دموع العراقيين
شبلاها دموعنه وتنزل على الخدين….
وشجاه الفرح عن أهلي غاب سنين…
ليش بكل فرح نلكه قطعنه السود …
ومن دون الخلق بالمقبرة معيدين …
أشو عاف البشر كلها ونزل خطار…
ملك الموت…؟؟؟
ملك الموت كاعد يمنه عشر سنين…
لاعب بالشعب لعبه وأخاف اطول…؟؟؟
مقبرة النجف وتوصل لجبل حمرين…
ضيعنه الجناسي وبلا هويه انموت….
وأنذبحنه على الرصيف وبدمنه غركانين…
ياربي ….. يا بربي يا ألله …
يا ربي دخيلك نشكي عسر الحال ….
ديحنه الديانه وكلنه مذنوبين …
وعلينه السفيه بصفكه عالنجمات….
وخلينه الشريف أعكَاله يشبع طين …
ولك بكنه الماي من ريج البطل عباس …
وبحبل الفرس كصينه راس حسين…
و تاجرنه بأرضنه وهذا كل الصار …
شعب بلا أرض ما ينشره أبفلسين….
………………………………….
روعة حبيبتي
أن شاء الله النصر لله وفتح القريب
حي الله وصفج تسلمين اي والله رفعنه السفيه وطينه كل من كال كلمة حق
تسلمي كلام جميل