السمك المشوى على اصوله زى المحلات واحسن
السلام عليكم
بصى السمك الحلو فى الشوى البورى والبلطى تجيبى السمك تغسيليه كويس وترشى علية شوية ملح وخل وليمون لحد ماتحضرى التتبيلة اللى هتحشيها فى السمك توم وفلفل مفرومين ونصف طماطميه مقطعة صغير وبقدونس وكمون وملح وشطه وعصير ليمونة ولو عايزة تحطى توابل سمك وبعدين نطلع الصاج بتاع الفرن ونضعه فوق العين الشديدة عندك على البوتوجاز من فوق ونسيبه لحد مايسخن جامد نكون احنا حطينا السمك فى الردة او النخاله ونحطها على الصاج ولما الوجة اللى على الصاج يستوى نقلب السمك وبعدين لما يستوى نطلعه نحطة فى الدقة او التتبيلة اللى هى 2 او3 ليمونة نعصرهم وتوم وفلفل وطماطمية وكمون وتوابل وملح ونضربهم فى الخلاط ونضع التتبيلة فى طبق ونقطع عليها شوية بقدونس وشطة ونحط السمك فيه بغد مايستوى وبعدين ناخدة نحطة فى طبق ونغطيه لحد ماتحضرى السفرة وبالف هنا
انا عملته هنا فى السعودية فى رمضان كلهم قالوا لى انتى شاوياه ازاى
مشكوره حبيبتي على المعلومات الحلوه وتطبيق اليوم باذن الله