بسم الله الرحمن الرحيم
هذا اول موضوع لي بالمنتدي اتمني انه يفيدكم
خليني اتكلم باللغه العاميه علشان كلامي يبقي خفيف عليكم وعليا
في سيدات كتير بتشكي من زوجها بعد الزواج وتقول انه تغير معها للاسوء والنقطة دي هي اللي هانتكلم عليها دلوقتي لان اغلب الزوجات بتقول علي زوجها انه تغير للاسوء وخصوصا بعد انجاب الطفل الاول
طبعا اغلب الازواج اول ما يسمعو صوت الطفل بيبكي بالليل اول شئ بيعملوه ايصحي زوجته ويقولها قومي شوفي ابنك ولا بنتك وهو مكشر كده ويروح اخد البطانيه ومعاها مخده ويطلع ينام في اي مكان تاني بعيد عن السرير وغرفة النوووم
وعلي دا الحال كل يووم
طبعا اي زوجه بتزعل وتتضايق من الحركه دي وتفضلي تقولي في نفسك ده خلاص كرهني وما بقاش طايق ينام جنبي
طيب يا اختي ليه مش بتفكري بطريقه تانيه
ان زوجك تعبان وعايز راحه وعايز ينام كويس علشان يقدر يقوم فايق تاني يوم ويقوم علي شغله نشيط
اما انتي كده كده فالبيت مع ابنك ممكن تستغلي اوقات نومه وتنامي فيها معاه
ولو انتي بقي شطورة وانتي اللي صحيتي علي صوت بكاء طفلك قبل مازوجك يصحي تصحي انتي زوجك بحنيه وتقوليله خد المخده والبطانيه وروح يا حبيبي ريح جسمك ونام كويس في حته تانيه بعيد عن الدوشه علشان تقدر تروح الشغل وانت فايق
صدقيني مش بعيد تصعبي عليه ويسهر معاكي ويهشكلك ابنك شويه ههههههه
يعني يا حبايبي ما تزعلوش لما ازواجكم ينامو في مكان تاني ويطفشوا من السرير من صوت بكاء الطفل بالعكس شجعوهم علي كده
بس خلي بالك دي مرحله شهور وتعدي ولا بعدين يتعود علي كده تبقي مشكله
في خلال المرحله دي لازم تعودي طفلك انه ينام بالليل ويصحي بالنهار وتشبعيه كويس قبل ما ينام وتقومي تشوفي البامبرز من وقت للتاني قبل ما يسبب لكم ازعاج
الله يحفظلكم ازواجكم ويباركلكم باولادكم
ان شاء الله يكون عجبكم موضوعي
من كثر المشاهدات والردود زيرو
موضوعك اغلبيتنا يعاني منه
وصحيح عن تجربه
تسلمي ي قلبي
|
المشاركة الأصلية كتبت بواسطة شاااهده
 موضوعك حلو لكن مستغربه ومصدومه
من كثر المشاهدات والردود زيرو موضوعك اغلبيتنا يعاني منه وصحيح عن تجربه تسلمي ي قلبي |
نورتي موضوعي اختي
ردك اسعدني جدا
اي والله كلامك صحيح خذلوني مالبدايه شئ ما يشجع ابداااا
تسلمي ياروح قلبي علي مرورك
|
المشاركة الأصلية كتبت بواسطة غطاس
ممتز
|
مشكورة لردك
