السلام عليكم
انا ثالث ثانوي ونفسيتي تعبانه مره مو قادره انجح دايم ارسب والله اني اذاكر واتعب نفسي واخر شي ارسب. رسبت ثلاث مرات بثالث ثانوي. وذي السنه وقفت دراسه لان جد نفسيتي تعبت مره صرت ما اطلع من البيت ودايم افكر بالمدرسه حالتي مره صعبه ودي انجح. غيرت المدرسه من حكوميه لاهليه ونفس الشي واحاول اغير نظام مذاكرتي ونفس الشي ما قدرت انجح. يابنات ساعدوني. انا اخوي بثالث ثانوي درس بمدرسة ليليه مايداوم بس يروح الاختبارات النهائيه ويحل حتى لو خرابيط ونجحوه اهم شي يحل لو كلمتين.(ادري بعضكم بيقول لا غش كذا ومدري ايش بس انا بذاكر واحل بس ابي اكون ضامنه اني انجح لان تعبت اضيع حياتي وارسب دايم) ابي مساعدتكم لو تعرفون مدرسه كذا للبنات بالرياض ياليت تساعدوني لان جد تعبت نفسيتي
الله يوفق اللي تساعدني.
اللهم إلا إذ كان صايبك عين
رقي نفسك
اجل ارقي نفسك يمكن صابتك عين بالدراسه
لان مستحيل اهلي ولاتنجحين
ارقي نفسك وخوذي من اثر الي دائما يمدحونك بالدراسه والخ ومن اهلك مع حسن الظن بهم ولايدرون علشان مايسبب بينكم حساسيه
الله يفرج همك
انا زي كذا بالكليه تعبت نفسيتي لانه الدكتوره حطتني براسها وكل شوي ترسبني وكنت اتحطم وقررت اني ماافكر بالرسوب ولااحطم نفسي وذاكرت وشجعت نفسي اني راح انجح هذي المره والحمدالله نجحت وتخرجت ..
النفسيه لها دور ..
,*
اختبري ف الصيف الماده الي رسبتي فيها والله يوفقك شدي حيييييييلكك ..
&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()