هموم امهات مشكله الغيره رعاية الطفل 2024.

اصحابي الحلوين من فتره طويله مش بدخل المنتدي ولا بنزل مواضيع جديده قولت لنفسي لازم ارجع بموضوع حلو يهم كل الامهات الحيرانين نستفيد من خبرات بعض و كل واحده تقول عملت ايه في علاج مشاكل اطفالنا الحلوين لان كلنا بنمر بنفس المشاكل تقريبا و كل ام وشاطرتها في علاج المشكله

يلا يا حلوين عايزه تفاعل و مشاركه كتير هانطرح مشكله وكل واحده تدخل تقولنا عملت فيها ايه و نستفيد كلنا من بعض

النهارده هانتكلم عن مشكله الغيره

مشكله في كل بيت هاكلمكم عنها في بيتي

عندي ماشاء الله لاقوه الا بالله بنت و ولد قبل مايتولد الولد جهزت البنت كويس لاستقبال اخوها قولتلها هايجيلك نونو صغير عشان تلعبي معاه و تحبيه و تساعديني في تربيته و قبل الولاده اشتريت شوكلاته و عروسه و دفتر تلوين و الوان وجهزتهم في شنطه الولاده وبعد لولاده اديت لبنتي الحاجات و قولتلها اخوكي جابلك الحاجات دي البنت كانت مبسوطه جدا وفرحت بااخوها و كنت دايما بحاول اني مش اتشغل باخوها و اهملها و كنت بخلي ماما تشيل الولد عشان العب معاها و اهتم بيها و عدت المرحله الاولي و البنت بتحب اخوها و مش بتغير منه

بدات الغيره لما الولد كبر و كل مانروح في مكان الناس تلاعبه و تحاول تضحكه هوه و البنت لا بعد ماكان اهتمام الناس بيها لوحدها وبدات نور تغير بس ما كانت بتبين غيرتها بس كنت حاسه بيها كنت بتكلم معاها و اقولها اصل الناس فرحانين باخوكي اللي كبر و افهمها انها كتير ادلعت هيه كمان و لاني و بنتي اصحاب اتفهمت الموضوع

كبر مهاب و بدا يغير من نور نفسه يعرف اشمعني نور بتلبس توكه و هوه لا هههههههههههههه لو لقي توكه واقعه علي الارض يجري يمسكها و يلبسها ويبقي فرحاااااان جدا ههههههههههه وطبعا مهاب لسه صغير مش عارفه افهمه اذاي انه ولد و ان التوك للبنات بس

بالنسبه للغيره من بعض في مجال شراء اللعب بقيت اجيب من كل حاجه اتنين عشان اريح دماغي بدل مالبيت يتملي صريخ علي نفس اللعبه

فاضل بس غيره مهاب من نور انها بتركب الباص و بتروح المدرسه و هوه لا و هاحلها ان شاء الله قريب باني ادخله حضانه

دي تجربتي مع الغيره عايزه اعرف انتو كمان عملتوا ايه و اتعشم ان موضوعي يعجبكم و يجذبكم للمشاركه و التفاعل

و ماتنسوني من دعائكم

اللهم بارك لنا في ذريتنا و ازواجنا

ام نور ومهاب

عاد انا ما شريت له شي لى ابنى يوم ورزقنى بنتى

لكن كانت دايما اقوله تعال يلا سعدنى نحميها سعدنى نعمل لها لبن لما كنا نشترى يش لها نشتري له كمان فى نفس الوقت
وكانت دايما اخاليه يحملها ينى احملها نص وهو نص ويوسها

والحمد الله الغيرة كانت قليله مش كتيره كان يغار لما يشوف ابوه يحملها ويبوسها لما يلحط زوجى هشي يناديه ويبوسه هو كمان معنه عمره كان سنو 6 شهور

وفى هذا البطن افكر اعمل طريقتكم ويارب ما اعانى معهم لانه بنتى تغار جدا لو مسكت حد اضغر منها