هذا الرز يعتمد عالبصل والبهارات
مقاديره
دجاجه تزيلي منها الجلد والعظم والطريقه بالصور هنا
4 كاسات شاي رز
افرمي اربعه حبات بصل كبار
ملعقه اكل ثوم مطحون
البهارات مطحونه كلها ملعقة شاي من كل من
هرد(كركم)-فلفل اسود – كمون -ليمون اسود ناشف
ربع ملعقه صغيره من كل من
خولنجان-قرفه-قرنفل-هيل
ملح حسب الحاجه
زيت 5 ملاعق اكل للدجاج وزيهم للرز
3 حبات مستكه
مكعب ماجي
الطريقه
غسلي الرز وانقعيه في الماء ثم ابدئي بتجريد الدجاج
بعد ما تجردي الدجاج لا ترمي العظم حطيه في قدر وفوريه عالنار واتخلصي من هذا الماء لانه يكون فيه وسخ كثير وغسلي العظم مره تانيه وحطيه في قدر فيه ماء وحبتين هيل بكباره و10 حبات فلفل اسود بكباره وعود صغير قرفه وخليه يستوي علشان نحصل على مرق
ضعي البصل في قدر واسع وضعي عليه الزيت وقلبي حتى يصفر ثم ضعي الثوم وقلبي شوي وبعدين حطي البهارات المطحونه كلها ومكعب ماجي وقلبيها دقيقتين وحطي الدجاج قلبيه معاهم الين يتغير لونه وتنزل مويته اضيفي ماء اللي يغطيه بس لا تكثري وخليه يستوي
حطي في قدر تاني زيت ومستكه وخلي المستكه الين تذوب
صفي الرز في مصفاه واغسليه وحطيه عالزيت والمستكه بعدين صفي عليه مرق العظم الين يسير المرق موازي لمقدار الرز لا تزودي علشان ما ينهبص وحطي ملح وقلبيه وغطي القدر خلي النار عاليه يغلي بعدين هديها الين يتشرب الرز طفي النار
في هذه الاثناء يكون الدجاج استوى وشرب الماء لازم ما يبقى غير مقدار قليل جدا من الماء مع البصل والدجاج نحط عليه الرز الابيض المسلوق ويجلس على نار هادئه عشره دقائق او ربع ساعه بالكثير
عند الغرف اغرفي الرز الابيض اول بعدين حطي الدجاج والخلطه عالوجه وبامكانك التزيين باللوز المقلي والصنوبر والزبيب بس انا ما يحبوا بناتي المكسرات مع الرز وبامكانك اضافة زعفران محلول في شوي موية كادي عالوجه علشان تلوني الرز الابيض بس انا ما حطيت
وهذا الطبق النهائي
ان شاء الله يعجبكم
وبالهنا والعافيه
يعطيك العافيه
يعطيكي العافية
تسلم هاليدين وراعيهااا
الله يعطيك العافية