السلام عليكم ورحمة الله وبركااته
أخواتي العزيزات
أول شيء أحب أقول لكم اني احبكم في الله
ثانيا :مشكلتي وهي باختصارر
اني كثيرة الكلام وأحيانا أصير دفشة وأجرح شخص بدون ما أقصد
أحيانا أحس نفسي حمقاء لأن اللي في قلبي على لساني وهذا سبب لي مشاااكل كثير
يعني لو عندي انطباع عن شخص يفلت مني كلمة عن احساسي فيه وهو يزعل
أو دااااائما أتكلم كثير وتروح هيبتي
تعبت مررررة
سويت لنفسي جدول أكافئ فيه نفسي اذا ماتككلمت كثير بس مافي فايدة
معظم كلامي غيبة أونقاشات مع أخواتي
أبغى أغير شخصيتي وأكون صااااامتة وغامضة هل تساعدوني؟!
لأنهم يتصيدون الأخطاء
بجد تعبانة من هالصفة
وبعد الحماقة أحس أحيانا اني ماااا أفهم شعور الشخص اللي أمامي تجاهي سواء حب أو كره أو خديعة يعني مو لماحة
بعكسه هو يفهمني بسرعة لأني واااااضحة واللي بقلبي على لساني
شكرا اختي ما قصرتي الله يوفقك ويسعدك
مشكلتك بسيطة وحلها بايدك بس كوني جادة
حاولي دائما تفكري في الكلام قبل لاتقوليه
حاولي وانتي جالسه مع نفسك تتخيلي انك مع صحباتك او اخواتك
كوني حوارات وتناقشي وقيمي ردودك رح تعرفين بالضبط وين المشكلة وايش اللي لازم ينقال واللي لازم تسكتين عنه
دائما في المجالس حاولي تستمعين اكثر ماتتكلمين
والله والله رااح تكتشفين اموووور خطيرة جدا
وربنا يساعدك
ومثل ماقالت الاخت حلم وامل
حاولي تكوني مستمعه أكثر مع الوقت بتتعودي على كذا
طيييب أنا تفكيري سطحي هل ممكن أغيره لعميق
يعني لو يحاكيني شخص أفهمه نفس مايقول
بس ما أفكر بعمق وش يقصد؟ وليه قال كذا
هل هذا كويس أو حماقة؟؟
وبعد عندي مشكلة ثانية اني انسى بسرعة يعني بعد أي مشكلة يرجع الشخص يكلمني عااااادي أكلمه وما أحب أطولها وأحيانا يكون هو الغلطان وأكلمه بعد دقاايق ولا كأن شي صار
يعني مثال:أمس اختي جرحتني بالكلام وتكلمت علي ، اليوم الصباح صحيت ناااااسيه وأكلمها عادي
ولما شفتها متغيره تذكرت هوشتنا مع انها هي الغلطانة والكل يقول لها أمس انها غلطت علي
أخاف أكون بهالصفة خفيفة
ايش رايكم وكيف أكون عميييييييييقة وغامضة؟؟؟؟؟؟؟؟؟؟؟؟؟
تحيات ام وهوبي
اختي حاولي تقللي من كلامك ولا تتكلمي من غير داعي وشغلي نفسك بشي انتي تحبينه لئنو كثرة كلامك راح تتسبب لك في مشاكل كثييره انتي في غنى عنها
وقال الامام علي عليه السلام :
راحة الجسم في قلة الطعام …وراحة النفس في قلة آلاثآم ..وراحة القلب في قلةالاهتمام ..
وراحة اللسان في قلة الكلام !!
اتمنى اكون افدتك
في امان الله