هاك ذكراك من ذكراك ويش أستفيـد
كافـي أن المشاعـر هايمـه كلـهـا
ودي انساك والنسيـان ماهـو اكيـد
كيف ابنسى عيون(ن) رمشهـا ظلهـا
من هك اليوم وانت اللي بعيني وحيـد
ماخبرت العيـون تمـل مـن خلهـا
مير نفسي عزيزه وانت رايـك عنيـد
والنفـوس العزيـزه ماتبـي ذلـهـا
ليه تعطيني الدافـع واقـول القصيـد
ليه صفحـه غرامـي ترجـع تفلهـا
ليه ترجع على الماضي تزيـد وتعيـد
وانت من عـام الاول عاجـز تحلهـا
مابرى الجرح الاول كيف يبرى الجديد
شوف حالي نزيف جروحهـا سلهـا
كل ماشفت لك ذكرى وربـي شهيـد
كـن نـزاع روحـي بالحفـا تلهـا
اندفعـت لغرامـك يالغـزال الفريـد
والغـلا لـه دروب خاطـري دلهـا
فرحتـي بالقـا رغـم انهـا ماتفيـد
فرحـه القـاع لامـن المطـر بلهـا
وش بقى يالسراب اللي قريب(ن) بعيد
المحبـه وراحـت وانتهـى حلـهـا
لو كـل بكيفـه ياخـذ اللـي يريـد
كان ماشفت ناس تمـوت فـي غلهـا
هاك فرقاك خذها خـل قلبـك شديـد
خلهـا ماشيـه بحمولـهـا خلـهـا
كـل مـازاد تعذيبـك ذنوبـك تزيـد
الله اعلـم صلاتـك باطـلـه كلـهـا
========================
وانت من عـام الاول عاجـز تحلهـا
مابرى الجرح الاول كيف يبرى الجديد
شوف حالي نزيف جروحهـا سلهـا
——————————————————
صرخة قهر "" حبيبة قلبي دائما أبحث عن خواطرك وقصائدك لأنها تعجبني جدا
لك مني أرق تحية
أختك بقاي روح
أشكركِ أختي صرخة قهر على الكلمات الرائعة …
والله لقد استمتعت بقراءتها ولكني أظنها تنتمي إلى همس القوافي …
ولتسمحي لي بنقلها إلى حيث يتمتع بها قراء القصائد والأبيات الشعرية …
يعطيك العافية
وكلماتها التي تحاكي الأحاسيس والمشاعر..
تقبلي مروري غاليتي…