السلام عليكم ورحمه الله وبركاته -تم الرد 2024.

السلام عليكم ورحمه الله وبركاته

السلام عليكم ورحمه الله وبركاته
انا ممكن تكون مشكلتى بسيطه وهايفه من وجهه نظر البعض بس انا مخنوقه
انا مخطوبه وانا وخطيبى بنحب بعض بس كان عنده واحده مرتبط بيها قبلى بس مش خطوبهومن فتره لتانيه يا تبعتله رساله او ترن انا مش مشكلتى هى عشان هى ماتعرفش انه خطب وانا خلاص اتصرفت وهى عرفت بس انا مدايقه عشان بحس انه بيفكر وبيدايق من اما تتكلم وموده يبقى زعلان وبيفتكر وبيعد يحكيلى وقالى انا عايزها تعرف انى خطبت عشان مابحبش الرسايل دى وكان عايزنى اوصلها ان مش هو الى كان غلطان معاها وهى اللى سابت مش عرفه مدايقه انا بينت على قد ما اقدر انه حاضر بس انا مش هاحكى معاها واقول مين اللى كان غلطان.. انا بس كنت عايزاه مايتاثرش اما تيجى سرتها ليه بيتاثر؟؟؟ لسه بيحبها؟؟ لسه بيفكر فيها؟ بس هو بيحبنى انا متاكده ميه بالميه. مش عرفه دماغى متلخبطه

:بسيطه يرسل له رساله يكتب فيه ليه ماباركتيلي انا خطبت وكذا تكون عرفت واحترمت خصوصيتك
اما بنسبه هل هو يحبها يمكن يحبها

كاصديقه فقط ………………

ونحن في السعوديه ماعندنا صدقات

ابد ولا نقبل صدقات وتسمى خيانه

ولا نشجع صدقات من الرجل للبنت او العكس ابد
اتمنى لك حياة اسريه سعيدة

وليه ميدق عليه ويقوله انا خطبت خلاص وليش الين ذلحين يبي يبينلها من الغلطان موضوع وتقفل خلاص الي غلط غلط مال داعي يحسسها انو هو كان يبيه وهي خلته والله يعينك خليه يدق عليه ويوقفه عند حدها وانتي معه بلا دلع رجال موفقه حبيبتي

شكرا لردودكم انادلوقت بكلمه الكلمه على اد الكلمه وخلاص لحد اما يعرف غلطه وعلى الاقل يفكر هو عايز ايه
على فكره هى ماكنتش صحبيته ده كان مشروع خطوبه وفشل عشان اتملعنت عليه وقولنا خلاص موضوع وخلص بس حكايه انه يقول فهميها انها اللى كانت غلطانه دى هى اللى هاتموتنى انما حكايتها هى مقدور عاليها هى خلاص عرفت انه خطب ولونها عنيده ممكن تعند وتكلمه يحصل زى مايحصل انا سبت الموضوع لخواته هم يتصرفو فيه وشكرا مره تانيه ع الردود

ياختي الرجاله دول عايزين الحرق اوعي تتصلي بيها ولا تديها اي اهتمام وبلاش التجاهل مع خطيبك في المرحله دي انا حصل كده معايا اول ما اتعرفت علي جوزي كان خاطب واحده وكان بيحبها وسابته عشان واحد اغني منه لما كنت بروح معاه اي مكان جمعهم كان بيحكيلي بمنتهي البراءه ان ليه زكري معاها هنا وانا اسيبه يحكي والدم بيغلي في عروقي ولا كنت ابين حاجه وبعد ما يخلص ويفضفض ويرتاح هوه وانا اولع بجاز اقعد احكيله في اي مواقف تتضحك واخرجه من حاله الولهان دي وبعد كده احب فيه شويه زياده وشويه شويه نسيته اسمها وبدل ما المكان كان بيفكره بيها بقي بتاعي انا وزكرياتي هيه الاقوي والادوم عنده اوعي تبعدي عنه وقربي منه عشان الماضي مايشده ويفضل عايش فيه انتي الحاضر والمستقبل ولا ايه؟
ربنا يصلح حالك ويجعلك قره عينه

شكرا ليكى ام نور ومهاب بس اصل اللى يغيض ان مافيش اى ذكرى عدله وانا مورياه كل حاجه حلوه لدرجت انه بيقولى لسه صاحيه بقوله معلش بقى يقوم يقولى بتكلمينى كدا ليه على العموم انا هاعمل بنصحتك انتى مجربه شكرا ليكى

معلش استعيني بالله وحطي علي قلبك مروحه وان شاء الله ربنا يهديه ليكي

بصي ياحبيبتى موضوعك مش تافه ابدا لانه فعلا يضايق ،انا اعتقد انها متابعة

اخباره وعرفة كويس انه خطب بس تقريبا هو حلى بعيونها ، ولو حد قالها مش

كتير تبعتله رسالة وتقله مبروك علشان تفتح معاه كلام انا عارفة كويس شغل

العقارب والحيات ، نصيحتى ليكِ اوعى تكلميها ، وهو المفروض اساسا

ما يتكلمش عنها قدامك حفظا لمشاعرك وفى ايده يغير رقم الجوال بس

المفروض هو اللى يعمل كده من نفسه ، اهم حاجة تحافظى عليه من العقربة دى بحنانك ورزانتك