ارجوكم ساعدوني قبل فوات الاوان 2024.

انا اتمنى الاقي حل لمشكلتي عندكم

انا من مصر عمري 26 سنه متزوجة من رجل يكبرني بعشرين سنه زواجنا كان تقليدي لم يكن بيننا علاقة حب قبل الزواج وقلت لنفسي ان شاء الله الحب ياتي بعد الزواج

طبعا تم زواجي منه في شقة كبيرة في عمارة والدة والدة ووالدتة بالطابق الارضي واخوة وزوجته بالطايق التاني وانا بالطابق الثالث

المشكله هي انني بعد الزواج ظهر زوجي على حقيقته البشعه فهو يعتبر معدوم الشخصية تماما مع والدته تخيلوا انه بمجرد ان يعاشرني معاشرة زوجية ينزل يقول لامه انا عاشرتها اليوم

حتى اذا جائتني الدور علىى طولا لا يكدب خبر على والدته واختة المتزوجه

وكثيرا ما قلت له كدة حرام دي اسرار شخصية عيب لما تطلع لكن لا حياة لمن تنادي

ايضا اكتشفت ان نسخة من مفتاح شقتي عند والدته طبعا انا لا اشكك في والدته لكن لما الاقي مفتاح شقتي مع زوجة اخوة
يبقى موقفي انا اية حاولت اتكلم معاه بهدؤ لكن للاسف قال لي انا لا اجرؤ على ان اقول لامي كدة لانها ممكن تمنع عني المصروف تخيلوا بالرغم من انه مركز مرموق ولا يحتاج للمصروف ده لكن بصراحه محسسني انه لسة منفطمش من امه

طبعا الوضع ده لم يعجبني لكن للاسف ساعتها كنت حامل في هذا الوقت وطبعا ماما قالت لي يا بنتي يمكن يتغير بعد ما يكون اب لكن للاسف الوضع اصبح سيء جدا فهو بمجرد ان حصل حمل قال لامي انا لا اعالج حد ولا اجيب علاجات لحد وبنتك تحمليها طول فترة حملها انا مش مسئوول طبعا ماما تحملتني من كافة شيء من مصاريف وملابس وعلاجات لحد الولادة وهو يا دوب ضيف شرف

طبعا تسالوني لية بيعمل كدة ارد اقو لكم لانه بخييييل جدا جدا تخيلوا طول فترة حملي قعدني عند امي علشان لا يصرف ولا ينفق عليا

المهم تمت الولادة وهو كالعاده ضيف شرف بفضل توجيهات والدته

من بعد الولادة الوضع تحول لاسواء من الاول مثالا لو البنت تعبت يقول لي انا مش بودي لدكاترة عايزة تعالجيها في دكتور جارنا وديها عنده طبعا الدكتور دة مش كويس والبنت لازم لها يكون علاج معين لانها عندها حساسية صدر وطبعا بكون مضطرة اخللي ماما توديها للدكتور الخاص بها طبعا هو بيرفض ذلك لانه الدكتور جارة لن يأخذ منه فلوس نهائي علشان كده عاوز يوديني عنده بصرف النظر عن ان البنت ممكن تتعب ولات لا او هتخف ولا لا لا يهمه ابدا مصلحتنا

تحملت كل هذه المشاكل وقلت لنفسي علشان خاطر البنت وكل دي حاجات مقدور عليها يعني اللي مش هيدفعه امي هتدفعه بس لا ادمر البيت لعل و عسى يتغير

لكن يا سيداتي كل انسان ولة طاقة ممكن تنفذ وفعلا حصلت بيني وبينه مشكلة كانت القشة التي قسمت ظهر البعير

من فترة كنت عنده وشعرت بالام مبرحه بجنبي اليمين طبعا كالعاده والدتي اخدتني للطبيب وقال لي لابد من اجراء عملية جراحية لاستئصال االمرارة طبعا لما روحت البيت اتصلت به قال لي وانا اعملك اية بمنتهى البرود قلت له انا هعمل العملية بعد بكرة وانا مش معايا فلوس قال لي خلاص بيعي اساورك الدهب اللي بيدك واعملي بتمنهم العملية مع العلم ان فلوس اجراء العمليه كلها اندفعت من قبل ان اكلمه ولكن اعزائي انا كنت اختبرة واشوف رد فعله لكن للاسف

طبعا يوم اجراء العملية وقبل ان اذهب للمستشفى بربع ساعه كلمته وقلت له وانا ابكي انا مش عاوزة فلوس انا عاوزاك تكون جنبي عايزة افوق من البنج الاقيك اول واحد امام عيني كان ردة انا مش بزور حد ولا اجي لحد قلت له حرام انت بتعمل معايا كده ليه انا معملتش حاجه وحشة ليك عشان تعاملني كده قال لي انا لن احضر العملية

وقبل العملية بخمس دقائق كلمته تاني وقلت له ارجوك تعالى ارجوك رفض يرد عالتليفون وكل ما ارن علية يغلق الموبيل

دخلت اعمل العملية وانا في حالة سيئة جدا بسببه

تمت العملية بسلام وبعدها كنت متوقعه ان يتصل بي ويقول لي حمد الله على سلامتك لكن للاسف شهر كامل بعد العملية لا سلام ولا كلام ولا حتى انتي فين

وبعدها افاجيء بعد العملية بشهر بمحضر على باب منزل والدتي بيسلمني انذار طاعه تخيلوا يرفع عليا قضية طاعه هي دي كلمة حمد لله على السلامه بتاعته

طبعا ذهبت للمحامي قال لي لابد من رفع قضية تبديد منقولات لكي لا ينفذ عليكي حكم الطاعه وتسقط حقوقك الزوجية كلها

وقفنا انا وهو امام المحاكم وصلنا لدرجه لم اكن اتمناها وهو اللي فتح عليا باب المحاكم والقضايا

الان انا صارلي حوال 6 اشهر عند ماما من ساعة اجراء العملية

المشكلة الان انه بيحاول يرجع المياة لمجاريها تاني لانه خايف من القضايا اللي مرفوعه عليه

المشكلة انه من داخلي رافضة تماما الرجوع لية لان اللي عانيت منه مش قليل

كتير يقولوا لي بلاش طلاق واصبري وتحملي لكن لو تحملت هيكون على حساب اعصابي ونفسيتي

خايفة بجد اخد قرار طلاق والاقي البنت هي الضحية خايفة بعد الطلاق اتجوز حد يعذبها زي ما بسمع

وكمان خايفه ارجع له تاني اتبهدل اكتر من الاول وخصوصا انه لن يتغير نهائي

مع العلم ان طول الاربع سنين اللي عشتها معاه كان بيحصل مشاكل وكنت بروح لماما اقعد بالاربع شهور وارجع تاني اقول اتغير الاقية زي ما هو

خايفة اضع نفسي تاني في تجربة الله اعلم بمداها ونتايجها خايفة ادمر نفسي تاني معاه خايفة الاقي نفسي بدل ما انا معايا بنت الاقي نفسي معايا اتنين وساعتها هرضى بالامر الواقع

كتير اقول لنفسي انا الحمد لله فائقة الجمال ومؤدبة ومن عيلة وميسورة ومش محتاجه شيء علشان ادمر نفسي كده

بمجرد ما قلت اني هنفصل جاء لي عرسان كتير منتظرين بس كلمة اني اطلقت ومراكز كرموقه اكبر جراحين بالبلد يتمنوا رضايا