بعد زواج لمدة سنة قررنا انا وزوجي انجاب طفل
ولكني قلت له يجب قبل الحمل انا نغير الكثير من عاداتنا لانني وللاسف قد سمنت 13كيلو بعد زواجي وخفت بعد الحمل انا اسمن اكتر كما خفت من عاداتنا السيئة على صحة جنيني وعلى طريقة تربيته
فانني افضل اني اربي ابني بطرق غذائية سليمة
وكما هو معروف وخاصة المفيمين بالخليج
الاعتماد على الوجبات الجاهزة الكنتاكي ماكدونلز……..الخ
وهادا غير الحلو والايس كريم والاكل آخر الليل
سوري طولت عليكم
هلق منفوت بالموضوع
اول شي قررنا انا وزوجي
نستغني عن الخبز الابيض والسكر الابيض واللبن والحليب الكامل الدسم
والاستعاضة عنهم بالخبز الاسمر والسكر البني والحليب واللبن خالي الدسم
وطبعا لغينا المقالي من حياتنا
و بدل ما نعبي البراد بسكويت وحلويات وشيبس وكاتو واشياء دسمي
عبينا خضار وفواكه بانواعها
طبعا هادا الحكي ما معناه انو خلص ما عاد ناكل جاهز ولا كاتو ولا بسكويت ولا شي
اكيد لاء شو قلبنا مريم نور
بس نشتهي حلويات نروح نشتريصحن على قدنا قبل كنا نجيب كمية ونحطا بالبراد كرمال نتسلى فيها
بس هلق منفتح البراد منلاقي فواكه بانواعها حتى جوزي صار خاروف على قد ما عم يآكل خس(صرت شك باصله)
نسيت قلكم اهم شي البيبسي نسيناها يعني ممكن بالاسبوع او الاسبوعين مرة
بعد ما كنا نشربها يوميا
وطبعا انا من ناحيتي صرت دائما بكير اشرب كاسة شاي خضرا وتفاحة خضراء وهادا كان سبب كتير كبير لنزول وزني وبعد كل وجبة كاسة شاي اخضر وحاولي يكون العشا بكير شوي وكل ما جعتي ما الك الا التفاح الاخضر والخيار وخصوصا التفاح له مفعول رهيب في تصغير المعدة والاحساس بالشبع
وطبعا باقي الوقت عم آكل اللي بدي اياه واللي بشتهي وما حارمي حالي ايا شي وطبعا صار اكلي قليل لانو اصلا معدتي صغرت يعني لو كنت قبل بدي رغيف خبز لاشبع هلق نص رغيف وبحس انو بطني رح ينفجر
وبالاخير حابي قلكن اني انا كل يوم برقص شوي بطريقة مجنوني(لانو ما بحب الراضة كتير)
هاي تجربتي اللي كتير مبسوطة منا وع فكرة رفيقتي اتبعتا مع تسجيل بنادي رياضة ضعفت 13كيلو باسبوعين
والله على ما اقول شهيد
يا رب يفيدكم متل ما فادني
الله لا يحرمني من ردودكم
واي استفسار انا جاهزي
لا تنسو الرد
بس انا ما احب التفاح
اشرب شاي اخضر كثييير
بس اشربه مره وحده في اليوم يعني اسوي ثلأجه مثل القهوه واجلس طول الليل اشرب منه
ما اشرب بعد الأكل
والأكل تركت المقالي والشوكلاتات ومانحفت ولا كيلو
لي اسبوع وشوي كذا ولانزلت
تهي تهي تهي >> اكسر الخاطر
وبتشربي 5كاسات شاي اخضر باليوم
بتنحفي من 7-8كيلو
ومجربة ومضمونة مليون بالمية
بس طبعا الشاي الاخضر من دون سكر
تجربه رائعه تستأهل التقييم
ميرسي كتييييييير