السلام عليكم يا غاليات
كتار منكم طلبو مني اعيد كتابة الوصفة لانها ما طلعت وانا ما عرفت ليش
المهم انا رح اعيد كتابتها لعيونكم الحلوين لان والله لقيت فرق واضح بعد 3 ايام وحتى زوجي تفاجئ لانه كان غايب عن البيت بهي 3 ايام ولما رجع فكرني مرضت او عملت شفط بغيابه
هههههههههههههه
لانه فعلا كان واضح كيف راح انتفاخ بطني وصرت رشيقة عشان هيك حبيت ادلكم على هالطريقة للكل يستفادوا ويكونوا احلى النساء بعيون ازواجهم
الاكلة بظن الكل بيعرفوها بس هالمرة على طريقتي ما فيها دهون وهي محشي ورق الملفوف والملفوف كلنا منعرف انه يذوب الدهون
والمكونات هي
كوبين رز انا حطيت بسمتي لان بحس انه النشاء فيه اخف مابعرف اذا صح او لاء بس اذا حبيتي بتحطي رز مصري غسليه حتى تصبح الماء صافية وخليه منقوع بالماء
حبتين طماطم حمراء مبروشة/8 فصوص ثوم مهروسة/3ملعقة طعام زيت وبس هاي كمية الدهون يلي بالطبخة مو كتير صح
ونص ملعقة شاي من الفلفل الاسود الناعم /وزنجبيل بودرة/وكمون ناعم/وبابريكا/ونعنع مجفف/ورشة صغيرة زعفران ناعم/ملعقة صغيرة ملح/كوب من ماء التمر هندي (ننقع بكوبين من الماء قطعة من التمر هندي بحجم كف اليد قبل بليلة وتاني يوم نعصرها جيدا ونصفيها ونتركها جانبا)واذا مو موجود عندك ممكن عصير ليمونتين يكفي
نسلق ورق ملفوف حسب ما بيطلع معك ورق جيد للف ونشيل منهم العرق السميك ونصفه في وعاء الطبخ عشان ما تلصق الاوراق اثناء الطبخ
نصفي الرز ونضيفله كل المكونات عدا التمر هندي ونلف الورق ونرصه فوق العروق ونحط عليه صحن او صينية صغيرة ستالس ونحط فوقها طاسة فيها ماء ليصير ثقل فوق الاوراق الملفوفة عشان ما تفلت اثناء الغليان(هي الملاحظة للبنوتات يلي رح يطبوخوها اول مرة)بعدين نذوب ملح في ليترين ماء ونوزعهم فوق الورق ونتركها تغلي حتي يستوي الورق نضيف التمر هندي او الليمون وتترك تغلي حتى يستوي الرز وصحة والف هنا وعفكرة اطمني وكلي منها حتى تشبعي لانها رح تذوب الدهون وما تزيدها انا بـ3 ايام اكل فطور عادي فيه بيض ولحم اذا حبيت ووبقول عشان البروتين ما ينقص من جسمي وكمان خضر وفواكه واشرب حوالي 4 كوب باليوم من الشاي الاخضر كمان يساعد في اذابة الدهون والغداء والعشاء اكل من الطبخة والحمدلله استفدت واذا حبيتي كلي منها اكتر من 3 ايام اكيد بتستفيدي اكتر
لاتنسوني بردودكم وآرائكم
وجزاك الله خير الجزاء
ننتظر جديدك
تقبلي مروري
دمتي بصحه وسعاده
مستشارهـ
مشكوره ياعسل ع موضوعك الرائع مشكوره
|
المشاركة الأصلية كتبت بواسطة حنين الحب
 مشكورة ياقمر على الوصفة الحلوة
|
العفو ياغالية شرفتيني بمرورك