][||ioi||][انفــــاس اخيرهـ ][||ioi||][
ابلفظ انفاسـي الاخـيرهـ و ابرحـل
لا مـات قلبي عـاد لا تنتظـر شـي
وابدفنه واخـفـيه في راس هالتل
واعرف مكانه واطمئن مات لو حـي
ماعـاد ابيه وما ابي عـنه تسـال
اللي جمعني فيكـ ما عـاد لي ضـي
نورهـ تـلاشـى ومـات من قبل يكمل
ولامـات نـور القلب لاترتـجـي شـي
توكـ ذكرته وجـيت وبالامـس تجهـل
وينكـ هـذاكـ الامس ما كنت لي فـّي
رجـعـت لي نادم وتامرنـي اقبـل
وشـلون بقبل تفتكـر جرحـي شـوي
بالله عـليكـ اسـتح ومن نفسكـ اخجل
يكفيني موت القلب والاسم بس حـي
وش تنتـظـر ردي لو جــيت تسـال !!
بقولـكـ عـادي تفضــل بـلا شـي!!
والا اجهـلكـ واذكـركـ يـوم تجهـل
والا انبذكـ عطشـان وبيدي انا المي
ابيكـ تحـكم ,, انـت تجـاوب وتسـال
وابنتظـر حكمكـ معكـ كـان لو لـي
وان كان لي الحـكم حـياكـ اسـال
وبتـشـوف ردي لـكـ شـي عـلى شـي
انـت بديـت ومـن بـدا ايتحـمـل
جـرب تذوق اللي جـرعته انا شـوي
دامكـ تخـاف الحـب وللحـب تجهـل
وش جـابركـ ترمي اشـباككـ على مّي
بيـدكـ تشـب النار وبعدين تزعـل
والنار ما تعـرف زعـل تعـرف الكي
مسـكيـن مـن افتـى وحـرم وحـلل
وهو ما يعرف الفاتحه من الفلق شي
خـذاهـ طغـيانه صـعـد به وحـول
ومن بعدها اصـبح ينادي العدو خي
ذوق العـذاب وخـله فيكـ ايتجـول
ذوق السهر و القهر واصرخ وقول ايّ
ولا تفـتكـر ظـلمكـ عـلى بيتحـول
ما اظلمكـ وما اقهركـ هالطبع مو بي
ادري سـكـوتـي لـكـ نـار اتحــول
وسـاعتها ودكـ اذبحكـ وم ااسكت شوي
لكن افضــل فـي سـكـوتـي اطـول
وما انكسـر واضـعف وابكي على شي
ومن يرضـى بالتالي لايطمح بالاول
ومن عـينه عالاول ترى نال هالشي
هـذي ترى انفاسي الاخيره من اول
بقولها وبصــرخ بموتـي وانا حي
بكتب وصـيتي وسـامحـوني اذا حل
موتـي انا بـيدكـ ياقيـوم يالحي
ابلفظ انفاسـي الاخـيرهـ وابـرحل
لا مـات قلبـي عـاد لاتنتظـرشـي
للشاعر :: عادل البـــــدر …
قصيدة رآئِعه ومُعبره وجَميله
يعطيك العــَافيه كل الحلااا
اشكرك يا كل الحلا