طبعا يا بنات أحلى خبر بالنسبه لكل الزوجات هو خبر الحمل .
ويوم ما بتعرف انها حامل ده بيكون اسعد يوم فى حياتها وخصوصا لو كانت حامل لأول مره (عروسه جديده)
أو تكون أتأخرت فى حملها لأى سبب(الحمل العزيز).
وطبعا مش هى اللى بتكون مستنيه البشرى دى لوحدها ولكن الزوج ايضا بيكون مستنى الخبر السعيد ومستنى اليوم اللى تيجى فيه وتبلغه بالبشرى السعيده .
بس السؤال هنا : (لو الحمد لله سبق ليكى الحمل )
ازاى بلغتى زوجك الخبر دة ؟؟؟؟
( ولو ان شاء الله الحمل فى الطريق او لسة ما تزوجتى)
ازاى هتقولى لحبيبك الخبر دة ؟؟؟؟
ياريت كل واحدةتقول عملت ايه؟؟
او ناوية(ان شاء الله) تعمل ايه؟؟؟
ياريت الكل يشارك ..
حتبلغى جوزك بالخبر السعيد ده ازاى؟؟؟؟
الطريقه التقليديه المتبعه فى الموضوع ده ان الست تروح وهى بتطنطط من الفرحه وتقول لجوزها انا حامل
طيب ايه رأيككم لو جددنا شويه وخليناه خبر سعيد بذكرى سعيده وموقف لا ينسى ابدا
طيب أزاى؟
خدى منى شوية افكار جديده بس مبدأياً أوعى تبلغى جوزك بحملك عن طريق التليفون ابدا وضيعى على نفسك انك تشوفى أحلى رد فعل وأحلى فرحه فى عنييه.
وإليكى بعض الطرق أختارى منها ما يناسبك وما يناسب جوزك وظروفه وطباعه :-
*ممكن تبلغيه عن طريق رسالة موبيل أشترى خط جديد برقم ما يعرفوش وابعتيله رساله أكتبيله فيها(بابا حبيبى ده رقمى الجديد سجله عندك كنت عاوز أكلمك بس شبكة الموبايل فى بطن ماما لسه ضعيفه جدا أنا جيى ان شاء الله بعد 9 شهور استنانى عند الدكتورة ).
بس لازم تبعتيها وانتى قاعده معاه علشان تشوفى رد الفعل.
**ممكن تجيبى بالونه من البالونات الهيليوم وتحطيها جنب السرير وهو نايم بحيث انه أول ما يفتح عينيه من النوم يشوفها وتعلقى عليها ورقه وتكتبى فيها(صباح الخير يا أحلى بابا متعملش دوشه وانت قايم لأنى لسه نايم صحينى كمان 9شهور).
***ممكن لما يجيي من الشغل تحضرى الغدا وتحطى طبق فاضى زياده وادوات أكل كامله(شوكه وسكينه ومعلقه)وتحطى ورقه فى الطبق مطبقه بعد ما تكتبى فيها(انا مش طبق فاضى انا ضيف مش عادى هزوركم بعد 9شهور واقعد معاكم على طول).
****ممكن تبعتيله رساله بس المره دى من رقمك وتكتبى فيها(رساله فارغه لقرأءة تفاصيل الرساله بص على بطنى)
وتكونى لبسه قميص نوم شفاف جدا وكاتبه على بطنك بقلم كحل أو معلقه ورقه ولازقها ببلستر او سوليتب وتكتبى(ممنوع الأقتراب أو التصوير هنا ينام فى سلام أحلى هديه من الرحمن).
*****أو تملى البانيو مايه وتحطى فيه ورد مجفف وتحطى فى الميه شمع من اللى بيعوم على وش الميه (3 شمعات) وتجيبى الخله الخشب بتاعة السنان وتعلقى فيها ورقه مكتوب فيها اسم جوزك وترشقى الخله فى الشمعه ونوريها وواحده تانيه بنفس الطريقه وعليها اسمك ونوريها والشمعه التالته عليها ورقه مكتوب فيها(انا شمعه مطفييه حنور بعد 9شهور تحب تسمينى ايه؟).
******ممكن تيجيبى اى ورقه ماليه وتدبيسى فيها ورقه بيضاء وتكتبى عليها (بابا حبيبى متصرفش الفلوس ديه انا جى كمان 9شهور وفى طلبات كتيره ليه) وحطى الفلوس فى المحفظه واطلبى منه اى حاجه علشان يفتح المحفظه قدامك
ويارب كل اللى مستنيه الخبر السعيد ده ربنا يناولهولها ويرزقكم جميعا الذريه الصالحه.
واللى عندها أفكار ياريت تقولهالنا وادينا كلنا بنستفيد
وكل واحدة تحكيلنا بلغت حبيبها الخبر دة ازاى؟؟
واللى لسة فى انتظار المولود تقولنا ان شاء الله هتمل ايه ؟؟؟
قبل ستة سنة والله فرحنا كثييييييييييير وبناتي ثلاث منورات ماشاء الله والحمدلله ننتظر جديدك
ياعسل يقيم باحلى نجوم
فكرة من عندى هاتى طقم ملابس بيبى او طقم البييبى (رضاعة وعضاضة وشخشيخة ) او اى شئ يخص البيبى هديه ولفيه وحطيه على السرير لزوجك ولما يفتحها ويتفاجئ اخبريه انه لضيف جاى بعد تسع شهور
او اخبريه ببساطة انه عندك له هديه واساليه تحب تشوفها ؟ وامسكى يده وضعيها على بطنك وقولى له:" الهديه هنا بس بصراحة هى مش من عندى هى من ربنا لينا احنا الاثنين "
رب يعطى كل يرزق الجميع الزريه الصالحة
[color="pink"]وينقل للقسم المناسب [/color]
انا لما حللت دم واعرفت اني حامل جوزي ساعتها كان مسافر شغل وكان حيقعد يومين وبصراحه ماكنتش قادره اصبر يومين لغاية ماييجي لما تكللما عالموبايل قولتلو ان حللت دم ويـــــــــــــــــــ … قعد يقولي ايه كملي كملي قولتلو وطلعت حامل ماصدقش ومع ان شغلو كان المفروض حيخلصو ويرجع بعد يومين بعد 3 ساعات لقيتو قدامي ……. دى تجربتي مع اول حمل
وتقبلي مروري حبيبتي
فيها نوع من التغير
سلمت يداك يا غالية
السلام عليكم ورحمة الله وبركاته. موضوع رائع ربي يرزقني و كل محرومة كي نطبق الافكار.