مساكم / صباحكم حلا
بحلاوة روحكم الحلوه دائما وحبكم للفرفشه
تعالو نغير جو ونسولف
……
التجارب اوردت في عدة مناسبات ومنتديات
واحببت جمعها للفائده
وسوف ااخذ فقط التجارب التفصيليه
اما التجارب التي تحكي كيف استفادت بوجه عام فلن احصرها
لان الغالبيه اطلع عليها هنا وفي المنتديات الشقيقه
وقد لا تفيده كونها لا تتعرض لتفاصيل الموضوع
متمنيه للجميع وقتا ممتعا :
* التجـــربه الاولــــــى *
اول شئ ابدوا بذكر الله سبحانه
بسم الله ماشاء الله لاقوة الا بالله
ثاني شئ ادعو ان الله يوسع صدري بالعافيه مثل منيب بوسع صدوركم وانا اسولف لكم عن تجربتي
بطريقه اقلاعيه ما تعودتوها يالعاقلات -بتندبغ – وودي يكون حيوي وننسبط ونفيد ونستفيد
لاني طبعي حاره وحمشه 
واقلاعيه مع مرتبة الشرف – ووواااووو <<< يخوفون فيها البزارين
انا والله الذي لا اله الا هو ماكتبت الا بر بوعد عطيته
ان انتفعت كتبت وان تضررت كتبت
فريال واحد مهوب داخلن جيبي
فقل خيرا او اصمت
المهم للي يهمهم الموضوع <<<< ما بغت تبدأ أبد – أخلصي
انا بعطيكم معلومات عن نفسي علشان ماتبذوني بالاسئله فيما عقب <<< بتندبغ 
عمري 27 سنه
ام لثلاثة اطفال ولله احمد
كان وزني 83 كيلو
اصبت بتعب شديد في الظهر
وكان لازم انزل وزني رضيت او انرضيت
يوم اتزوج كان وزني 59
كنت توني مخلصه الثنوي <<<< 
تهيضت كن لهم دخل فيها هههههههههه
ونقزت ل 83 عقب 3 اطفال
تخيلوبديت في التخفيف من اكلي
واشتغل بالبيت مع الشغالهوياما ايام نمت على الجوع
لان حالتي كانت صعبه جدابعد نزول وزني 10 ك انتبهت ان عندي ارهال في جنوبي وفي ايديني وكله كوم
وبطني الي صار فيه قطعه مثل نصف الخبزه المنتفخه والجلد مثل جلد البرتقاله
اول شي فكرت فيه عملية قص للزايد بس وقتها ماتت وحده قريبتي في عملية شفط دهون فقلت القص للموت اقرب خفت وبطلت
داومت بالمدرسه والا زميلتي متغير جسمها عقب الصيفيه 180 د
كانت حتى الخصر ماعندها 
وورتني بطنها والا هو ماشاء الله لاقوة الا بالله لونه فاتح والخطوط الغامقه خفت مرره
ومنشد بطنها الى حد معقول جدا لوحده عندها 5 اطفال
طبعا اقول الحق يبي للامور صبر 
من بعيد ما اشوف الخطوط بس لين قربت عندها اشوف بس عاديه
زي الي تجي حتى بالبنات قبل العرس
قالت لي شوفي مالك الا لوشن الزنجبيل والي مثلك يبي لها صبر شوي علشان ذا القطعه النازله الي مدري وش تبي
والله قبل العرس كنت مانيكانعارضه البس اللو ويست والدوان كت
واطلع بطني بكل فخر وعاقبني الله شر عقوبه بذا الكريشه المتكرمشه بعد
المهم جابته لي ب 250 ريال _ مدري ليه دفعتها بسماحة خاطر
مع اني قبلها دافعه بكلارنس حق الشد 380 ريال وبوريكم صورته اني والله اشتريته
وبديت فيه وكيف اني ما استخدمته الا استخدام بسيط وسبب لي حساسيه وتركته وكنت قايله خلاص
اذا مانفع ماعاد لي بعد الله الا عمليه اصلح فيها شكلي
زوجي يهدد ويتوعد اما يصلح حالي وارجع مثل اول والا يشوف له شوفه
المهم جابته لي صديقتي وقالت لي شوفي هو مكتوب خمس د مساج انتي خليهن عشر
وانتبهي ترا المساج لازم له طريقه
للخصر تدلكين فوق تحت خمس د وبعدين ورا قدام خمس د
والبطن تفتحين اصابعك زي الحريم يمسجن وتمسجين داخل طالع
وبديت فيه واول مالاحظت الاسبوع الاول ان جلدي صاار ناااعم وفتح لوني
بس على شد خفيف ما شفت ذاك الزود بالشد وانا حاااره طبعي عجله
دقيت على صديقتي كانت اجازة اسبوع وعلمتها اني توني مابعد انشديت
قالت عادي استمري توك ما امداك 
واستمر
وزاد من همتي ابو الشباب قال لي ماشاء الله عليك صرتي تلقين 
كن بطنك بطن اجنبيه
وتلقين في لغتنا المعطاء يعني تبرقين تلمعين
وتشجعت وهات يا تمسيج
وشئ ثاني لاحظته انه ماله هاك الريحه الي يقولون عنها للخل
ولا هوب حار بس احس بعرق لاحطيته
ودقيت على صديقتي اسألها
قالت شوفي غثيتيني باسئلتك
بعطيك الرقم وانتي اساليها
عطتني الرقم ودقيت ماهنا رقم
رجعت لصديقتي قالت ارسلي
اذبحوها الحريم من كثر الاتصالات وحولته رسايل
ومير ارسل
وترد قالت حار مهوب حار
الحار يسبب الحزام الناري
لكنه يعرق لو انتي في شتاء
اذا ماعرق معك حطيه قبل النوم ونامي فيه تعرقين
الي تبي الرقم تكتب بالشيخ قوقل لوشن الزنجبيل رقم ويطلع لها
مواضيع موزعاته المنتدى مايسمح بالارقام <<< ذووق على غفله
_________________
وااااستمررر عليه ووعدتها ان شفت نتيجه احسن ومثل ماتصورت اني لاسجل بكل منتدى واحكي عنه وافيد غيري
وان ماشفت نتيجه اني بعد لاحذر منه ارسلت قالت ولك بعد ترجعينه وتاخذين فلوسك
وخلصت اول علبه وانا حسيت ارتياح له وتحمس
وواعدني ابو الشباب ان انا استمريت عليه دامه جاب نتيجه
اذا زانت اموري اسافر انا واياه لمدة اسبوعين باجازه
قلت يدك على 250 اجيب ثانيه قال يالله 
من يبي الدح لا يقول اح
واجيب علبه ثانيه واكمل شوطي
طبعا تبي تسألون ليه استخدمت اكثر من علبه ؟؟
لاني مشكلتي عويصه
والا زميلتي تقول علبه وكفتها
الحمد لله استمريت وفعلا انشد بطني وراحت العروق والسواد الي يفشل عقب
الحمل وصار بطني ملمسه ناااعم عقب ماهوب مثل قشر البرتقاله
________________________
احس اني افضل بكثير والي احمد الله عليه انه يسر لي شئ غير باب العمليات
ادعو لي ان الله يسهل امري واموري ويصدق ابو الشباب ويوديني معه
المهم انتشرت سيرة اللوشن بين الحريم وحكن المدرسات ان وحده كاتبه عنه بالانترنت
وتناقلن الحريم الحكي وامي مديرة مدرسه سمعت المدرسات
الا و تدق علي
– انا معلمه محو أميه وامي مديره ادعو الله اثبت- ياكريم ياحبيبي
ماكنت قايله لها ابد عنه
لان امي دايم تقول لا يشم رجلك فيك الريحة الشينه
تقدس امي شئ اسمه رجل
وخفت منها اعلمها اني حطيت شئ فيه ريحه
المهم قالت امي ان الحريم يحكون ان فيه شئ اسمه لوشن الزنجبيل ورا ماتجربينه
واجربه
والدتي عمرها فوق الخمسين بشوي
مهيب مشكلتها الوزن
لااااا
مشكلة امي في نفس شكل الجسم والمصافط الي تجي بالبطن والجنوب
واليدين والالوان عقب الحمل والولاده
المهم علمتها اني استعملته واني كنت خايفه منها اعلمها
وفرررررحت وقالت انا كنت اشوفك تخفين بس ماعمرك طلعتي بطنك
ولا عاد تلبسين مقوصر
ولا عاد تجيبين سيره سكتت قلت الله يهدي سرهم
قالت لي دامس تعرفين رقمها هاتي لي
وارسلت رساله لموزعته وحجزت لي وطرت ذاك اليوم طيار انا وامي لغرناطه
وربي ماتخيلون فرحتنا – ودي ادري ليه فرحنا ذاك اليوم كذا <<< الحمد للهوبدت امي فيه الان لها 20 يوم
وامي ماشاء الله حررريصه صباح مساء
ومساعدها ان ابوي قليله قعدته بالبيت فاخذه راحتهاعلى الآخر
يعني كم مره تقول نامت فيه
امس ورتني جسمها
حسيته تغير كثير كثير
حلفتني تحسين انه تغير؟؟ والا انا اتوهم ؟؟
وحلفت لها انه فعلا تغير
ملاحظه لاحظتها ان كل ماكان العمر اكبر يصير التغيير ابطأ ويبي له صبر أكثر
وكذلك اذا كان الشحم أكثر يبي وقت اطول
_____________________
والله يابنات ما كتبته لي مصلحه
الي مسويته مسويته بذمه لانه فعلا فاد وجاب نتيجه
والاغرب ان امي عندها دوالي شفتها خفت مرره مرره عليه
ابي بس دعواتكم ان الله يسخر لي زوجي الي هو رأس مالي
وانه مايشوف غيري من الحريم ابد 
وانه يعافيني ويشفيني
لان عندي مشاكل بالظهر تلزمني اتابع
كتبت لكم الموضوع بطريقه اقلاعيه لاني عضو اقلاعي مدمن ما اعرف اصير حرمه مثل حريم حواء السنعات
وعلشان كذا اكتفيت بمراقبتكم فتره من الزمن <<< ابوك يالسيرلانكيه
والله واعد الي يدل الناس على الخير انه يفتح له ستين باب للخير
هذاني دليتكم فابي منكم بس الدعاء لي ولاميمتي بعد لانها سمحت لي اكتب عنها
عسى ماطولت عليكن 
هذا الصوره للعلبه الاوله وهي فاضيه وجنبها علبة كلارنس الي ما استعملتها الا ثلاث ايام
شوفوها فتحتها وشلون مليانه ما استفدت منها الا الحساسيه
والسلام ختام
الي تنقل تقووول منقوووووووووووووووول اها يالله
منقوووووول
يتبع التجربه الثانيه .. لاحقا
يسعدني متابعتكم وتعليقاتكم اللطيفه التي تدل على سمو التربيه وجمال الاسلوب
وتصبحون على خير
سبحان الله العظيم