العلاقة مع أخو الزوج ،، ماهي حدودها؟؟ حياة زوجية 2024.

يعني اشلون العلاقة بينش وبينه ؟؟

لان في مجتمعنا الخليج اكثر المتزوجين في بداية حياتهم الزوجية يكونون في بيت العايلة ،، أما في حجرة منفصلة او ملحق..

وبعض الاحيان يكون الاكل مع بعض ،، والجلسة في الصالة مثلا جماعية ..

وبعض العوايل لا عندهم من الخطأ الاجتماع على الوجبة ، أو الجلوس جلسة عائلية في الصالة مثلا ..

بعض الناس اسمعهم يتكلمون عن اخو زوجهم ، يعاملونه مثل أخوهم

واستغربت مرة وحدة شفتها تتمازح وية اخو زوجها وكان اصغر منها بكم سنة ولا بعد تضربه على ظهره !!!

وفيه ناس بالعكس ماتعرف اصلا

وفيه ناس مجرد سلام عليكم السلام

لكن احس الحين صار الوضع غير ولايمكن ان المتزوجين يعيشوا مع اهل الزوج او الزوجة حتى

لكن على العموم اجمالا

لنا في رسول الله اسوة حسنة

الحمو الموت ,,, الحمو الموت ,, الحمو الموت ,,,

وياما قصص وبلاوي ومشاكل

وبعدين عموما الواحدة لازم تلتزم بحجابها واخلاقها مع اي احد

والاكثر مع الاقارب

الله يهدينا ويستر علينا

قرأت قصة عن رجل جاء عنده ببيته اخوه ليعيش معه ويكمل دراسته

وطبعا سنين والرجل حصل له مشكلة او مرش المهم حصل انه حلل وطلع عقيم الرجل انصدم وبعدين اتعرف ان الزوجة كانت تختلي هي واخو الزوج وهؤلاء اولاده للاخ
والعياذ بالله

احنا بالسعودية فيه عادات مثل هذي ويعيش او يجي اي احد

لكن المفروض انه يكون فيه ملحق خاص منفصل بباب منفصل للمحلق لما يجي اي ضيوف والاولى يجي الرجل مع اهله ان كان متزوج

مثل عندي ببيتي ملحق منفصل بدرج منفصل

عادي ينزلوا عندنا وكل شئ لكن لو جا احد يقدر يطلع وينزل من الدرج وباب منفصل وكل شئ

راحة وامان وماهو خارج حدود الدين والادب والاخلاق

حتى لو شقة فيه شقق تكون مجالس رجال وحريم مثلا

فيصير يتعمل باب منفصل من داخل البيت ومن الخارج

يعني لازم الناس تفكر صح

اما كذا اختلاط وعادي هذا حرام ومايرضاه الشرع بغض النظر عن الحجاب وغيره

لانه فرصة سهلة للوقوع بالحرام ولاتقول اخويه ولايقول اختي

هم مو احسن من الدين والشرع والله لما حرم شئ كله لمصلحة الناس

مااحنا اطهر ولااشرف من الرسول والصحابة

الله يرضى عنا ويغفر لنا