السلام عليكم ورحمة الله وبركاته
كيفكم خواتي ؟ ان شاء الله مبسوطات
اتمنى انكم تقروأ بموضوعي بنظرة ثاقبة , موضوعي ارهقني من فترة بعيدة
أنا متأخرة عن الزواج ومع ذلك جميلة ولله الحمد ماشاء الله تبارك الله ومن عائلة غنية واتكشخ , والكل يعجب فيني ولله الحمد والمنة وهذا ليس بغرور لا والله ومعاي شهادة ماجستير لك الحمد والشكر والثناء الجزيل الحسن على النعم التي لا تحصى وهذي فقط تعريف عني بسيط ,,,,,
خطبني واحد وشافوني أهله وبعد الموافقه تمت الشوفة الشرعية , وبعدين حللنا وكل شيء تمام ويوم جت تحديد الملكة امي اتصلت على ام الولد قالت من انتي قالت امي احنا الفلاني قالت ماعرف احد بهالاسم وسكرت السماعه بوجه امي وقالت لأبوي السالفة قام أبوي اتصل على الولد ومارد بعد يومين رد وقال مافي نصيب وإلى الوقت هذا ما نعلم السبب .
وبعد 3 شهور خطبتني وحدة وشافتني بسوق نسائي وقالت الله يوفقك انتي وولدي ويجعلك من نصيب ولدي راحوا ولا اتصلوا ولا شيء ,,,
واذا رحت عزيمة يناظروني الناس ولا تطيح عيونهم عني ويجون يسولفون علي وتشفون حركاتهم كأنها خطبة بس ما يتم ,,,
وصديقتي ترمي علي حكي وتقول ودي أخطبك لأخوي بس ما يتم ,,,,
وصرت انطوي بالبيت وأحب الوحدة ولا أحب تجمعات سواء أقارب أو بعييد
ولما أختي تخرجت من الجامعة صارت أمي تعرض أختي اللي اصغر مني وتروح لتجمعات الأقارب من بعيد وتوصف شكلها لهم وتغصبها أنها تروح معاها وأنا لا
وتأخذ أختي وتعرضها على الحريم اللي يدورون لعيالهم ,, ومرة زوج اختي كان يحاكي امي واحنا كنا موجودين وقال امام مسجدنا ولد صغير وبيسافر للخارج وقلته زواجك ع يدي جت امي قالت الله يجزاك خير أي خلهم كلهم يروحون ويدرسون برا قال زوج اختي كيف ما يصلح باقي لها ترم على التخرج وكان يعنيني وبعدبن قال من قصدك امي قالت فلانة تقصد اختي اللي اصغر مني
قال زوج اختي لا انا اقصد فلانة قصده علي ,,,,,
انا شفت الوضع كذا قلت مالي الا ازوج نفسي وامي ماراح تسعى لي بس تسعى لتزويج اختي ,,,
كلمت 3الخطابات ولا ردوا علي ,,,,
وأنا شاكة من انو فيني عين ومن أقرب الناس لي اللي هم امي واختي الكبيرة
لأنة اصابتني عين وجتني ضيقة صدر ومرضت ماصرت اتحرك بس نائمة اسبوع كامل لا اكل ولا شرب ولا ابي اسوي رسالتي وجاب ابوي الشيخ وفعلا قرأ علي لمدة 3 أيام وكانت يجيني من القراءة غثيان ودوخة وبرودة وأعطاني عسل وموية وزيت زيتون كلهم مقري فيها ,,,
وعلما لييش حددت هالشخصيين لأنو لما تجيني نعمة واقول لهم سبحان الله توقف
مثلا بالخطيب الأول أمي بس تفكر قعدت يوم كامل الين انصد والخطيب الثاني قالت لي شفتي خطبتك الحرمة ولا خطبت اختك ,,,,
ولما قلت لأمي ولأختي أني كلمت خطابات والله بعد ما قلتهم ماردوا الخطابات
بس انا قهرني تصرف امي الله يهديها طيب تعرضنا جميعا للناس ,, لييش خائفة أني اتزوج قبل أختي أو اني اخذ العريس عن اختي ,,,
ياليت تنصحوني ,, ولا تقولون كلمي أمك كلمتها لا حياة لمن تنادي , ضاربة كلامي بالحائط ولا تسمعه ,,,,,
ياليت يالأدراة تنزلوا موضوعي بأسرع وقت ممكن فأنا بحاجة للمساعدة
ولا تنسوني من صالح دعائكم ولكم حبي وتقديري 
والله ما ألومج … العين ممكن تصيب حتى من اقرب الناس
واتذكرت قصة ما ادري سمعتو عنها ولا لا
انه بنت بيوم زواجها انعمت وقامت ما تشوف
و قالو لها انها انصابت بالعين
واذا مات اللي صايبها بالعين بترجع مثل قبل
و بعدها بفترة قامت البنت وكانت تشوف
راحت تتصل على امها تبا تبشرها
قالو لها امج ماتت !!! والله اعلم اذا القصة حقيقية ولا لا
كل اللي ابا اوصله لج انه العين ممكن تصيبنا من اقرب الناس
بس الحل سهل بإذن الله لانه انتو عايشين بنفس البيت اخذي من اثرهم … مثل ماي شربو منه وتغسلي منه
موفقة
استغفر الله العظيم الذي لا إله إلا هو الحي القيوم و أتوب إليه
بس لو بدك لحل باذن الله
عليكي بقراءة سورة لبقرة كل يوم
واكثري من الاستغفار
وربي يسر ليكي الزوج الصالح
والله يرزقك بالزوج الصالح قريبا عاجلا غير أجل
اذكار الصباح والمساء مهمه اقرءيها
وكثري من الاستغفار والادعيه
ان شاء الله بعد هالعسر يسر …..انتي سوي اللي عليك ودااااومي يوميا ع الرقيه الشرعيه وكلمي الخطابات لاتقولين ماردو علي ! لو ان شالله تكلمين عشر غيرهم حاولي ولاتنعزلين عن الناس احضري مناسبات واعراس وحفلات …..كيف تبين تتزوجين وانتي منعزله عن الناس؟!!! والوحده لازم تاخذ بلاسباب وماتيئس ولايهمك كلام امك واختك احضري اعراس وحفلات غصب سوي اللي عليك ماهو بعيب تسوين هالشي بنية الزواج ماهو عيب انك تزوجين نفسك والله يعوضك كل خير