السلام عليكم … قصتي انو اربع سنوات من عمري راحت و الحين الخامسة بتروح على دراسة في كلية الاقتصاد في جامعة في ماليزيا و هيه مش ميولي ابدا و صعبه عليا خليني اوضحلكم اكثر.. سنتين راحت على دورة انجليزي في الجامعة يعني انت و حظك في طلبة نجحوا و في قعدوا لحد ما عفنوا و بعضهم طلعوا بسببها مش لانهم اغبياء لا الامتحان زي اللي اليانصيب بس انا طلعت منها بعد ما اخدت مني سنتين المهم دخلت الكلية طول الاربعة الشهور تعبانة نفسيا مش متقبلة الدراسة بحس حالي غبية و غيري شطار مالهم ذنب حابين الكلية و عقلهم لسى شباب و قادر يستقبل معلومات المهم اخدت سنة اجازة من دراسة بسبب تجديد الاقامة رحت اشتغلت مدرسة خصوصية و وقتها كنت ادور على جامعة فيها تخصص الديزاين (لانو هذا ميولي و شغفي) للأسف ما لقيت حكم انو شهادتي الثانوية مرت عليها اكتر 4 سنوات و من وقتها و احلامي تحطمت قلت مالي غير ارجع اكمل اللي تركته و رحت كملت ترم بس نجحت مادتين و رسبت اثنين و الحين انا في نص الترم الثاني نفسيتي في انحطاط بسبب اسئلة الناس : انتي سنة كم ؟ اقولهم انا سنة اولى و الاستغراب واضح بوجوههم . انتي تخرجتي؟ اقولهم لا لسى باقي 3 سنوات اوووووف! ليش متأخرة ولا اقول لماما انا لسى سنة اولى يالله انتي ليش كذا ايش يقولوا ناس عنا و تقوم تسأل فلانة بنت فلان نجحت ولا في اي سنة هيه يعني تحطيم نفسي. صرت ما اكلم صحباتي و اهلي و كمان زملائيالا نادرا و كمان اتهرب منهم بسبب أسئلتهم والله العظيم تعبت و كل يوم دموع و الحين قررت بيني و بين نفسي انو اسحب اوراقي من الجامعة و ادرس دبلوم الديزاين و ادخل دورات و اشتغل بس خايفة من ردة فعل اهلي و الناس ايش يقولوا عني اكيد في سبب (الشرف) . بليز ساعدوني انا محتارة مش قادرة افكر و بليز بدون تجريح اللي فيني مكفيني. ملاحظة عمري 26
رغم إني ما فهمت مشكلتك زين
بس رح أساعدك ,,,,,,,,,,,بس لو حابة تستفيدي صحيح من كلاممي لازم تاخذيه جد مو بس قراءة …لأنه هذا من واقع تجربة ….
رح أعطيك مثال أنا …..كنت أكره شيء اسمه إنجلش والبنات دوووم يتمسخرن والأستاذات يعلقن ……يعني تحطيم في تحطيم
بس أنا خليت فنفسي فكرة لازم أرفع راسي فبديت أذاكر وأقرأ وتعبت فترة طوييييييلة ولحتى الحين أغلط مرة ……بس لله الحمد صرت لأفضل من بناات واجد
الحل
*الناس مارح ينفعوكي ودائما رح تتعرضي للأسئلة فلو خليتي دراسة رح تسمعي أسئلة أكثر وأكثر
* لاتسمححي للناس تتكلم فيك
لازم تفهميهم إنك قادرة رغم كل الظروف غاليتي
*توكلي على الله اتوضي وصلي ركعتين ودعيي ربك يفتحها عليك
*اعتمدي على نفسك
*خلي عنك كلام الناس
*دراستك وشهادتك رح تعزك فلا تتخلي عنها أبدا
بالتوفيق غاليتي
عزيزتي لا تستسلمي للفشل ، أحيانًا الفشل يكون بوابة للتحدي أمام النجاح ومن ثم الوصول إلى الهدف …
تأخرك في الدراسة أفضل من تركها نهائيًا ، فالشهادة الجامعية مهمة في هذه الأيام و حصولك عليها ضروري …
حاولي أن تكملي في تخصصك فهو تخصص مهم و رائع ، اجتهدي أكثر ، وقولي أنا أستطيع ، ودائمًا أعطي نفسك طاقات إيجابية …
لا تقولي أبدًا هم أذكياء وأنا لا .. !!! ، هم فقط أحبوا التخصص و ثابروا أكثر وآمنوا بأن النجاح ليس صعبًا عليهم …
و دائمًا توكلي على الله و إلجئي إليه في الرخاء والشدة ، فهو معكِ و يسمعك و هو القادر على مساعدتك …
وأنا برأيي أن أفضل حل هو أن تكملي دراستك وبعد ذلك تأخذي دورات في الديزاين حتى تمارسي هوايتك و شغفك …
وفي هذه الحالة تكوني كسبتي شهادتك وتفرغتي لهوايتك وما تجدين نفسك فيه " الديزاين " وبالتالي تكوني وصلتي إلى تمام الرضا عن نفسك بإذن الله …
أتمنى لك التوفيق ….. 
اجتهدي اكثر وكملي طريقك وخيره فيما اختاره الله
انتي تبغين تسكتين الناس عشان اسئلتهم كذا ماراح تسكتيهم
كملي وتوكلي ع الله 
انا ابكتب هناك كلام لي ولك بما اننا بنفس المركب ،،!
دائما يقولون ان الشغلة اللي تحبها تبدع فيها ،،! مو شرط لازم احبها بالبداية اقدر احبها مع الايام
،،!
كل يوم اسمع انتي صرتي اغبى ومتنحة كنتي شاطرة كنتي وكنتي ،، انا كنت يعني ما اقدر اكون وارجع زي ما كنت الا اقدر كلامهم مابيودي ولا يجيب بس غثاء على كبدي ،،!
حلمي كان الطب ! عفو كان حلم ابوي لدرجة حبيته وحاولت بكل جهدي اكون رسبت مره واثنين وتركت الكلية ! رغما عني المضحك اني رسبت بتقدير جيدجدا ! هههههههههه والله شيء يبكيني ويضحك احد يرسب بجيد جدا ايوه في الكلية اللي دخلتها لازم يكون تقديرك ممتاز عشان تنتقلي لسنة اللي بعدها ،،! ابوي استمر يدفع التكاليف لانه يبغاني دكتورة ! تعرفي درست بعدها وجبت جيدجدا مرتفع ورسبت كمان !! كنت ادرس اون لاين وقت طويل على المواقع ،،! وانا اجلس على الكرسي الجلسة اللي مو صحية طبعا اتكي مدة 9 او 7 ساعات !
سبب بضغط على فقرات ظهري واضطريت اترك ادخل وادرس على المواقع الشهرين اللي قبل الاختبار كنت طوول يومي مسدوحة انقلب يمين ابكي من الالم انقلب يسار ابكي لان فقرات ظهري تتحرك ،، الصلاة كان الركوع كابوس والله من اسمع الصلاة ابكي خايفة كيف ابركع واسجد ! كنت اقوم على رجولي اصلي ماكنت ابغى اصلي وانا نايمه ،، اللبس معاناه البس وافصخ امي تلبسني احيانا كنت اصرخ وابكي الله يكرمك لما اتحمم وانا بالحمام اجفف جسمي واللبس مع كل لفه بكاء ووقت اجلس انام كل شيء كل شيء ما قدرت اتحمل وقال الدكتور لابوي لو ما عالجت بنتك حتكون مشلولة ! الفقرات السفلية ذاب غضروفها وتركت الكلية ابوي اتخلى عن حلمه بس انا حبيته على اني بالبداية ماكنت افكر بشيء بس اسمع كلام ابوي ! تعرفين احيانا تكون الاقدار عجيبة ! يعني لانه مو قدري انجح ولا ادخل ! وعشان مو قدري يصير في ظهري كذا ،،!
خصوصا اني انجح بس ما اعدي لازم ممتاز وانا كل يوم بحالة من هالشيء ،، ندمت اني مادخلت الطب بكيت وتالمت والله ماقدرت اتقبل ذا الشيء فترة ،،!
مافي بحياتي تمنيت اتعلم انجليزي ،، تعلمت الياباني ! وكلمات من الصيني والكوري والتايلاندي اللي هي اصعب من الانجليزي ! شدتني حروفهم وكلامتهم ،، كنت احب اتعلم شيء غريب ! ولا فكرت اتعلم انجليزي ابدا وكنت اشوف الل يتعلمو اغبياء هههههههههههههههههههههههه ! من جد ،، وابوي دعاء اني طول حياتي اتعلم بذي اللغة والله دعاء علي ههههههههههههههه بذا الشيء ،، والله دخلت كليتي ذي كنت مبسوطة فيها حسيت اني باتعوض في اللي راح لان التخصص اللي تركته موجود فيها،،! القسم اللي كنت ادرسه في كليتي اللي قبل وانا ناجحة ودرستها انجليزي نفس اللغة يعني مو عربي وانجليزي عشان لا يوقفون لي حسيت خلاص ماباقي لي عن احلامي حاجة ،، الكلية ذي دخلتها الزامي كل الطلاب يعيدو من اول لانها جديدة ! سبحان الله درست السنة الاولى كلها انجليزي في انجليزي طلع من ممخي * جامعتي اللي قبل كان اجليزي وعربي ندرس * بس ذا طول اليوم انجليزي وحبيت الانجليزي البنات ووالناس كلهم يهرجو صرت زيهم ،، المهم اخترت التخصص راح اعيده طبعا والحكاية لما دخلت له بعد اسبوع منعو التخصص ذا هنا في السعودية ليه ماله وظائف مخصصة في السعودية برا االسعودية مطلوب جدا بس بالسعودية مافي لطلاب هذا التخصص وظائف ! ووظائفهم هنا يشتغلو بالمصانع الاغذية مو التغذية الصحية اللي انا كنت ابغائها!
،، فتحو قدامي تخصص حاسب الآلي والإفينت تقريبا نفس الديزاين،، بس هو ديزاين مؤتمرات وحفلات حاجات كذا ،، والبزنس ،، استخرت واخترت البزنس ،، مافي ولا واحد كنت اتمناه وابغاه ،، بس ذا ما خلاني استسلم عن احلامي ،، اللي صار مو مني ولا منك خيرة خيرة يابنت الحلال ،،!
ما انفي اقاربي كانو ينظرو لي ما تستحي ! ابوها يدفع ولا تنجح ! ابوها متامل فيها واخرتها ،، وهذي اللي كنا نناديها دكتورة فلانة !
هالنظرات كسرتني ! لاني انا ندمانه وهم يزيدوني ! بس تدرين انا الحين طز والله اخر همي الناس ،، ماعلي الا من اهلي والباقي بالحريقة !
وش استفدت منهم انا ،، ! ليش اهتم لهم ،، زادوني شيء ،، نقصوني لا والله نظرات تدل على سطحيتهم وغبائهم ،،!
اوكي لا تنادوني دكتورة بـ يوم من الايام الكل ينادني قايد قريت بزنس ومن 🙂 رورو ،، ماراح اعطي احد وجهه وقتها ههههههههههههههههههههههههههههههه * يارب سامحني استغفر الله * اقولهم اول حاجة ادرسو طب وانجحو زي ما ضحكتو ولا ادرسو بزنس ! واي كلية تفتح وتهايط بتخصصات وتقفلها لها غرامة واي كليه ما تنجح الا بممتاز تتكفل بالحاجات اللي تخلفها ،،!
الخلاصة ،،
تمشي الرياح بمالا تشتهي السفن !
امشي معاها بالنهاية راح تلاقي شيء يتعوض ولو بسيط بس فتحي عينك شويه ،،!
لو كان قدرك الديزاين لـ سهله لك الله من البداية ولو كان قدري الطب لسهله علي ربي بدون ان احتاج لعلاجات او الخوف من الشلل المحتم !
احنا لساتنا صغار نقدر نحقق امنياتنا العمر ما ضاع لسه والله لسه ،،!
على بالك اني مبسوطة اتكلم انجليزي او ادرس بزنس خخخخ هيهات والله هيهات !
خلي عندك تخطيط وكنترول لنفسك ،، وحياتك كلام الناس ماراح يروح الا ماراح يقولون عنك شيء ،،!
ايش فيها الاقتصاد قولي لي ايش فيها ،، والله انك هبلة !
انا لو منك ادرس اقتصاد يكون معاي شهادة دولية او مستواها عالية بعدين اروح ادخل دورات ودبلوما ! مادام بقدرتي وباستطاعتي او ادخلها بالاجازة ما يبغاها صدق ،،!
بتضغطين على نفسك صح ضغط بس بتحصلين مناك ،،!
معاك شهادة عن الاقتصاد والدولة ومجمل الدول ،، تروحي تدرسي ديزاين بعدين تأسسي لك محل ديزاين من خلال الاقتصاد راح تعرفين ايش الدول اللي المفروض ترفعي السعر والمفروض تقللي والتصدير الغالب فين والموارد ،،! بالبداية تدخلي بشركة تتمرني وتمارسي الاقتصاد بعدين تقدري تسوي شركة عالمية ديزاين مثل شانيل وkm وممكن بعد دورات الديزاين تروحي لشركات وتشتغلي ديزاين ،،!
عرفتي زي كذا بالتوفيق ،، !
الناس ارميهم وراى ظهرك لو تبغي تعيشي ،، !
التفكير الناس وش بيقولون والناس والناس ايش تبغين فيهم ،، خليهم يتكلمون لبكره اهم حاجة انا عارفه انا مين وانا ايش قاعدة اسوي
امك لا تكسرين قلبها ذا المهم واللي انتي ملزومه فيه ،، الناس مره اسحبي على امهم
اذا تبغي تصيري نفسيه تبعي كلامهم ،، تبغي تعيشي حياتك طنشي !
وانتي الكسبانة وخليهم يتحنحنو يتكلمو لين ما يموتون ،، مانتي قادرة تسدي حلوقهم سدي اذانك وامشي وراء قلبك ،، واستخيري ،، واعرفيي والله ربنا لو شايف الخيرة لك في الشيء كتبه لك ،، وانتي بشر اعظم مخلوق له قدرات هائل تقدري تحققي كل اللي تبغيه برضى ربك وامك طبعا واجتهادك