهم يتمادو معك اللي عايز يشرب يقوم بنفسه
الله يوفقك ويسعدك
انت يالغلا اخطأتي مره لما حاكيتي البويات لا تقولين لأني وحيدة صدق الوحدة صعبة بس لو تقربت من الله سبحانه و تعالى
حبيبتي ابوك لما ضربك من قهرو خيبتي ضنو و خنتي ثقتو و كمان إخوانك خيبتي ثقتهم فيك
انا ما بدي زود عليك بس حبت وضحلك خطئك
حبيبتي حاولي تسترجعي ثقة اخانك تقربي منهم صدقيني حتى و لو قسو عليك بس يضلو عائلتك و سندك تقربي منهم مثلا صارخ عليك يقول جيب هالشغلة بالصراخ انتي روحي جيبيها و اعطيلو ياها وانتي مبتسمة و قولي هدي اعصابك اخي
صدقيني بتقدري تتقربي منهم
أما على أبوك يمكن صدق مقصر معك من ناحية المصروف بس حبيبتي القناعة كنز لا يفنا افرحي بشيئ البسيط اللي عندك انتي عندك اب و اخوان و بيت و تاكلي و عندك شيئ تستري فيه حالك غيرك ما عندو
احمدي الله على ما عندك و حتى لو كان اللي عندك قليل اقتنعي فه و اشكري الله
صدقيني بيرزقك من حيث لا تحتسيبين
عجبتني شغلة انك دائما مبتسمة على قولتك ابتسمي قلبي فالدنيا فانية
و نصيحة اخيرة تقربي من الله سبحانه و تعالى اكثري من الإستغفار والله يفرج همك يا حق
تحاتي إلك حبيبتي ^^
بالنسبه للفلوس لازم تكلمين ابوكي وتصارحينه ولاتخافين تطالبين بحقك انتي بنت
وعندك احتياجات وغصبا عنه يمشيلك مصروف شهري تقضين فيه احتياجاتك الضرورية
بالقليل 500 ريال !لين ربي يوفقك وتتوظفين وتصرفين على نفسك
اذا مارضي دخلي احد من اعمامك او جدتك او اي احد من اهلك تحسيينه يحبك
قلة ادب اخوانك اذا اتكلمو عليكي مره ثاني لاتسوين طلباتهم لانك مو خدامه عندهم اذا يبغون منك شي
يطلبونه بادب ولا سويلهم مشكلة كبيرة واشتكيهم لابوكي وسوي ازعاج في البيت ومشاكل لين ابوكي
يوقفهم عند حدهم
صدقيني هو الحل
الصلاه في وقتها
والاستغفار بكثره
والله اللي خلق السموات انه راح ينفرج همك بس دوامي واستمري بتلاحظي حيااااة جميله جدا بدون اي استبعاد لإي شي راح يتحقق كل شي