مرة من المرات كنت قاعدة مع أخت زوجي هي مطلقة و آنا من تزوجت للحين ماعمري سألتها عن سبب طلاقها وما كانت عندي الجرأة اني اسألها هالسؤال المهم كنا قاعدين نسولف وفتحت لي سالفة زوجها السابق قالت لي قال لج اخوي عن سبب طلاقي ؟ قلت لها لا .. قالت لي آنا سالفتي سالفة تدرين ليش آنا ما أكلم خالتي (وهي ما تكلم خالتها آنا فكرت قبل انهم مختلفين على شي طلعت السالفة غير غير ) قلت لها لا ما ادري قالت لي آنا يا طويلة العمر كنت احب زوجي و هو يحبني و آنا كنت متعلقة بخالتي وااااايد كأنها صديقتي اسراري كلها عندها وكنت دائما امدحها قدام زوجي اقول له خالتي طيبة خالتي خلوقة خالتي حلوة خالتي احبها خالتي اموت فيها خالتي قمر خالتي وخالتي ألخ … من كثر ما هي متعلقة بخالتها و معجبة بأخلاقها هو تعلق في خالتها !!! تخيلو
وهي خبر خير ولما يتزاعلون مع بعض يقول لها شوفي خاالتج شلون طيبة و عقلها كبير موب انتي الياهل اللي ما تفتهمين وهي ما كانت تهتم ودائما يقارن بينها و بين خالتها ،،، ومرة خالتها زارتها بيتهم وهي راحت المطبخ تجيب لها شي تآكله يعني تضيفها ظلت خالتها مع زوجها و تبادلو الكلام و النظرات وهو كان يطالع بنظرات وتوها بتتطلع من المطبخ لمحت زوجها يطالع خالتها بنظرات اعجااااب هي قامت ترتجف وتعوذت من بليس وكان طول الوقت يقول لها أكلي ما كليتي شي وحيا الله بالفلانة والله نور البيت وهي المسكينة ماتدري عن شي عاد مرة صار بينهم زعل كبير لدرجة انهم ظلو شهر ما يكلمون بعض و هي ظلت في بيت ابوها كانت قاعدة في الليل خزت الشيطان و قالت ليش ما اتصالح مع ريلي البنت مالها الا بيت ريلها اتصلت فيه الا انتظار سألته تكلم من ؟ قال لها كنت اكلم خالتج عن موضوعنا قالت له وانت شدراك برقم خالتي قال لها خذيته من تلفونج ذيج المرة المهم هي ما افتكرت ورجعت بيت زوجها و هو دائما ساكت و شارد و يقول لها خلي خالتج اتجي تقعد معاج واذا يبون يطلعون يقول لها شرايج نمر على خالتج وهي المسكينة تستانس ويوم من الايام رن تلفونه وهما كان يتعشون و كان التلفون فوق الطاولة قالت له استريح آنا بروح اجيب التلفون راحت جابته الا مكتوب تفاح تتصل قالت له من تفاح ؟ قال لها وهو متبلعم هذا صاحبي و قطعه وهي اخذها الفضول لمن كان يغسل يده و شافت الرقم الا رقم خالتها تخيلوووو يعني ليش تفاح وليش يقطعه ؟
وحاولت تشوف المساج الظاهر كان ماسح كل المسجااات اللي اطرشهم له و اللي يطرشهم لها وهي سكتت و قالت بشوف لوين يوصل ومرت الايام و مرت الاشهر وهو تغير عليها و تم كل يهاوشها ويقول لها تعلمي الاخلاق من خالتج انتي بنفسج قلتي عنها خلوقة !!! لما جى يوم من الايام اللي تهاوشو فيه هوشة كبيرررررررة ساعتها بط القربة و اعترف لها ان هو ما عاد يحبها و انه صار مغرم بخالتها ! وقال لها خلاص ما احس بمشاعري اتجاهج انتي اللي حببتيني في خالتج خليتيني احبها و اتعلق فيها خلاص ما اقدر اعيش وياج حزتها نهارت وشالت ثيابها وراحت بيت ابوها و تتطلقو اما خالتها بعد اللي صار سافرت الامارات وانقطعت اخبارها وما تدري عن اخبارها الا من الاهل …
قالت لي و دمعتها على خدها … لا تمدحين بنيه قدام ريلج حتى اقرب الناس لج !!!
نسال الله السلامة والعافية
مشكورة حبيبتي علي القصة الحلوةة
وتحصل كثير في الحياة
الله يعطيييييك العافيه ومشكووووووره الله يوفقك مع زوجك
بحمد ربي انا زوجي بحبني و شايفني بكل هالدنيا , و الفكرة مو فكرة طلاق و زواج و خيانه بس مجرد انه يعجب بشخصية او لبس او طريقة حكي لشخصية معينه هاي لحالها بتقهر و خاصة انتي بتكوني السبب.
انا بحب وحدة من قرايبي و هي متزوجة و مبسوطة مع زوجها و هي مساعد صيدلي يعني مو لهدرجة معلوماتها الطبية كنت احكي عنها اديه راقية و مثقفة و بتعرف كلشي كأنها دكتورة صار زوجي ازا بنتي سخنت اتصلي مع فلانة اسأليها انتي ما بتعرفي , اشتري دوا كتبته الي الدكتورة و قرأت الروشيته تاعته يعني متأكدة منه لأ لازم اتصل مع فلانه .. حتى مرة تزاعلنا على نوع شوكلاته انا بحكي ازكى شوكلاته اكلتها كانت من محل (…) هي حكت لأ انا ازكى شي اكلته كان من عند(…) و زوجي لا بيعرف هاد المحل و لا هاد المحل راح وقف معاها و قهرني ..يا الله شو انجلطت . بس مجرد انها حكت هداك احسن معناته هداك احسن . بس هلأ بطلت احكي شي عنها و صرت احكي عن غلطاته عشان يعرف انها زيها زي مو افهم مني . اسفة على الاطالة
يقهرووووووووون حسبي الله ونعم الوكيل
|
المشاركة الأصلية كتبت بواسطة ام باتيل
 الله يجيرنا من هيك غلطة ممكن أي وحدة فينا توقع فيها بدون ما تحس والله يعين قريبتك عمصيبتها
|
كلام سليم نسأل الله السلامة