مواقف للبنات لاتفوتكم ليلة الشوفة حياة زوجية 2024.

تقول وحده : انه يوم جاء يشوفني خطيبي كنت لا بسه تنوره ضيقه ونصحتني أمي إني ما البسها ولكني عاندت وقلت ألا بلبسها ويوم دخلت وسلمت وجلست ولا اسمع صوووووت تششششششششششش وإلا التنوره انشقت من ورا
يالله وش أسوي ؟؟
جلست وأنا أقول لنفسي يالله وشلون بقوم ؟؟!!
وخطيبي جالس ماقام (( مستانس وش وراه )) وأبوي يناظرني والشرر يتطاير من عيونه وياشرلي عشان أقوم وأنا خلااااااااص لازقه في الكرسي وما اقدر أقوم لو قمت بتطلع بلاوي ..
وطبعا أختكم في الله جالسه ومنزله عيونها في الأرض وكنها ما تدري عن أبوها ذا ألي يأشر صارله ساعة وفي الأخير قام أبوها وقال للخاطب بطريقه لبقه انتهت الزيارة حياك الله ويوم طلع فشششششششششششششش على غرفتي قبل لا يشوفني أبوي ويذبحني…

والثانية تقول : أن يوم دخلت بالعصير وقدمته وتأخر خطيبي في مد يده عشان ياخذ العصير فظنيت انه مايبي فمشيت مســـــــــرعه بالصينية وهو يقول ( لحظه .. لحظه .. أبغى واحد لو سمحتي )) ..

والثالثة تقول : يوم دخلت أشوف خطيبي ومعي صينيه العصير تفجأت فيه يصرخ بقوه ( مشاء الله مشاء الله )
وقام وقف قدامي وهو يردد(( مشاء الله مشا الله)) أنا ارتعت وش ذا المهبول قمت أصارخ وطلعت أصيح وجاء أبوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي (( مشاء الله مشاء الله ))

والرابعة تقول : أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش
وناداني (( يامنيييييييييييييره تعالي شيلي الأغراض )) جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة ميب في ملابسي ولا في كشتى المصيبة إني جيت افحط بالعربية واخوي يحاول يهديني ويقول : (( يامنــــــــــيره أعقلي * بشويييييييييييييييش )) وأنا ماعطيته وجه جالسه افحط وفي الأخير قال صديق اخوها ما ابي ألا هذي لأنها خفيفة دم ..

اما اختكم في الله قصتها قصه الى هالحين زوجي يذكرها بعد 4 سنين زواج القصه ومافيها اول زياره لزوجي لي بعد الملكه يعني ثاني يوم المهم تقدم العصير وتقدمت القهوه والى هالحين تمام المهم اختي قالت لي ترى احنا طالعين جهزنا لك الشاهي تلاقينه في المطبخ المهم دخلت ومعاي تبسي الشاهي واطقطق بالكعب العالي ومحد قدي والعيوووووون بالارض من الحيا المهم نزلت الصينيه على الطاوله سوى فيها هو وقال محد بيصب الشاهي غيري ارتاحي انت ياحياتي يوم انه اخذ البرادي ولا فاضي مافيه غير السكر والنعناع من الخرعه صرخت وهو غرقااااااااااان ضحك وشلت نفسي ورحت اجري الا على دخلت امي وابوي اشفيك اشفيك مخروعه كذا واحكيهم ماتووا ضحك وعيييت ادخل ثاني الا بالغصب وهو ماقصر استلمني محشاااااات هو وامي .. . يالله

ووحده من البنات تحكيني بعد عن خالتها انه زوجها جااااااب لها في يوم الملكه كيكه كبيره بشكل فراوله راحت المسكينه تجيب السكينه من المطبخ يوم جات وقربت منها بتقطعها كانت قاسيه الكيكه قلها عيوني شتسوين هذي مو كيكه هذي شمعه حبيبتي

اتمنى اذا احد مرررررر في نفس المواقف يقوووووولها لنا