الله يسعد اوقاتكم حبيباتي~~
اليوم جاية وعندي كم وصفة حلى ظريفة وخفيفة يارب تعجبكم
بلاااا طول سيرة نبدااا بالوصفات
حلى وردات الزبدة…هاد الحلى اخذته من منتدى اخر وعجبني لانه ممكن تحطيه بالفريزر بعد ماتخبزيه…ووقت الحاجة بس احشيه
انا غيرت فيه شوي…
اخلطي الطحين مع الزبدة الذائبة والجبنة انا عملتها مرتين مرة بالكيري ومرة بجبنة الكاسات ..وبالحالتين طلعت لذيذة
رح تطلع متل عجينة البيتيفور..خليها بالبراد شوي وبعدها افرديها
وقطعيها بقالب الوردة
حطيها بقالب الكب كيك الصغير….انا حطيتها بورق البلاسيه فورا وبعدها بقالب الكب كيك
دخليها الفرن مارح تاخد وقت كتير~~
هون بعد ماطلعت
بتقدري تفرزنيها وهي بهاد الشكل:)
الحشوة:
ذوبي الزبدة ثم ضعي زبدة الفول السوداني وبس تذوب حطي النستله واطفي النار وحركي
خدي ملعقة صغيرة وحطي ملعقة بكل حبة…
بعدها ممكن تحطي شوكلا ذائبة للتزيين
انا جربتها وجربت صوص الهرشي والكراميل والفراولة نقطة بوسط كل حبة …
صفيتهم بالصينية طلعوا ملونين وبيجننوا خسارة ماصورتهم لكن صورت المرة الاولى تبع الشوكلا
هون بصوص الهرشي..اخدته لمدرسة بناتي مع وربات بقشطة ولفائف القرفة بالبف باستر
*****************
سينابووووون روووعة
طبعا هي مو اول مرة بعمل سينابون..لكن اول مرة العجينة بتكون بهل الروعة هي….والسبب هو بالمقادير يلي هو الدريم ويب:)
خلى العجينة روووعة الله يعطيك العافية لصاحبة هي الفكرة
وهلق نبداا فيها
انخلي الطحين مع المواد الجافة
ثم اخلطي الزبدة والحليب وضيفيهم فوق الطحين..وبالاخر حطي ظرف الدريم ويب..
اعجنيهم كويس…كتير
العجينة رح تطلع ناعمة خليها ترتاح شي ساعتين
وبعدها افرديها واقطعي الاطراف وادهنيها بالزبدة ورشي عليها السكر والقرفة
ولفيها واقطعيها بالخيط
اتركيها ترتاح كمان ساعة..وبعدها دخليها للفرن
انا عملت صوص..التوفي..عبارة عن سكر تذوبيه على النار بعدها حطي علبة قشطة..وشوية زبدة…لو بتحبي القرفة ممكن تحطي مع الصوص رشة قرفة
شوفوا العجينة من جواا..طريييييية
بجد طلعت بتشهي واخدتها معي لعند وحدة وكتير حبت طعمتها ونكهتها الحلوة
_________________________
حلى الكاسات
الطريقة سهلة
حطي الكيك بالكاسات..
بعدها اكسري البسكوت وحطيه بالخلاط…جهزي ظرف كريم كراميل مع الماء…حطيه فوق البسكوت +علبة قشطة
واضربيهم…بعدها حطيهم فوق الكيك
الطبقة الثالثة..
اخفقي كريمة الخفق مع جبنة الفيلادلفيا وعلبة النستله
وعبئيها بقمع التزيين وزيني الكاسات…
ان شالله تعجبكم حلوياتي…واعذروني على التقصير
دمتم بحفظ الرحمن ياعسولات
شجعتني ع السينابون من زمان حابه اعملو عجبتني طريقتك ان شالله بجربو
تسلم ايــــــــــدك
عنجد بشهوا وافكار حلوة كتييير
تسلم ايدك حبيبتي
وطبعا لازم تقييم
يسلموووووووووووووووووووووووووو ووو ايديك
جربيه وان شالله بيعجبك
نورتي
تحيتي لك