المره دي جايبه شعر بالعاميه هو شعر ساخر شويه بس حلو
بقلم: محمد ابراهيم
وايه يعني هتمشي . خلاص فركش وeasy وهى هياها ،
وايه يعني حاسبتلها وجبتلها في يوم دباديب ، ماهواش عيب ،
ولو زعلان على الفراق ياسيدي امسحها في الايام ومايهمش تعيش وتسيب ،
دي حتى لادغه وحروفها ساعات بتطير،وبتقولك كتير بيبي وعايزاك تبقا من الفرافير،
هو يعني اللي اسمه بيبي ازاي هيبقا في يوم كبير ؟؟!! ،،
هى مش لونك اساسا ،
انت عمرك قولت مامي ؟؟!! ،،
انت واد فله وكفآئه ميه ميه ودمه حامي ،
لا انت يوم تشبه مهند ولا انت يوم تشبه كريم ،،
شاب مصري بكرش اصلي عمره ما بيعمل ريجيم ،،
يا سيدي تغور يا ميت سلاموز في داهيه هى وهواها ، مافيش اسرع من الايام هتنساها هتنساها ،
فخليك كده زيي ، دا انا الواد اللي ماتحبش في كل الدفعه من يومه ،
انا الواد اللى عاش سنجل
بيغسل قلبه بالأومو
و مهتمش بولا واحده
و عاش الدنيا بهمومه
مبيفضفضش غير للذات بعيد عن اى اى بنات
اصل البنات زى الحياه ،لا يتحبوا ولا يدوموا ،
موبايلى ان حتى رن فى يوم ، يكون انت ،
تقولى انزل متتأخرش ،لا بسهر حاضن الصورة ، ولا سهتان و مبفكرش ،
و ما بعبرش ،
و لو رنتلى على بالليل ،
لا هتلاقى فى يوم waiting ، لساعة و نص أو ساعتين ،
ولا عمرى هقولك bye ، عشان عندى معاد بعدين ،
و لا انت يا حلو هترخم ، عليا وقت ما اتكلم ،و تيجى تقول يسهلو ،و ماشية يا عم ،
و أرد عليك و أقول خفه ،
ظريف لأمك خفيف الدم،
انا الواد اللى مش ما اهتمش بولا واحده ولا ههتم ،
انا الواد اللي ما اتحبش في كل الدفعه من يومه انا الواد اللي عاش سنجل بيغسل قلبه بالاومو 😀
يعطيكى الف عافية يا رب
