انا يديدة وابغي مشورتكم في موضوع مهم 2024.

السلام عليكم ورحمة الله وبركاته ،،،

كيف حالكم اخواتي ،،،

اولاً يشرفني اسجل في مدونة سيدتي ، وما سجلت إلا لاني احتاجكم نصيحتكم واخذ مشورتكم كأخوات وصديقات، في امر يهمني وايد ،،،

موضوعي يتعلق في اخو زوج اختي ، ( اخو نسيبي ) تقدملي رسمي عند اهلي واهلي شاوروني في الموضوع وعطوني سلبياته وايجابياته ، وانا الحين محتارة في الامر وصليت الاستخارة اكثر من 10 مرات احس نفسي مرتاحه ونفس الوقت خايفة ،،
طبعا انا عمري 24 سنة ، والي تقدملي مطلق وسبب طلاقه خيانة من زوجته الاولى ، كانت تخونه وكشفها بالرغم انه هو ما قصر معاها وكان يدلعها ويعطيها فلوس سيارة هدايا ورحلات وسفر كل شي وفالاخير جازته بالخيانه ، وبعد طلاقه ب9 شهور قرر يتقدملي طبعا اختي وزوجها مدحوني وايد عنده ،

اخواتي شو بتتوقعون معاملته بتكون معاي ؟ هل راح يعاملني نفس زوجته الاولى يدلعني ويطلعني ويونسني ، او راح يكون حازم وجاد معاي وتساوره شكوك علي خصوصا انه انهدم ثقته فاتوقع صعب يمكن يثق فيني !!! ،،،

الشي الثاني هل تنصحوني بهذا الزواج خصوصا اني بسكن مع اختي في بيت واحد ، ونحن صح متفاهمين وهي تعرف كل صغيرة وكبيرة في حياتي وهي من نوع اللي لسانه يزل بسرعه !! وانا خايفه تصيرلي مشاكل بسبب هالشي !!

اخواتي وايد محتاجة نصيحتكم ،،،

وفي شي ثالث قبل لا يتقدملي هذا الشخص كان يدور له عروسة وانا اقترحت لاختي أنه يتقدم لصديقتي وتوأم روحي ، وكلمتها في الموضوع وهي شاورت اهلها وقالولها خله يتقدم بس الصدمة انه رفض وكان يبغيني انا ، والحين ماعرف كيف افاتح الموضوع لصديقتي احس انها بتزعل وااايد

ما ريد اخوفك: بس تأكدي ان ما انزرع فيه الشك بداخله
من بعد تجربه زوجيه فاشله، لان الاغلب لا إرادي يتولد
معاهم الشك.. بس انصحك بالاحتواء ساعتها (كوني ملاكه)..

المشاركة الأصلية كتبت بواسطة فراولة دبي بالرغم انه هو ما قصر معاها وكان يدلعها ويعطيها فلوس سيارة هدايا ورحلات وسفر كل شي وفالاخير جازته بالخيانه

انتي متاكده انه ماقصر معها؟ عشتي معهم ؟ شفتي حياتهم؟ عرفتي اسباب خيانتها.؟! والاهم من ذا كله متاكده انها خانته ؟ شفتي بعيونك .؟! انتي بس تتكلمين بكلام انتقل بين السنة الناس لكن يمكن مايكون له صحة من الحقيقة! فـ عشآن كذآ لاتتكلمين فيهآ لانك بتآخذين ذنبهآ ولاتقولين جازته بآلخيانة وكان مدلعها وكان طيب معهاا انتي ماتعرفين وش عاشت هي والا ليه سوت كذآ ثاني شيء صديقتك لو انها تحببكك صدق وتعزكك مآبتزعل ولابتبيعك عشآن رجال بالاخير آلزوااج قسمةة ونصيب ثآني شيء آنك تعيشين مع آختكك ذآ شيء مرآآ حلوو اتمنى اني اعيش مع اختي وانا متزوجة كذآ مابتحسين بآلغربة ولا بتحسين بفرآق اهلك ولابتحسسين آن حياتك تغييرت بتكون آختك معك بكل شيء وتطلعون مع بعض وتنبسطون بس لاتقولين لهاا عن الاشياء الخاصة بينك وبين زوجك مهما ماكانت قريبة منك فيه خصوصية لكل شخص اما معاملة زوجك لك تعتمد عليك بـ امكانك تثبتين له آنك مو مثل زوجته الاولى وتثبتين له آنك الانسانة اللي تنآسبه وتعاملينه معاملة حلوه وطيبة وتخلينه يثق بخوفك من الله مثلا صلي قداامهه داييماا وحسسيه انك انسانة فيك خير بس طبعاا مو بس تسوين كذا عشان زوجك يحسبك كويسة سوي كذآ بنية خالصة لرب العالمين اما اذا حسيتي بالراحة من الاستخاره ف ان شاء الله انه خير الخوف طبيعي جداا اي بنت بتخاف لان الزوااج شيء مصيري لاتشيلين همم شيء استخيري اكثثر وطولي فتره الخطوبة وتعرفي عليه اكثر وقتها حددي مصيرك معهه

مشكووووووووووووورات يا اخواااااتي على نصاااايحكم صراحه وايد تميت اقرا وافكر وارااااجع كل كلمة قلتوووها لي ،،، صح فعلاً يمكن انا مب متأكدة شو صار بينهم بالضبط ، وشو سبب الطلاق لكن مثل ما نقلته لي اختي وقالت بسبب الخيانة ،،،

بس صراحه انا احس نفسي ما اقدر ارفضه ما اعرف ليش مع اني ما اعرفه ولا عاشرته بس سبحان الله ما اقدر ارفضه احس اني راح اندم وايد لو رفضته ، هل هذا معناته نصيب ؟؟؟

لان اخواني قالولي فكري عدل فالموضوع وانا بالرغم كل هذا فكرت واحس نفسي قادرة اتأقلم مع الوضع واني بقدر اغير نفسية الرجال ،،