كيفكم يا حلوات …..اليوم جايبة موضوع عن التارت بكذا نكهة وكذا نوع…..وبحشواات بسيطة … بالاضافة للابتكار الجديد يلي هو اقماااع الكنافة
نبدااا بالمقادير…لعجينة التارت
بالاول الطحين مع الزبدة افركيه مع مراعاة رفع الايدي اثناء الفرك….بعدين اضيفي باقي المقادير ولملميها على بعض بدون العجن ……
لفيها وحطيها بالبراد مدة نصف ساعة على الاقل
احضري قوالب التارت
افردي العجينة بالقالب ….واعملي فيها ثقوب…..بواسطة الشوكة
اخليها الفرن لتتحمر …مارح تاخد وقت كتير
وبهيك بيكون التارت جاهز للحشي
حشوة التوت
التارت عادة يحشى بالكريم باتيسيير بس انا حبيت يكون خفيف
خلتط كريمة الخفق …لما جمدت …وحشيت قلب التارت
بعدين جبت حشوة التارت الجاهزة ……ولانها بتجي حجم كبير ممكن
تحطي الباقي بالمرطبان وتستعمليه بعدين……
وهون بعد ما فردت الحشوة على التارت
وهي شوية صور لهل الحلى السهل والحلو
واكشخوا قدام ضيوفكم..بهل التارت الرائع
حشوة الفريز
وكمان هي الحشوة خفيفة وكتير طيبة
تاخدي حبات فراولة مجمدة او طازجة…
اخلطيها بالخلاط مع علبة نستله ((حليب مكثف محلى))
رح يطلع قوامهااا ثقيل ..*ملاحظة لاتذوقيه لانك بعدين رح تاكليها كلها *
افردي شوية كريمة خفق …وبعدهااخليط الفراولة
وانا حطيت رشة عسل بالاخير
وهي النتيجة بالاخر
يتبع….
تارت الكنافة
افركي الكنافة بالزبدة عشان تصير لينة وتقدري تتحكمي فيها
خذي خصلة كنافة …ولفيها على الاقماع …الالمينوم…..الى نهايتها
اعملي الكمية المطلوبة….
باقي العجينة قطعيها …شوي وافرديها بقالب التارت
دخليها الفرن لتتحمر بهذا الشكل
هلق بنجي للحشي الاقماع … خطرلي اجربها
وفعلا طلعت زغيرة وحلوة مع القهوة,,,,
حطي نصف حبة جبنة كيري…. وبعدين شوية كريمة خفق
وبعدين زينيها بالفستق وحليها بالعسل
تارت الكنافة
بتجيبي تارت كنافة حطي عليه قشطة وبعدين اقلبيه عى تارت تاني
يعني كل قالبين كنافة رح يطلع واحد
وزينيه بالكريمة ….وحليه بالعسل
اترككم مع شوية صور للكنافة
هاااااا شو رائيكم
خليكم معي لسه …..للموضوع بقية
تارت الاناناس
لاني بحب البف باستر كتير فقلت ليش ما نعمل كمان منو تارت
عملتو واخدتو معي لجارتي حبتو كتير…….وهو سهل وسريع لذيذ
قطعي مربعات البف الى دوائر بحجم قالب التارت
بعدين قطعي شرائح الاناناس الى قطع صغيرة
وضعيها فوق العجينة ودخليها الفرن
بعد النضج…حليها بالنستله وممكن بالعسل حسب ذوقك
وزينيها على كيفك
وصحة وهناااااا
بانتظار ردودكم يا امورات
واذا حبيتوا الموضوع لا تنسوا تقيموه …..لانو كتافي انكسروا وانا اكتب واحمل بالصور هههههههه
الى اللقاء بمواضيع قادمة……احلى وارق تحية لكم عزيزاتي
كلمة ابداع قليلة في حقك
اطباق غاية في الروعه
ربي يحفظك من كل شر
احلى تقييم وتثبيت لعيونك
بسم الله ماشاء الله
ابدااااااااااااااااااع منقطع النظير
كل الاصناف خطيره وحلوة
والاجمل انها منك يا قمر
تسلم ايديكى حبيبتى
وتستاهلى احلى تقييييييم
الحلى زاد حلى بمرورك
اشكر لكي اهتمامك الدائم
عسانا ما ننحرم منه
مشكورة على التقييم والتثبيت ياقمر