السلام عليكم ورحمه الله وبركاته،،،ً،انا حبيت أتكلم عن طريقه نقل الأخوات عن عن تجربتهم مع الاعشاب والي يسمونها(مسهلات الولاده)انا مانصح انا ننقل مثل هل التجرب لانه البعض يمكن ان يخطى في طريقه استعملها،، او ان الجسم مايتقبل مثل هل الأشياء مثل الي تنصح بعشبه كف مريم، او القرفه ،او الحلبه ،او الي تقولك تبخري في أشياء معينه انا مو معهم في نقل مثل هل التجرب ابدا،او اذا حابه تنقلي لها تجربتك لازم توضحين لها متى تأخذه وكيف تستعملها،،،فمثل القرفه معروف انه تسهل الولاده بعض الأخوات ياخذونها من يوم مايبدى الطلق فيها وهذا خطاء القرفه تاخذينها يوم يحمى الطلق وينفتح الرحم عندك عشان تسهل الولاده باذان الله ،اما اذا شربتي القرفه وإنتي معك طلق بس ممكن انها تحمى الطلق عندك بس ماتفتح الرحم وتسسبب لك عسر ولاده او مضاعفات وحتى عشبه كف مريم تاخذ مثله مثل القرفه اذا بدا يحمى الطلق وفتح الرحم،،،،انا انصح كل اخت تنقل تجربتها لغيره لازم انها توضح اكثر عن طريقة استخدام هل الاعشاب،،،،،، وفيها بعض الأخوات ينصحون بأشياء لها فايده كثير عظيمه من هل الاعشاب مثل أكل التمر في بدايه الشهر التاسع والأكثر منه ،،او شرب ماء زمزم ،،فان معهم في هل الشيء لان التمر ثمره عظيمه كل جسم يمكن ان يتقبلها وما يسبب اي مضاعفات،، ويكفى فوائده العظيمة،،،،وكثيري من الاستغفار والتسبيح ولاتخافين ولا تتوتري اذا جاك الطلق بل العكس خذيلك حمام دافىء،،، وكلي تمر واذا عندك عسل طبيعي تناولي ملعقه عشان يمد جسمك بالطاقه وخاصه انتي علي وشك ولاده،، ودعي الله انه يسهل عليك ،، وكثير استغفار،،،،واقري بينك وبين نفسك بعض من آيات القران،،،،وسوي عمليه الشهيق والزفير عشان تسهل ولادتك،،،،وبالنهاية الله المسهل ،،،والله يقوم كل حامل بالسلامه ويسر عليها،، وتقوم هي وطفلها بالسلامه،،،،،
ما شاء الله عنك
شكرا على المعلمات الرائعه
جعله الله في ميزان حسناتك
حمل لي بعد خمس سنوات انتظار وقالت لازم تشربين قرفه وتشربين ملعقه خروع
مده يومين شربت القرفه بس ماخذت الخروع كنت خايفه وماكان معي طلق ولاشي وكنت داخله العاشر يومين بعدين رحت المستشفى اللي اراجع فيه وقلتلهم ان مويه الجنين قليله
يوم كشفوا علي قالوا ان مويه الجنين كويسه وقالولي بما انك دخلتي العاشر لازم تولدين
وكنت مشتاقه لطفلي مره ووافقت وعطوني طلق صناعي وقعدت خمس ساعات منفتح الرحم وجتني حراره كانت مرتفعه مره ونخفض نبض البيبي وقالولي انتي شاربه قرفه
قلت بكل برائه ايه وجاني أنواع التهزيئ بعدين ولدت قيصري الحمدلله على ماكتب لي والله يسهل ولادتي لاني انا الحمدلله حامل دعواتكم لي بان ربي يثبت حملي ويسهل ولادتي كتبت قصتي للفائدة وللمعلوميه كل حملاتي بعلاج الحمدلله على كل حال.