سنه اولي صيام كتير صعبه علي كتاكيتنا الصغيرين
و خصوصا اننا في الصيف
و النهار طويل كتير
هاقولكم تجربتي مع بنوتي
قبل رمضان ما يبدا حكيت ليها عن رمضان
اذاي بنصوم و بكمان بنصوم ليه
و طبعا مانسيت اقولها علي ثواب الصيام
و بدأت احمسها للصيام
و انها خلاص كبرت و لازم تتعود تصوم
و في اول يوم رمضان صامت بس للظهر
و تاني يوم زودت ليها كمان ساعه
و بعدها صامت للعصر و اليوم اللي بعده صامت للساعه 5
و اليوم اللي بعده صامت للمغرب
وكان اول يوم صيام في حياتها
فرحت كتير و عرفتها انا فرحانه ليه
و خليتها تحس بقيمه اللي عملته
و اشتريت ليها لعبه مكافأة
و هيه انبسطت كتير
و قولت لكل اصحابي قدامها ان نور صامت النهارده
و كانت بتحس بقيمه اللي عملته في كل لحظه
و اتعودت بنتي علي الصيام و الحمد لله
و بشغلها عن التفكير في الجوع و هيه صايمه
احيانا بنحكي قصص و حكايات
و احيانا بتشوف شويه كرتون او تلعب علي الكمبيوتر جيم
و احيانا بنذاكر القرآن
او ادخلها المطبخ معايا تتعلم اكله بعملها
و قبل المغرب بتجهز معايا السفرة
و علمتها تدعي قبل ما تفطر
و ربنا يتقبل مني و منها صيامنا
لا اله الا انت سبحانك اني كنت من الظالمين
بقلمي
ام نور و مهاب
|
المشاركة الأصلية كتبت بواسطة نوال نور
 شكرا
|
تسلمي نوال علي المرور الكريم ربنا يعطيكي كل ما بتتمني