مهري 5 الاف ريال كيف اجهز نفسي فيه، من ملابس وادوات تجميل وغيرهآ
طبعا اشيا معقوله مو غاليه،
وهل 10 الآف تكفي لشراء الذهب؟
طبعا مافي فستان عرس لانه عايلي بالبيت ابي فكره للفستان لونه و الشعر والمكياج مثلا بالبيت بس يكون شي بسيط ومومكلف
وانا حنطيه ط157 وزن 67و وجهي طفولي نحيف
000
انا ما اسمع الموسيقى ومافضل الاشرطه الي يقولي اسلاميه وفيها اورق او بيانو لأنها مو إسلاميه اصلآ بالإضافه مقدر اجيب مطربه بدفوف
ابي فكره حلوه عشان ما اخلي الاجوا هادئه
الحفله عائليه كيف اسوي البطاقات[طباعه بالكمبيوتر]
وكيف اجهز شنطه لشهر العسل
بياخذني من البيت لمطار مدينه بعيده تقريبا 3 ساعات هل ابدل الفستان؟
وايش البس بالأشهر الأولى من الزواج؟
شعري متوسط الخشونه ونصف ظهري[ماشاء الله] كيف اسويه،لأني متعوده اربطه من فوق بس؟ومابي فرد؟
اسفه ازعجتكم وطولت وكثرت بس إنتوا زي خواتي وابي مساعدتكم <<<< محتاسه وتحس انها بتصيح
امي كبيره وتقول هذي الخرابيط مو في زمنهم،،
وأنا عمري 20 وماعرف شي بهالسوالف
وانت لاتشيلين هم والله ان مهري مثل مهرك ودبرت حياتي يمين ويسار ووفقني ربي في حياتي والحمد لله000
والذهب اشتري فقط طقمين والباقي اكسسوار على الوان الملابس
والشعر مره سايح ومره مجعد ومره مرفوع كانه تسريحه وغيري فيه كل شوي
اما الملابس تاييرات حلوه او فساتين ناعمه واذ في البيت بناطيل وبجامات حلوةما بالنسبه للزواج اخذي مسجله او استريو من اي احد تعرفيه واللي يكون سماعات من الجوانب وحطي اشرطه دفوف
وليله الزواج خليك بفستانك لحد ماتروحي لبيتك وهناك بعد ساعه نزليه والبسي قميصك
والبطاقات اطبعيها عن مكتبه 4صور بريال وعليك الحساب
ومدي رجولك على قد لحافك احسن
والله يوفقك
ومشكورين حبيباتي بس والله شعري معقدني>> ماعرف استشور وإذا صار يوجعني راسي وصدع يوم كامل
بس 600 فستان احسه كثير ، وبعد العرس بسافر ماقدر اخذ إيجار،
الله يعيني كنت اظن الأمور سهله لأن أنا طلبته قليل وصريت عليه>> حسيت بندم لو اني كثرة شوي
يلا الحمدلله
ادعولي يابنات تكفون
ان الله يسخره لي ويجملني بنظره ويسهل أمري