بسم الله الرحمن الرحيم
في هالزمن يحتاج للحب تصحيح
بعض الاوادم ما خذينه دعابه
وبعض الاوادم فالمحبه مشافيح
والبعض منهم يحسبونه انهابه
وانا عشقت الزين من دون تلميح
القلب حطه في حشـاه وسـرابه
يا ناشـدين القلب ما ودي ابيح
العشق وسط القلب محد ٍ درابه
يا دمع خلك داخل العين لا تـسيح
ما ودي العـذال تكشـف غيابه
محظوظ ياللي ما بقلبك مماليح
ما تشتكتي هم الخفوق وعـذابه
ومسكين ياللي تبكي الليل وتصيح
ويهل دمعك مثل وبل السحابه
من غاب خلك دايم تقوم وتطيح
عايش بسـبة غيبته في كئابه
الحب خله للقلوب المشافيح
وللي يقول الحب لعب ودعابه
وانا بصرّح للمخاليق تصريح
من شخص شيب في بداية شبابه
القلب مغلق باغي شوي تصليح
والحب في قلبي صكيت بابه !!!
عزوفه
واتمنى لكي المزيد من الاداع
وقليل << اشكرك على مرورك وعلى كلامك
|
المشاركة الأصلية كتبت بواسطة عازفة اوتار الامل
 القلب مغلق باغي شوي تصليح |
سلمت يمنآك عزوفه ,,,انتقاء مميز جدآ ,,
لاعدمنا هالذائقه ,,
بإنتظار جديدك
مودتي ,,