للنقاش و ايجاد حلول (() كيف التصرف مجابة 2024.

بسم الله الرحمن الرحيم

في مشكلة واجهتني و اكيد واجهت بنات ثانيين نبغا حل او طريقة ما نغضب فيها ربنا و نكون برضه حاقنيين كيف نتصرف اذا سمعنا احد سواء يحش (( يتكلم بطريقة سيئة )) او يشتم والدتك او والدك .و بالذات اذا كانوا من العائلة مثلا جدتك عمتك خالك و غيره

هل الحل القطيعة ام النصح ام ايش , اذا وحدة عندها تجربة تقول كيف اتصرفت ,

انا مثلا للاسف جدتي و بعض عماتي لمن امي تبغا تنقل من البيت اسمع جدتي تنقهر و تقول كلام يوجع القلب و يقهر و الي يقهر اكثر انه قدامي يعني عادي عندها ما احترمتني واصلا امي كانت بتزور امها و جدتي ظنت سوء انها رايحة تقعد ببيت اهلها عشان تضغط على ابوي انه ينقل يعني تسيء الظن و تشتم و لمن ادافع عن امي تقول اسكتي و تعيد كلامها الي هو سوء ظن و كلام يقهر و بعض عماتي يوقفون مع جدتي << بالصراحة دايما جدتي و بعض بناتها يوقفوا مع بعضهم حتى لو كانوا هم الغلطانيين و ماهم حقانيين و لاحظت الشيء هذا لمن يحشون احيانا على زوجات اخوانهم يعني مرت عمي , يعني مثلا حتى اذا كانت مرت عمي غلطانة اصلحوا بيناتهم و دايما كونوا مصلحين لكنهم للاسف ما يصلحوا و يكبروا الموضوع و لا تسلمي على اطفالها و غيره .

انا هذه ثاني مرة اسمعها تقول قدامي كلام جارح و ينم على عدم الاحترام , و مع اني احب جدتي مرة لاني سكنت معها عمري كله (نحنا ساكنين ببيتها ) , لكني اتالمت مرة من كلامها و كانت تقول نسيت فين كانت و كيف صارت لولا فلوس جوزي كانت ما شافت العز << بالله قولولي ايش مقصدها انا فهمت انها تمن انه نحنا عايشين ببيتها مع انه من زمان نبغا ننقل بس مستحملين عشان ما نتركها لحالها , بامانه قولولي ايش مقصدها بالكلام ؟؟
ليا الحين اسبوع لا اكلمهم و لا اشوفهم لانه كلام جدتي على كلام عمتي قهرني و ما صرت حابة التواجد بينهم و اثبتوا لي انهم مو عائلة كفو و مو العزوة الي حتوقف معايا اذا احتجت لهم مدام الشيء ما يرضيهم مع انه حق انه ننقل يقوموا يشتموا بدل ما يتفاهموا و يبغوا يكونوا عداوات ,

اليوم في عزومة قريبتنا و امي رايحة و حتشوفهم هناك انا مو طايقة اروح بس خايفة ما اروح و يجرحون امي بالكلام او يكونوا سيئين خلق معاها و انا ما ابغاها تنجرح , ابغا اروح معاها دفاعا عنها اذا احد طول لسانه و بنفس الوقت مو طايقة اشوفهم و قلت اذا حروح ما رح اسلم عليهم << ايش رايكم عشان يحسوا انه الي عملوا غلط ومو سهل انه يشتموا و يقلوا ادبهم ,و مارح اسامحهم الا لمن يعتذروا لوالدتي , يعني حقاطعهم الين ما يعتذروا شرايكم ؟؟؟؟

و اذا عندكم تجارب قولوها و كيف اتصرفتم معاها و ايش الصح

انا ما اشجع المقاطعة او شيء فقط ابغا استشارة و في نفس الوقت ابغا الاقي حل ليا و للبنات الي انحطوا في مواقف مشابهة من خالتها صحبتها حماتها و غيره

هذه نصيحتي لك عزيزتي واتمنى ان تكوني اقتنعت بوجهة نظري