مساؤكم / صباحكم فل وياسمين…
كيفكم حبيباتي…! ان شاء الله بخير…
جايبتلكم اليوم طريقة كنافة جنااااااان…
يللا اخليكم مع المقادير يا حلوين….
الـــمـــقـــاديـــر::
* كاستين ونص كنافة جاهزة….
* 3 ملاعق كبيرة سمن (شوكة وملعقة) او (سمن فارم)…
* 2 علبتين قشطة…
* صينية قطرها 25 سم…..
الـــطـــريـــقـــهـــ::
* اطحني الكنافة لين تسير ناعمة….
* حطي السمن على الكنافة المطحونة واخلطيهم بيدك…
* افردي طبقة من الكنافة في الصينية…
* حطي علبتين القشطة على الطبقة الاولى اللي في الصينية….
* افردي الطبقة الثانية من الكنافة فوق الصينية….
* سخني الفرن ودخليه لين يحمر تماام من تحت وفوق….
* بعد ما يحمر طلعي من الفرن وجيبي صحن وبشويش أقلبي الكنافة على الوش الثاني و حطي عليه شيرة…
&&* معلومة: انا كنت زمان اتعب لمن اطحن الكنافة بس اكتشفت شي…
اول ما تشتري الكنافة دخليها الفريزر…. ولمن تبغي تستخدميها طلعيها من الفريزر وعلى طول اطحنيها وبيدك وحتنطحن في يدك بكل سهولة من غير تعب *&&
ممكن تغيري حشوة الكنافة بدل القشطة بالموز…
تطلع لذيذة…
جربوه وقولولي رايكم….
و صـــحـــتـــيــــنـــ وعـــافـــيـــهـــ…….
طريقتك حلوة
بس ارجو اعاده رفع الصور
تحياتى
يعطيكي العافيه
للاسف مافي صور
تسلم ايدك على الوصفة
لكن الصور لم تظهر للاسفبانتظار تعديلها
يسلمك ربي
تم رفع الصورة أكثر من مرة أشوفها موجودة وبعد شوي تختفي
المشكلة أظن بالمنتدى
تحياتي
يعافيكي ربي
مشكورة عزيزتي
تحياتي