هذي الرساله
كتبتها انا لنفسي
في اقسى حالتي
كنت محتاجه سند ونصيحه من احد
ومالقيت غير نفسي التفت لها وانصحها
هي ادرى باللي تحس فيه
وهذي الرساله
//
//
//
//
ليش للحين لهم عندك امل؟؟؟
ليش متأمله فيهم خير….ومتأمله فيهم فزعة ومروة…؟؟
هذول خلاص..نسوك…او بالاحرى تناسوك
انهيهم من حياتك….
تجاهلوك ورفضوك….اصحي على نفسك….لازم تعرفي انت شنو قاعده تسوي بنفسك
طالعي الحقيقه صح….وواجهي الامور بصدق…
لاتتوقعي انك لما تسالين عنهم بتحركين مشعرهم القديمه…او ممكن تكبري نفسك بعيونهم
هذول ناس ماتحس….لو تضحي من اللحين لبكره مستحيل تحس…
واجهي حياتك…اهتمي بنفسك….
ماتعبت وانت تهتمين فيهم…تراعين لهم مشاعرهم…تقدرين لهم اوضاعهم..
ماتعبت وانت تواسيهم…وتعطيهم من وقتك وجهدك وطاقتك…
شنو استفدتي؟؟
بيني لي سبب واحد ممكن يفرض عليك السؤال عنهم والارتباط فيهم
عشان العشره……طيب هم داسو العشره وماسألو عنك
عشان تستردين مافاتك…طيب انت سويت اللي عليك وهم ماتحرك فيهم ساكن
اصحي..وعيشي حياتك…
خلاص يكفي
هملتي نفسك…وصحتك ..وجمالك…وحياتك…وعشان مين؟؟؟ عشانهم
عشان يحسون ويتعاطفون معك…عشان يرجعون وضميرهم يوجعهم عليك
عشان يردون ويعتذرون ويرددون اسفين ..ماكنا نقصد..تعبناك معنا…ضحيتي عشانا بس حنا قصرنا
قدرتي لنا مشاعرنا بس حنا استهنا فيك وبمشاعرك..
وقفتي معنا وساندتينا بس حنا خليناك بنص الطريق وابتعدنا وهربنا
وماخلينا اي وسيلة اتصال ممكن تربطنا ببعض
خلاص يكفي
نفسك الوحيده اللي هملتيها..واللي المفروض انها تكون اهم منهم كلهم
خسرتيها لانك حاولتي تكسبيهم على حسابها
وجرحتيها لانك دواتيهم بعد على حسابها
جا الوقت اللي اللحين تصحين فيه على نفسك…
جرحوك…هانوك…تركوك…قصرو بحقك…خلاص انسي
ماضي وراح
ادري صعب..والله صعب…
بس صدقيني لازم اللحين تلتفتين لنفسك…اصحي كل يوم وصبحي نفسك بالخير
لاتنتظري من احد يقول صباح الخير
اهتمي بشعرك ولبسك…اكشخي وتزيني…وزيدي من جمالك…لاتنتظري احد يزورك عشان تكشخي له…اكشخي لنفسك
سلي نفسك…وونسيها..ونسيها كل اللي راح
والله انها تستحق…
هي الوحيده اللي هملتيها على حساب الكل
لاتفتحي جوالك بين كل فتره والثانيه عشان تتاكدين بس…اذا جات رساله منهم..او اتصال منهم
لاتنتظرين منهم اي شي…بتتعبين صدقيني
شوفي حالك
شوفي صحتك ووجهك ونفسيتك
تدهورتي وتعبت…ووصلت لمرحله صعبه
اتعبي عشان نفسك بس لاتتعبي عشان احد…ماحد يستحق شي
واذا بتعطي عطي عشان الله وبس….مو عشانهم…ربي بيجازيك على كل خير
ركزي بدروسك لانها سلاحك ومستقبلك..
ماحد بينفعم..ولاحد بيساندك..ولاحد بيكون بعونك وقت ضيقك
دلعي نفسك…
لاتنتظرين من احد انه يحبك ويراضيك…
انت راضين نفسك بنفسك
داوي جروحك
ورممي كل شي مكسور قدامك
ادري خاطرك مكسور
لانهم ماراعو حساسيتك…جرحوك وافقدوك ثقتك بنفسك
ضيعت هويتك وكيانك
ضعت عن نفسك..ماعدت تعرفين وينها
يلا روحي دوريها من اليوم…
وصدقيني بتلقيها
لاتنتظري اهتمام من احد عشان تحبين نفسك وتقدريها
وعشان تحبين الحياه وتعيشيها
ربك فوقك…يشوفك…يراعيك..ويهتم فيك….المطلوب منك بس انك تحسيه وتستشعري وجوده
صدقيني هو معك…بس انت حاولي تتقربي له…
راح يغنيك عن كل شي…يغنيك عن حبيب خانك وصدمك,…وتركك وماعاد سال عنك
ويغنيك عن صديق جردتي نفسك من كل شي عشان…بس هو ماحس ولا اهتم
اخلصت وحبيت وسالت وضحيت..بس كلهم جرحوك…
ربك هو الوحيد اللي ماراح يتركك مهما صار..مهما ذنبت ومهما عصيت
بيحتويك برعايته
عطاك هالامانه ولازم تحافظي عليها
نفسك..هذي امانه
بس انت هملتيها على حساب ناس كثيره
قلت يمكن لما اعطيهم بشوف مقابل ..والدنيا كذا اخذ وعطا….وراح اعيش واستمر معهم ع الحلوه والمره
وقلت يمكن لما اعطي واضحي …ماراح يروح كل شي هدر…راح ارتاح بعدين وانتصر بعدين
بس بالنهايه خسرتي كل شي..واهمها نفسك
انت لازم تدورين ذاتك
ذاتك ضاعت من يدك…
لاتتصلين عليهم باي وقت….لاتهنين نفسك اكثر من كذا ولاتخسريها وتضيعيها اكثر واكثر
لاترسلين لهم رساله
ولا حتى توصلين لهم شي…اهمليهم تناسيهم…بس للواجب وقفي معهم ومو عشانهم عشان ربك
ولاتنتظري منهم اي شي
حاولي تعيشي حياتك بدونك…طلعيهم من قلبك وعقلك…سدي فراغك بنفسك…عيشي حياتك بروحك
الوحده صعبه..بس اهانة الكرامة والنفس اصعب بكثير
لاترمين نفسك عليهم..مايبونك….مااااايبونك…..مايبوووووووووووو ونك صدقيني
طلعوك من حياتهم
اطلعي …مارسي هواياتك..اكتبي وفضفضي..واحرقي ذكرياتهم واوراقهم وهداياهم..
كل شي انتهى وراح
ماعاد شي مهم ممكن تحتفظي فيه
نفسك اللي ضيعتيها هي الاساس والمهم
دوريها..دوري هويتك..حققي طموحك..اقري واطلعي بشي مفيد..تثقفي…
لاتقري اشعار عن فراق والم وعتاب ..ولاتسمعي شي يحزن ويعذب…لاتلتفت لهم…
دوسي قلبك اذا نبض لما يسمع اسمائهم صدفه…وموتيه لما يفز ويسمع اصواتهم صدفه
قتلي قلبك لما يحن لايامهم…
اقسي على نفسك….عشان ترتاحين..بالاخر
غمضي عيونك لما تشوفيهم صدفه..وديري ضهرك لما تقابليهم صدفه
وفتحي عيونك لما تتخيلي طيفهم يمر بخيالك فجاه
وطالعي حياتك ومستقبلك ووحدتك بدونك..
لاعاد تلتفتين لورا…اللي ورى راح
انتهى
مات
اللي قدام ينتظرك
ينتظر منك وقفه
ينتظر منك شجاعه ومواجهه
ينتظر منك كل شي
حتى لو المستقبل صعب في جروح مثل الماضي..فيه خيانات واوجاع ومصايب
بس لازم تعرفين ان الله معك ..مارح يتركك
واذا احد مسك بايدك وركض فيك لقدام وقالك يلا خلينا ننتصر على كل شي
لاتعتمدين عليه
لانه بشر مثلك..
مصيره يغلط..وينسى ويسهى ويتجاهل..كل انسان مو معصوم عن الغلط
اعتمدي بس على ربك..هو اللي راح يراعيك الى مالا نهايه
بيكون معك للاخر
اعتمدي على نفسك..سوي كل شي لك انت بروحك…
عشان لاتحتاجين لاحد ابد
عيشي حياتك لنفسك وبس
ولاعاد تتعبين
انسي واتناسي
ادري الجرح كبير والهم عميق مره…بس لازم تتخطي خذلانهم وهروبهم
حبي نفسك…حبيها…هي الوحيده اللي تستحق
|
المشاركة الأصلية كتبت بواسطة bent nasse
 صحيح كلامك كله صحيح سلمت يمناك الله يصبرنا بس
|
تسلمين حبي
اسعدني وجودك وردك
من جد الله يصبرنا والله يعينا
تحياتي لك
|
المشاركة الأصلية كتبت بواسطة زهرة الامنيات
واللة لواضل اشكرج طول عمري احس قليل بحقج ماتتصورين شكد محتاجة هذي الكلمات ابدعتي يارووووووووووووووووووووووعة تشطرج من كل قلبي ياغالية
|
حبيبتي…لاشكر على واجب
انا حبيت انشر هذي الرساله
لاني متأكده ان في ناس يعيشون مثلي ويحسون نفي احساسي
وحبيتهم يواجهون نفسهم مثل ماوجهتها انا
ويستفيدون من الكلام اللي وجهته لي والنصايح اللي كتبتها لنفسي
حنا محتاجين للدعم في كل وقت
بس بعض الاحيان مانلقى دعم من احد
على كذا انا كتبت هذي الرساله ووجهتها لنفسي ..عشان اقراها واتمعن فيها صح وكانها من شخص ثاني مو انا
وحبيت انشرها عشان انتو بعد تقروها وتعيشوها وتنتبهو على حالكم وتداووا جروحك
كلنا او اغلبنا مجروحين
ونحتاج كلمه تقوينا
أشـہہہـكركـہ علـہى الـہـہـذوقہ
الجمـہـہـل سلـہمہـتہي وسہہلمہ إحہسہاسہكہ النہقہي
بنتہضار الہمزيہد أختيہاراہہتك الہموفہقه جمہيلتہي
دمتہي بہسہاعہده سہرمديهہ
وروعهـ مانــثرت .. وجماليهـ طرحكـ ..
دائما متميزة في الانتقاء
سلمتى يالغالي على روعه طرحك
نترقب المزيد من جديدك الرائع
دمتى ودام لنا روعه مواضيعك