تحية لكل اعضاء المنتدى الرائع (سيدتي)
بدايتن سوف اطرح عليكم موضوعي ومشكلتي بالتفصيل التام..
واتمنى ان تجاوبني وتساعدوني بالحل بكل صدق وامانه ..
انا لي علاقه بشخص طيب حنون ومحترم عاقل يخاف الله وهذا اهم شي رجل بمعنى الكلمه بالبدايه اعجاب صار بيننا وحاليا اصبحت علاقتي معه حب صادق من الطرفين مواصفاته جذبتني له رجولته هو مواصفات فارس احلامي يحبني ويعشقني بشكل جنون تعرفت عليه عن طريق ال بي بي واتعودنا على بعض كثير يوما بعد يوم اتعلقنا في بعض اكثر طلب منى مكالمه هاتفيه و رفضت ذلك وهو مقدر ومتقبل رفضي بشكل ايجابي كثير .. انا من عائله محافظه ولا اسمح بهاذي الاشياء واهم ما عند البنت سمعتها اولا واخيراا… طلب مني المقابله لو لدقايق وقابلته وهي المره الاولى والاخيره وشافني وحبني اكثر لدرجة البكاء ودموعه على خده يترجاني ما ابعد عنه ولا اتركه ولا اتزوج غيره وعاهدني اني ما اعيش مع غيره وما اتزوج الا هو …
شفت بعينه الحب الصادق والعشق المجنون ..
هو انسان وحيييد جداا.. امه متوفيه واخوانه متزوجين وعايشين حياتهم بعيد عنه وما له بالدنيا غيري اخذت كل تفكيره وحياته ..
نشتاق لبعض لو بعدنا لحظه وهو ذبحه الشوق وكل يوم يافتحني بموضوع الخطوبه والزواج مع الاصرار عليه انه يكلم واحد من اخواني ويتقدم لي بشكل رسمي ..
انا ابويه متوفي الله يرحمه 
وعندي اخواتي كلهم متزوجات الا وحده اطلقت مرتين ومن بعدها اخواني محرمين عليه الزواج الا من واحد معروف وقريب ومن جماعتنا اخواني كلهم متزوجين وعايشين حياتهم بعيد عننا ومتعصبين علينا من ناحية الزواج
..
المشكله ان الي احبه مو من مدينتي ولا هو من قبيلتي ولا يعرفنا نهائيا وانا خايفه وتعبت من التفكير بالحل لرفض اخواني له وهو كمان تعب من التفكير ومع ذلك اصراره بانه يكلمهم ويتقدم لي ويخطبني منهم فاق كل الصعوبات .. انا خايفه اني اخسره لاني احبه مووت بكل ما فيه وخايفه اكلم وحده من اخواتي بهذا الموضوع راح تفهمني غلط…
اتمنى تساعدوني بالحلول كيف يوصلني عن طريق قبول اخواني له وعدم رفضه وكيف يقتنعو اخواني فيه..
ما لي احد غير الله ثم انتو اشكي له الي بقلبي .. واي وحده عندها تجربه مثلي او سمعت بقصه مثل تجربتي اتمنى تتطرحها للاستفاده من الحلول 
.. وجزاكم الله خير
تحياتي للجمييييييع >>
يسلموووووو على الرد الرائع
انا انشاء الله بحاول اساعدك احاول اساعدك باللي اقدر عليه انا
اول شى ابيك تسوينه انك تدعين ربك و تكونين قريبه منه مره و تحاولين تتبرعين بنية انو الله يتمم عليك
و حاولي تصومين الاثنين والخميس و عن ابي هريره عن الرسول صلى الله عليه وسلم: ثَلَاثَةٌ لَا تُرَدُّ دَعْوَتُهُمْ : الْإِمَامُ الْعَادِلُ، وَالصَّائِمُ حَتَّى يُفْطِرَ ، وَدَعْوَةُ الْمَظْلُومِ و قبل الفطور ادعي من قلبك انو الله يجمعكم مع بعض و حاولي تساعدين ناس محتاجه لها اثر قوي على تفريج الهم
و ثاني شئ تقدرين تكلمين وحده من خواتك تقولين فيه واحد يبي يتقدم لى جاي عن طريق صديقتي وله اي احد انتي تعرفينه و قولي لها صراحه انا احسه زين يعني رجل يخاف ربه و حالته الماديه زين بعد ما تفهمينها الموضوع خليها توقف معاك و تساعدك انك تكلمين اخوانك و لما تجين تكلمين اخوانك قولي لهم انا خلاص بسن زواج و انا ابوي متوفى الله يرحمه و احتاج رجال بحياتي يوقف معاي و صراحه انا احسه زين يعني مو ناقصه شئ فيه حديث بس ما اذكره مره بس بما يعني انه إذا أتاكم من ترضون دينه وخُلُقه فزَّوجوه
و خلى الي انتي تحبينه اذا جا يخطب يجيب معاه هديه وله حلى و يتعدل صح عشان يفتح عيون اخوانك
و لا تنسين قبل كل شئ استخيري ربك و انشاء الله اكون افدتك
كلامك ريحني كثيير واعطاني امل بالحياه مع الشخص الي احبه و ان شاء الله ربي يسهل اموري ويعطيني على قد نيتي و باذن الله اطبق كل نصيحه قدميها لي
ردك راائع جدااا
جزالكم الله خييييير
2عادي تتزوجي عن طريق الب بي.. وهو بعد كذا ما راح يشك فيك
3خليه يجي ويخطبك رسمي هوا هذا الحل الوحيد ليه تاخرين المسأله للحين؟
السلام عليكي تحية طيبة ,,
اولا /لاتفتحي لاخواتك في المنتدى باب لتعرف على شباب عن طريق غير شرعي علشان لا يقيمون علاقات مع شباب بسببك لأن الأكثر منهم ذئاب بشرية
كثير من البنات ضيعوا شرفهم بسبب ال بي بي حتى المتزوجين بهذي الطريقة راحو ضحايا عنف أسري
وأنا أعرف وحدة صاحبتي تقولي كل شي عن حياتها وأتزوجت رجل عن طريق ال بي بي و الهوتميل
قالت لي مره أختلفنا وضربني ضرب شديد وصار يقيم علاقات آخرى وكشفته بعد فترة تغير عليها
حتى مره قالت سمعت خبر من الجيران إنو ركب في سيارته حرمه متبرقعه ولمن سألته عن هذا الموضوع أنكر ويقول إنه مع أصحابه في المقهى فضربها وهددها بالطلاق ودايما يتأخر عليها في الليل وديما يظلمها بس السبب الوحيد اللى خالها تصبر عليه أنو عندها عيال منه وهي الأن نادمة وتنصح كل فتاة إن لا تسلك هذا الطريق المحرم كانت البداية حلو والنهاية مره
((عيشي ملكة ولا تعيشي منذله))
زي ما تواصل معاكي بال بي بي يتواصل مع غيرك بدون ماتعرفي عنه شي ولا تحاولي تصلحيه وتختبريه لأنه الله أعطاه الأسلوب الحلو في إقناع الفتيات
الله يعوضك خير منه بالحلال
نصيحتي لكي لا تصدقي كلام احد في هذا الزمان الخير اللى يختاره أمك وأبوك بالحلال زي حالي والحمد لله
وانا مقدرة شعورك واحساسك تجاهه وكثير بنات ضاعوا بسبب الاسلوب الحلو احبك وبزوجك
الله يصلحنا ويصلح بنات المسلمين ويحفظهم من كل سوء وشر وفتنه ويرزقهم العفاف
اللهم آمين