الحب يجمعنا
حب الآباء للابناء و العكس حب فطري
لكن كتير بنسمع شكوي من تباعد بين الاباء و ابنائهم
الابناء بيطلبوا النصيحه من كل الناس الا والديهم
ايه رايكم
نعمل شويه نشاطات
نعود اولادنا من صغرهم عليها
هاتخلي الحب صداقه بعون الله للابد
و هانكسب كتير لو كنا اصحاب للاولادنا
و هايخلي الحب و الموده تعمر بيوتنا
الفكره الاولي
اجتمعي انتي و اولادك و زوجك في ذكر ربنا
خلي الملايكه تحفكم في حلقه ذكر لربنا
لو اطفالك بيعرفوا يقراوا اقراوا مع بعض في المصحف
كل واحد ايه و كل يوم لو حتي صفحه
و لو لسه صغيرين و يقدروا يحفظوا خليها جلسه لحفظ القرآن ليكم كلكم
و لو اصغر خليهم يجلسوا معاكم انتي و ابوهم
خليهم يسمعوا كلام ربنا و عوديهم ينصتوا ليه
الفكره الثانيه
فكرتي مره تشاركي جوزك و اولادك في صنع اكله
هاتقوليلي صغيرين
او اخاف عليهم
جربي بس
اعملي مثلا كيكه
ممكن الاطفال يدهنوا الصنيه بالذبده
و الاب يضرب البيض بالمضرب
و الام عليها الاشراف و الباقي كله
ها تلاقوا نفسكم مبسوطين جدا و انتم مع بعض
و هاتلاقوا طعم الاكل احلي
و حتي لو باظت و ما ظبطت
هايفضل طعمها و ذكرياتها العمر كله في حياتكم
الفكره الثالثه
شاركوا اطفالكم في اي لعبه
انزلوا لسنهم و ماتتكسفوا
اجروا و العبو و اضحكوا من قلبكم
اعملوا فريق و العبوا كوره
او فريقين و شدوا الحبل
و في العيد انفخوا مع بعض بلونات و املوا بيها البيت
و العبوا بيها سوي
و عيشوا احلي لحظات في احلي دفئ
الفكره الرابعه
شاركي اسرتك في تنظيف البيت
الاب يكنس
الام تمسح
و الاطفال يشيلوا اللعب
او يمسكوا قماشه يمسحوا التراب
و خليها مهمه مرحه
مش اتعاب شاقه
و اضحكوا
الفكره الخامسه
شاركي اسرتك في ميزانيه البيت الماديه
حتي لو صغيرين خليهم يفهموا
و لما هايفهموا هايقدروا
و لما يقدروا هايكونوا مسؤلين من صغرهم
و هايعرفوا سقف لمطالبهم
و هايحسوا بتعب ابوهم عشان يأمن ليهم حياتهم
الفكره السادسه
اطفي التلفزيون وقت الاكل
اتكلموا
كل واحد يحكي يومياته
و اتشاركوا في نوادركم و احداث حياتكم
علميهم اذاي يتناقشوا
و يحترموا الاخرين
و اهم حاجه
ان مفيش اسرار بينكم
الفكره السابعه
جهزوا مع بعض لرحله
لاي مكان
حتي لو الحديقه او البحر
و اتفقوا مع بعض علي المكان
و اتعاونوا مع بعض علي التجهيزات
و في الرحله عيشوا كل لحظه سوا
و اهتموا ببعض
و اضحكوا و انسوا اي هموم او مشاكل
الفكره الثامنه
اعملي حصاله و خليها في مكان ظاهر
دي حصاله الصدقات
حصاله ربنا
عودي جوزك و اولادك انهم يضعوا فيها كل يوم و لو ربع درهم
حتي لو انتي اللي هاتديهم الفلوس دي
و عوديهم كل ما يشوفوا صناديق الصدقات في المولات انهم يتبرعوا فيها
خليها عاده ليكي و للاسره
ربنا يتقبلها منك
و يبارك ليكي في حبهم و حياتهم
الفكره التاسعه
اعملي البوم للاسره
خلي فيه كل صور رحلاتكم و اوقاتكم الحلوه
و حافظي علي ان كل سنه تتصوروا صوره عائليه
و مع مرور السنين
هايكون الالبوم ده في كل ذكرياتكم الحلوه
هاتفرحوا جدا بيه و انتم بتتصفحوا صوره
هاتفتكروا كل ايامكم الحلوه
و قد ايه
الحب جمعكم
دي افكاري المتواضعه
طرحتها ليكم و اتمني انها تفيدكم
و لو اي اخت عندها افكار تانيه برحب جدا بيها
اتمني انها تعجبكم
و يارب الحب دايما يجمعكم
احبكم في الله
و ماتنسوني من دعائكم
اللهم اجعل لي من كل ضيق مخرجا و من كل هم فرجا
بقلمي
ام نور و مهاب
ممتااااااااااااااز
يتم تقيييييمك
عزيزتي ام نور ومهاب
ودي تقيمي نجوم
|
المشاركة الأصلية كتبت بواسطة يا الله احبك
 مشكوره عزيزتي
|
تسلميلي يا قمر وجودك اسعدني كتير
|
المشاركة الأصلية كتبت بواسطة ○mΐήỠ82○
بارك الله فيكي
ممتااااااااااااااز يتم تقيييييمك |
تسلميلي يا مينو وجودك و كلماتك اسعدتني
|
المشاركة الأصلية كتبت بواسطة زينه سامي
موضوعك رائع كروعتك
عزيزتي ام نور ومهاب ودي تقيمي نجوم |
تسلميلي يا زينه يا قمر دايما بتشجعيني و بترفعي روحي المعنويه تسلميلي و ربنا يرزقك الزريه الصالحه
بارك الله فيكي