قضت كل السوالف وابتدى ثلج الوصال يذوب
سروا حتى معازيب الضيوف .. وطالت الونه
سريتك يالظلام اللي تحَسب ان القلوب قلوب
عرفت ان النجر وشلون يصول من الوجع رنه
تمادت مثل احلامي نست أن القدر مكتوب
تكفّن شوقي بصدري عسى مثواه للجنه
احبك لو عجزت القى لوصلك فالحياة دروب
احبك لو حكيم العشق مات وما صدق ظنه
كتبتك للبكا سامر .. وهلت دمعة المسحوب
رسمتك بالغلا طفلٍ يصيح وقلت له : كنه
لعنت ابو بليس وقلت للظلما كفاك ذنوب
ترى غسل الغرام إن مات قبل الدفن ذا سنه
نويت اكسر مجاديف الثواني وانصر المغلوب
نويت اسرق من الناي الحزين جروحه وفنه
تعبت من السهر والعشق في رجوى وفا المحبوب
تعبت من التغلي والتمنع والعطب منه
تعبت اتخيّلك شعاع شمس وما وراك غروب
تعبت اقول انا ندِيمك وغيري ما علي منه
ندهتك والتفت يمي سناك وقلت له يادوب
نفـح ريحك وشميتك الين اشرقت بالخنه
طلبتك .. لا نخيتك لا تمنيتك وانا منهوب
تعال وكل ماودك تهني بالعمر هنه
قضت كل السوالف والغلا يا سيدي مشبوب
متى ودك تجي يمي وتلحق آخر الونه
للشاعره /
عهود بنت خالد بن سعود آل سعود
ذائقة ولا أروع..
نورتي بستاني بحضوركـــ
//تقيم
جنـ وـوـون
أنامل حلوة وذهبية
يعطيك الف عافية
أحلى تقييييييييييييييييييييييم
|
المشاركة الأصلية كتبت بواسطة جنـ وـوـون ـأإلعآطفــة
 جميل يانجمة ..
ذائقة ولا أروع.. نورتي بستاني بحضوركـــ //تقيم جنـ وـوـون |
