-المسخن باستخدام الخبز العربي :
هذه تشبه طريقه عمل السمبوسه بس الشكل هو الي مختلف ومثل باقي الوصفات موشرط تلتزمين بحشوة معينه
تقدرين تستخدمين اي حشوة تحبينها مو شرط الدجاج
المقادير :
– كيس خبز عربي الخفيف
– دجاج مسحب بدون عظم ( اغلى الدجاجه بالمويه وبعدها شيلي الجلد والعظم منها )
– رشه فلفل اسود
-نص ملعقه صغيره دارسين او قرفه
– مكعب ماجي
– ملح
– ملعقه بقدونس مفروم
-ملعقتين صلصه بندوره
– ملعقه صغيره هيل ناعم
-ملح حسب الرغبه
– عصير ليمونه
– شرائح بصل
للحشو :
– بقدونس مفروم+شرائح بصل مخلوط معها شويه سماق
الطريقه :
– شوحي شرائح البصل بالزيت وضيفي له الدجاج والبهارات والصلصه وعصير الليمون
واتركيه يطبخ على النار لمده عشر دقايق
– ضيفي ملعقه البقدونس للدجاج وحركي المقدار وارفعي القدر من على النار
– افتحي الخبزة من الاطراف بحيث يصير عندك خبزتين او طبقتين
– خلى السطح العلوي للخبزة هو السطح الناعم بحيث لما تلفين الخبزة يكون السطح الخارجي هو السطح الخشن واحشي كل طبقه بالدجاج وحطي معه شويه من الحشوه ولفي الخبزة على شكل رول
– قطعي الرول الى ثلاث قطع متساويه وبشكل مايل
– صفي القطع بصينيه مدهونه بالزيت وامسحي سطح كل قطعه بالزيت باستخدام الفرشاه واستمري لين تخلصين كل المقدار
– دخلي الصينيه الفرن ( لازم يكون حار ومولعه الشعله العلويه ) وخليكي منتبه عشان ما تتحمر القطع كثير
– وبعدها اقلبي كل قطعه على الوجه الثاني واتركيها تتحمر
– قدميها بطبق التقديم ورشي فوقها شويه بقدونس وبالعافيه يارب
مجهود رائع
موضوع اروع
|
المشاركة الأصلية كتبت بواسطة ngamha
 الله يعطيك العافيه
|
الله يعافيك حبيبتي ومشكوره ع مرورك