جبتلكم اليوم قصيده اثرت فيه جداً وطبعاً هذي القصيدة عن الام
اللهم احفظ امي من كل مكره وجعلها لنا ذخرا :015:
يايمـه كـل مـا فينـي يناديلـك أنـا ندمـان طلبتك قولي سامحتك وردي لوجهـي بسماتـي
أنا أدري قلبك الطيب كسرته بصدمت النكران غلطـت وغلطتـي هـاذي تعيـر كـل غلطاتـي
تشوفي الشيب يا يمه ترى ما جـا وانـا فرحـان ورب اللي رفع ذاتـك ونـزل للـردى ذاتـي
فقدت الراحه من بعدك فقدت الطيبه والتحنان بدونك راحتي غايه بيدينـك هـاذي راحاتـي
انا بعدك ولا حاجـه انـا بعـدك تـرى عميـان اشـوف ولا اشـوف اللـي يورينـي مساواتـي
انا وسيد الشقا والهم من بعدك غدينـا إخـوان يجيـب همـوم هالعالـم ويرميـهـا بمتاهـاتـي
صدقتي يوم قلتي لي تدين اليوم بـس تنـدان ………………………………………….. ………
يـا يمـه يالله ظمينـي ودفينـي مـن الاحضـان أن ادري فيك مشتاقـه وهمـك بـس ملاقاتـي
يا يمه حيـل ظمينـي ابـي ارتـاح انـا تعبـان تعبت اهرب من ذنوبي ابيـك آخـر مسافاتـي
ابسمع منك أي كلمه لصوتـك مسمعـي ولهـان أبسمـع يمـه بصوتـك أبذكـر فيهـا نشواتـي
اشوفك ساكتـه يمـه غفيتـي وإلا أنـا غلطـان غفيتي يا بعـد عمـري تعبتـي مـن مواساتـي
يايمه طالبـك قومـي إذا لـي بعيونـك شـان أشوف الموت بعيونك عساهـا تخيـب هقواتـي
تعالوا يا بشـر شوفـوا انـا محتـار انـا تلفـان أنا أمي مدري وش فيها أنا مدري أنـا أحاتـي
شنو شنـو أمـي أنـا ماتـت لا لا تـرى غلطـان أنـا أمـي مـا تخلينـي علـى حزنـي ووناتـي
أنا أمي قلبها طيـب ولا يمكـن تبكـي إنسـان أنـا أمـي مـا تبكينـي ولا تتمـنـى آهـآتـي
يا يمه صح ما متي وصـح المـوت تـو مـا حـان إذا متي أنـا بعـدك أبقضـي ويـن ساعاتـي
يا يمه قومي يا يمه وقولي المـوت لا مـا كـان أنا جيتـك وأنـا نـاوي أببـدي فيـك جناتـي
تركتيني ومتـي ليـه تركتينـي وأنـا غرقـان ولا مسمـوح يـا وليـدي ولا تلعـنـك لعنـاتـي
أنا الجاني وأنا المجني وأنا المخطي وأنا الندمان وأنـا بيـدي رميتـك أيـه وبعثرتـه ملفاتـي
وجيت من الهنا مفلس وقلبي من الضنا خسـران وتركتينـي علـى نـاري أعـدد فيـك زلاتـي
ولا ني مرضـي ٍ ربـي ولانـي تابـع الشيطـان أنا بعـدك تـرى مابيـن نهاياتـي وبداياتـي
يا يمه منتهـي جيتـك وكلـي مرتجـي غفـران وشفت النـاس تلعنـي وتحذرنـي مـن الآتـي
(اللهم أحفظ أمهاتنا جميعاً من كل سواء )آمين
من قريتها قلت ياريت امي قريبه مني ودي اضمها واقبل اياديها عسى الله يحفظها لي ويشفيها يارب ..
اجمل تحيه من لحن المشاعر…
انا امةالله يالحن المشاعر غلطي ولا ايييييييييييييييييه :p
الله يسرك بلقاء امك ويجمعكي فيها الى يوم الدين ويشفيها باذن الله القدير ويقرب كل بعيد وبعيده الى اهلهم واحبائهم ويردهم سالمين.
مشكورة جهودك وباركك الله
بانتظار جديدك دائما
تحياتي لك
soubhe
أن ادري فيك مشتاقـه وهمـك بـس ملاقاتـي
يا يمه حيـل ظمينـي ابـي ارتـاح انـا تعبـان
شكرا امة الله كلمات تسطر بالذهب
الله يخليلي الوالده ويرزقني برها
ويخليلك امك وامهات جميع المسلمين
الحمد لله اني قريتها وانا قريب من
الوالده لو قريتها بغربتي كان صارت علوم