السلام عليكم ورحمة الله اخواتي الفاضلات هدي قصة صاحبتي مع مستشفى الولادة بالدمام طلبت مني اني اكتبها لكم لاخد الحيطة والحذر هدي صاحبتي ولدت في المستشفى وبعد اسبوع صار معاها اوجاع الله يحفظنا فدخلت المستشفى عن طريق الاسعاف وهناك كانت المصيبة ايش تتوقعوا اتخيلوا حصلوا في عنق الرحم قطنة والبنت مسكينة كانت حتروح فيها لولا لطف الله وطبعا صاحبتي مع التحقيق معاها مين اللي ولدها واللذي منة تذكرت انة الدكتورة اللي ولدتها قبل لاتخيط تاكدت انه الرحم نظيف وبعد ماخلصت الدكتورة شغلها وخرجت جات الممرضة حسبي الله عليها وجلست تنظف ودخات القطنة في المسكينة وهي بتقول اني احس بااوجاع بس ماني عارفة ايش الحكاية اثاريها تبغى تقضي على المخلوقة بس الحمد لله ربنا لطف احذروا منها هي فلبينية وصاحبتي تقول سمعتهم يندهو عليها انها رئيسة الممرضات واسمها فاطمة معقولة لهدي الدرجة غاب الضمير انا قريت في النت عن وحدة صارلها نفس الحكاية في نفس المستشفى بس ماصدقت لحد ماسمعت بنفسي اللي صار لصاحبتي يعني مو بس صاحبتي اللي صار لها كدة في كتير غيرها طيب لية يعملوا كدة وفين الرقابة والفلبينية دي لية بتعمل في بناتنا كدة وهي قاصدة ماهو غصب عنها والمشكلة انها لسى على راس العمل الى الله المشتكى وحسبنا الله ونعم الوكيل ابغى كل وحدة تقراالموضوع تحذر كل حبايبها منة وتدعي لصاحبتي بالذرية الصالحةو اسفة اني طولت عليكم الله يحفظنا وبنات المسلمين من كل شر ومن كيد الكائدين
الحمدلله ع سلامتها لصاحبتك
اااااخ من هالمستشفيات اللي صارت تخوف اهئ اهئ،،
وشكرا على التنبيه