بسم الله الرحمن الرحيم
اخواتي وعزيزاتي ابغا اقول لكم وش حصل بين زوجي وشغالتي البارح وابغاكم تعطونني ارائكم في هذا الموظوع الموضوع باختصار من غير مااطول عليكم البارح في الليل بينما انا نايمه اذا زوجي داخل علي يصحيني ويقول تعالي ويدخلني في غرفه الشغاله وادخل معه اذا الشغاله حاطه على فراشها وسايد ومغطيتها بشرشف على شان اللي يشوفها يضن انها نايمه ولاهي واقفه معنا مادري منين هي طالعه طبعا سالناها ليش حاطه فراشك كذا قالت انام بالعكس وبين عليها مرتبكه وخايفه طبعا انا تبلد احساسي وماعرفت وش اسوي طبعا زوجي يقول انه لقا الباب الخارجي فاتح هذا كلام زوجي انا جلست حوالي نصف ساعه منصابه من الموضوع وزوجي راح يدور في البيت يقول اكيد انها مدخله احد واجي الى عندها واسالها ليش سويتي كذا الى هي منسدحه زي ماقالت وقامت علي وقامت تصيح تقول وين بابا بابا خربان يبغا انا وانا كنت في الدولاب منخشه وانا منصابه من هول الفاجعه مع اني كنت اشك ان بينهم شي هي ماتطيقه وهو مثل بس كنت اقول ارب هذا اليوم يبطي وتعالوا تشوفون نشر الغسيل هي تقول انه يجيها كل ليل وانها تنحش منه وهو يقول انها يلقا فراشها كم مره على هذا الوضع وانا مغير اتفرج ومنصابه من هول المشكله طبعا انا ماستغربت لان الرجال كلهم بيسوون كذا واكثر لاكن اللي انا مستغربته ليش هي مسويه بفراشها كذا وش كانت تسوي طبعا انا دخلت غرفتي وحاولت اهون الموضوع على نفسي مو من شان شي من شان صحتي خفت يجيني جلطه ماراح يسرونني ومن اليوم الثاني قمت وسويت الغدا وعطيته اياه طبعا الاخت مسويه نفسها زعلانه في مجلس الحريم عطيته غداه وطفحه ودخل ينام انا جيتها ودخلت بها في مجلس الرجال وسكرت الباب وبديت اسالها ليش حاطه الفراش بالشكل هذا عاد قامت تفتح الحنفيات وتبكبك انا خايفه من وانا وانا ومن ذالكلام طبعا انا مصدقتها لان الرجال كلهم كذا لاكن هي برضه ماهي طبيعيه اروح منها واسير والباب فاتح وتطلع تكب الزباله ومن هذا الشي طبعا الاخت تنام في غرفه مقابله غرفتي وتتعذر بالمكيف تخلي الباب فاتح وتنبطح قدامه اي رجال بيشوف حرمه منبطحه بالشكل هذا الى يلعب عليه الشيطان قلت لها ليه ماتسكرين الباب قالت على بابا يدق الباب قلت ليه ماعلمتيني قالت بابا يقول لاتعلمين ماما وقررت اني انيمها في مجلس الحريم واقفل الباب من برا بقفل على شان ارتاح بس في نفس الوقت خايفه من ربي هي في نهايه الامر بشر كيف اسجنها وماقدر اخليها بدون ماسكر عليها منه ومن غيره حتى ارتاح طبعا الشيخ يحلف ماسوا مما قالت شي وانا ماسكت عليه ولا رحت لهلي الا على شان ولدي موب على شانه وماقدر اسفر الشغاله لاني موضفه وبعد رمضان باروح ادرس ماجستير وهي حلوه عند ولدي اهم شي عندي شيروا على وش اسوي 
يعني الشغالات ما منهم امان والله
أذا انتي واثقه بزوجك يكفي
… يعني مممكن تكون مدخله واحد وتحطها على زوجك لا حول ولاقوة ألا بالله .:"
من ناحية أنك بتسافري الله يوفقك ويجبي وحده تانيه .: وتكون ثقه والله يسهلك .
بس زوجك حاولي أنك تشوفي وتسئلي لين ماتوصلي لحل الله يعينك والله .}:"