السلام عليكم
بنات أنا اجهضت امس الله يعوض علي ويعوض على كل وحده اجهضت
رغم ان الجنين كان حي ويتحرك في الصباح وكان علي نزيف وقالو
مانقدر نسوي لك شي بس مدام الجنين بخير ماعليك لان مافي حول
الجنين اي تجمعات دم والدم من خارج الرحم بس في الليل زاد النزيف ونزلت
قطعه كبيره مدري وشي انا توقعتها الجنين بس سوت سونار قالت
الجنين والمشيمه موجوده بس مافي نبض ولا اي حركه
ومع النزيف الم جامد يمسك بقووه بعدين يرخي
وكشفت علي ولقت الرحم مفتوح
وقالت لازم عمليه وجاء الدكتور ودخل يده كلها فيني عورني جعل يده
القص
والله حسيت يده كامله في بطني
بعدين دخلوني غرفة العمليات وسوولي عملية تنظيف
والله جالسه اقوول يارب يكوون حلم
المهم
انا عندي كثير اسئله ودي استفسر من البنات الي عندهم نفس التجربه
الحمدالله الالم خف كثير عن امس
حتى الدم احس انه خف
بس هل صحيح ان الرحم يكون متحرك موثابت واذا كان متحرك
هل الشد والضغط مثل التبرز الله يعزكم ممكن ياثر ؟
وشيل الاشياء الثقيله هل ممكن تاثر وتنزل الرحم ؟
وهل النوم على الجنب ممكن يقلب الرحم زي مايقولون ؟
و انا فقدت دم كثير كيف اعوضه
يكفي فيتامين c الي عطوني
مع ان نفسي مسدوده بس اغصب نفسي على الفواكه والخضروات وكليت
مع الاكل فلفل يقولون زين
وفي سؤال عندي بعد
الجنين كان عمره 3 شهور كامله وهم حطوه في علبه وعطونياه وانا
قلت لهم مابيه ماقدرت اشووفه بس يوم قلت لزوجي قالي هو انفخت فيه
الروح يمكن لازم علينا ندفنه وش رايكم بنات؟؟
وش تنصحوني فيه بنات
انا في امس الحاجه لمساعدتكم
دعواتكم
الملح كلهـ
اهتمي بنفسك….موفقة عزيزتي…
مشكوره على مشاعرك حبيبتي
وان شاء الله نحمل انا وياك في نفس الشهر
بس انا محتاجه وقت الحين ماعندي اي استعداد للتجربه حالياَ
محتاجه على الاقل 5 شهور حتى استعيد قوتي
حتى رحمي احسه مره تعبان
دمتي بوود حبيبتي
الحلا كلهـ
يا حبيبة قلبي ربي يعوض عليكي بالذرية الصالحة امين
والله اني حاسة فيكي لان مريت بنفس ظروفك
ربي يعوض عليك ويفرحك عن قريب يا رب
طبعا حبيبتي مثل ما قالت اختي احلام الدنيا انت نفساء لا تحملي شي ثقيل ولا تجهدي نفسك واتغذي جيدا ولو تحبي تاكلي الخضروات مع الاكل اكلي مثل الكرفس او البقدونس مفيد جدا
وصدقيني ربي رح يعوضك باحسن ويفرحك
حبيبة قلبي لا تنسي دعاء العوض (ربي اجرني في مصيبتي واخلف لي خيرا منها)
تحياتي
التجربه جداً قاسيه
وراح حاول قد مااقدر اهتم في اكلي
بس الحين انا اعتبر في حكم النفاس
يعني اقدر اصلي ولا لا ؟
الي عندها فتوه تفيدنا
و بعرف انه نفسيتك تعبانة..
الله يعوض عليكي حبيبتي لازم تنتبهي عحالك و اكلك و لا تشيلي شي ثقيل..
ماما دايما تحذرني من هالشي و لازم ترتاحي و ترفعي رجولك..
بعد العملية بيخف الدم عادي..
الله يعوضك..
الحمد لله ع سلامتك وانشاء الله يكون دخر لوالديه في الجنة
وانشاء الله ربي يعوضك عاجلا ليس اجلا
ماعندي خلفية بس حبيت ادعيلك
أنت الآن تعتبري نفساء…لذا عليك بالاهتمام بصحتك وبأكلك … واشربي كل شيء دافء وابتعدي من المبردات.
أنا أكون دوما في هذا التجمع الجميل وأنصحك بالدخول لهناك كي تنسي ألمك وكي نخفف عنك وهناك ستجدين أيضا الدكتورة ابتسامة أمل وأخوات طيبات كثير وأكيد لن تندمي ان دخلت هناك…تشجعي أختي وادخلي لبيتنا وأكيد سنشملك بحبنا وأنا أول واحدة سأهتم بك…أعدك أختي.
وهذا هو الرابط…
في حب الله اجتمعنا….ولحلم الأمومة صبرنا