حوار بنتي الضاحك عن ربنا رعاية الطفل 2024.

شوفوا حوار بنتي عن ربنا وتعالوا نتشارك وكل واحده تحكي عن اشياء حدثت مع طفلها من مثل هذا النوع من الكلام والحوارات ونضحك شوي بنتي الله يخليهالي ويحفظها عندها اربع سنين وهي دايما تشوفني اصلي واخليها تقف جانبي وتعمل زي وتفضل تقول الله اكبر محمد رسول الله اكبر كبيرا الله اكبر كلام ما مترتب بس بتلقط كلام وتسمع وتقول وخلاص وكده هي بتصلي فدايما لما يحصل حاجه منها غلط اقولها اكبر راح يزعل منك لا هو كده زعلان انك تقولي كده لمامي حرام هو يزعل فمن كتر ما بكرر معاها الكلام ده في مره عملت غلط فقلتلها كده فشوفوا قالتلي ايه!!! هو فين اكبر ده انتي يامامي كل شويه تقوليلي اكبر زعلان منك هو اصلا انا مش بشوفه فكنا فاعدين علي السرير فقلتلها اكبر فوق في السما احنا مش بنشوفه بس هو شايفنا وعارف ان انتي لما تعملي غلط وبيزعل ولما بتعملي حاجه حلوه وكويسه بيتبسط ويفرح ويقولي هاتيلها لعب وحاجات حلوه ولو غلطتي يقولي لاء مش توديها الملاهي ولا تجبلها لعب قالتلي خلاص قوليله ينزل يقعد معانا هنا علي السرير ويلعب معايا واقوله ان انا شاطره ويجي معايا الملاهي قلتله هو مش بينزل يقعد لا هوبس فوق في السما بيشفنا قالتلي اه فوق يعني زي الطياره اللي فوق مش عارف ينزل طب قوليله يركب الطياره وينزل معاها تحت علي الارض وانا هروح انا وبابي بالغربيه نجيبه من المطار قلت في نفسي وبعدين في الحوار اللي ما راضي ينتهي الله يهديكي يابنتي هو ما بيركب طياره بس هو سامعنا واحنا بنتكلم دلوقتي ولما تكبري شويه هتفهمي قالتلي خلاص قومي هاتيلي لبن حليب يعني عشان اكبر واشوفه يالا قلتله حاضر اجيبلك فلماجبته وقع علي الارض فتعصبت عليها كده وقعتي الحليب ياحماره فقالتلي حماره كده عيب والله اكبر يزعل كده منك شوف يا اكبر مامي بتقولي يا حماره ازعل بقي منها يارب انت فين اضربها عشان قالتلي يا حماره ولا اضربها انا يا اكبر عشان هي غلطت والله من يوم الحوار ده وكل ما تفلت مني حاجه تقولي اكبر زعلان انتي مش كبيره وبتشربي اللبن يعني فاهمه ولا انتي ايه يا مامي مش فاهمه كلي طيب لحمه ومكرونه عشان تفهمي والله عيال الايام دي صعب تسدي معاهم في حوار ولما اغيب عنها شويه واسمعها تتهاوش مع اخوها الصغير تقوله انت حر اكبر زعلان منك هو فوق في الطياره وهينزل يضربك ………….يالا بنات كل واحده صار معاها حوار كده يحكي وندردش شويه مستنيه تفاعلكم ومشاركتكم في الموضوع معايا انا باردوا كل جديد من بنتي راح اشاركلكم بيه الله يهديكوا بنات ويحفظلكم اولادك ما تشاهدوا وتروحوا من غير ما تردوا عليا ولو بكلمه ما تحبطوني اشتركوا في الموضوع

المشاركة الأصلية كتبت بواسطة قلب مجنون ما شاء الله عليها الله يخليها انا بنتي عمره سنتين يعني لس ما عنده تجارب

: thanx:اخيرا اخيرا اخيرا حد رد عليا وعبرني بكلمه تسلمي حبيبتي كتير ويخليلك بنتك وتسمعي منها احلي كلام

المشاركة الأصلية كتبت بواسطة زوجه ثانيه مشاء الله عليها تبارك الرحمن بس عندي تعليق بسيط لوسمحتي انها مازال عمرها 4سنوات لازم تخبريها ان اسمه الله وانه خالق الاكوان وعطيها كم معلومه مفيده عن الرسول والله انا بنتي من كان عمرها 4 سنوات كنت احكي لها باليل نسولف عن الله وعن الرسول وقصص عن الرسول ومعلومات وصدقيني راح تفهم حتى لوكلمتين ومن الواضح انك مصريه من الهجه واعتقد ان اطفالكم مشاء الله تبارك الله اذكياء ويفهمون بسرعه ارجوماكون ثقلت عليك وتقبلي مروري

لا ياحبيبتي ماتقلتي عليا ابدا جزاكي الله خير انا فعلا بدأت اخليها تنطق اسم الله واحكي ليها بس المشكله اللي يارب يقويني عليها اني مقيمه بدوله اوربيه وبنتي بتجمع ما بين لغتين فعشان كده المعلومات شويه بسيطه لاني اخاف تشتت وساعات احسها مش فاهمه وعايزني اتكلم معاها باللغه الاجنبيه ومع اني بتكلمها كويس بس احس التعبير فيها عن الله مش حلو ولا زي ما تعبري بلغتك العربيه بس ان شاء الله هي هتم الاربع سنين الشهر الجاي بعدها سمعت بمدرس لغه عربيه ودين هنا هجبولها البيت عشان لغه القرأن اهم وانا فعلا مصريه وتسلمي حبيبتي لردك الجميل وتفاعلك اسعدني والله