بسم الله الرحمن الرحيم
السلام عليكم ورحمة الله وبركاته
بما انه بكريه وماكنت عارفه شنو اجهز لي وللبيبي ولي مابعد الولاده 
حاولت اجمع الاشياء المهمه لتجهيزات الي تخصك وتخص البيبي وتخص فترة النفاس من خلال تصفحي للمنتديات وجمع المعلومات 
وحبيت افيد اخواتي الي بيسالو شنو اجهز لي وشنو اجهز للبيبي ولنفاس و و و…. الخ
ومابي غير الاجر ودعوه من قلوبكم الله يتتم حملي ع خير ويسهل علي ولادتي ويقومنا بالسلامه ويفرحني بشوفة كتوتي بصحه وسلامه
يلا نبدى ياكروشات
اول شي انا الاغراض الي ابيه كتبتبهم بورقه وكل غرض ومصدره يعني اغراض الصيدليه ومحتوياتها
واغراضي واغراض البيبي ومحتوياتها وكذا اريح من الف والدوران وبتعرفي شنو تاخذين وماتنسين شي او تلخبطي
اولا:_ اغراض البيبي
واكيد بتتجهون ع محلات ملابس البيبي وبتحتاجون
1> شنطه للبيبي
يكون شكلها حلو وتكون وسط موكبيره ولاصغيره لانه راح تستفيدين منها بعدين وقت الرحلات السفر اوالزيارت وتكون خاصه للبيبي حليبه رضاعته حفايظه ملابسه كريماته وكل شي له
2
> منشفه للبيبي
عشان لما تولدي اكيد بيحممون البيبي وبينشفوه فلا تنسيها
3
> شراشف للبييي
وتكون قطنيه لانه جسم البيبي حساس
مدسات للبيبي +بطانيه للبيبي
شربات +قبعات تحمي راسه +جونتيات حتى لايجرح نفسه +ويمكن تلاقيها بطقم واحد او تجي متصله بعض الملابس
وملابس داخليه وتكون قطن وبعض الملابس ع ذوقك
سرير للبيبي متكامل
ثانيا:_ اغراض الام
قمصان استقبال وسيعه ومريحه وانيقه
بناطيل داخليه +كلوتات +شربات + شراشف اوشالات لراس +حمالات صدر قطنيه ولرضاعه +منشفه +عطر خفيف +كحل ومرطب شفايف اوروج خفيف
وشرشف اوغطاء لسريك يكون حلو ولو يكون نفس لون غطاء سرير البيبي احلى >> اذا مافصلتي مفرش نفاس
ثالثا:_ اغراض النفاس [اعشاب النفاس]
حلبه >> تشرب في العشرين اليوم الاولى
قرفه >> منظفه لرحم وتشرب باي وقت
مر >>يستخدم كغسول للخياطه ويفضل بعداسبوع فهومعقم ومطهر ويشد االمنطقه ويمكن شربه
عبائة السيده >> تشرب اخر عشرين يوم كوب صبح وكوب مساء فهي تعمل ع تضيق المنطقه وخروج الهواء والافرزات
حب رشاد مع تمر ياكل اخر عشر ايام
خواجى +زيت زيتون >> يوضع ع النار حتى يدفى ويوضع بعلبه ودهنين فيه مكان الخياطه ينفع من اول اسبوع فوايده يمنهع الالتهاب
قشر رمان+ ارطى >> تستعمل كغسول حتى بعد انفاس تعمل ع تضييق المنطقه
رابعا:-اغراض الاستقبال او الضيافه
اكيد كاسات شاي+ وفناجين قهوه >> تكون انيقه وحلوه
اكوب للعصير > حلوه
صواني توزيع + ثلاجات قهوه وشاي
+براديد ودلات +وتكون طقم وانيقه
ولو تشترو طقم متكامل بيكون احلى
خامسا:_غراض الصيدليه
الاغراض الي تخص البيبي >
بامبرز + رضاعتين + بودرة اطفال + زيت جونسون لججسم الببيبي + شامبو جونسون وممكن تاخذين طقم كامل للبيبي من جونسون
كريم لا التهاب الحفاايظ+ مشط صغير + مقص اظافير + مقياس حراراه +حليب لرضع الاشهر الاولى
@>اغراض الام
فوط صحيه وتكون قطنيه اريح وحتى لا تلتهب المنطقه
فوطه خاصه لحليب الثدي>
غسول بيتادين >> كل مارحتي التواليت تعملين غسول للمنطقه وتنشفينها بفاين وتضعين كريم ميبو او الاسد
كريم ميبو>> تدهنين به منطقة الخياطه بواسطة قطنه اوشاش
كريم الاسد >> نفس طريقة كريم ميبو ولاكن في ناس يفضلون ميبو والاخر الاسد فاختاري الي يناسبك
ريالوكين>> يخفف الم الخياطه مثل البنج تضعينه ع الفوطه مكان الخياطه ويمكن استخدامه وانتي بالمستشفى
تحاميل جلسرين اذا بتعاني من امساك>حتى لاتوثر ع الخياطه
مشط + فرشاه ومعجون + حبوب مسكن بنادول + شامبو وبلسم
ولللاهتمام بجسمك وبشرتك
زبدةة الكاكو بالمرز مرسوم علليها لاصوره حامل >>> لتشققات الحمل
مقشر سكراب واصنفره الجسم بالمشمش
اغراض الحمام المغربي
زيوت لشعر > الي يناسب شعرك
كريمات للوجه وللجسم الي يناسبك
وهاذي خلطه مني كريم للجسم امنه وماتضر
اربع ليمونات كريم جلسويد كبير زيت جنين القمح او الوز المر
واكيد ماننسى تغير الوك صبغ وقص
عشان بس تخرجي من الاربعين وانتي عرررررررررررررررررررررروس
وان شاء الله ماكون نسيت شي والي عنده اشياء مفيده تكتبها حتى استفيد انا والاخوات
ولاتنسونا من خااااااااااا لص الدعاء
والله يرزق جميع من يريد الذريه الصالحه ويسهل علينا ولادتنا ويقومنا بالسلامه ويفرحنا فيهم
[ اختكم بنت طيووووووووووووبه ]
ويسهل ودلاتنا جميعا
والله يسمع منكم
ووتهني بمولودك تجهيزات حلوة ومقص لاظافر البيبي ومشط ناعم من الصيدليه له
وفيه كمان المويه الخاصة للرضع اسمها فبي تشتريها من الصيدلية
وجعل الله مولودك مولود السعادة
تهامة