السلام عليكم ورحمة الله وبركاته
بقولكم مشكلتي بأختصار
انا بنت عمري 19 سنه المشكله هي
انو احس شخصيتي جدا ضعيفه واخاف من الاحتكاك بالناس احب العزله كثير وماطلع ابد بس من البيت للجامعه ومن الجامعه للبيت وهذا حالي وماعندي صديقات طبعا لما كنت بالمتوسط حصلت لي مشاكل واشياء كثيير فاهتزت ثقتي بنفسي وصرت ماحب اجتمع مع الناس حتى اهلي علاقتي فيهم جدا رسميه
تعبت من حالتي نفسي اخرج ويكون عندي صديقات بس كذا من اطلع اخاف كثير واحسب حساب كل خطوه اخطيها فكرت اني اترك الجامعه بس تراجعت ماني عارفه هل احتاج دكتور نفسي لانو بس اكلم وحده غريبه ماعرفها اصير ارجف وقلبي طبلون
تخيلوا علاقتي بأخواتي مره رسميه وماحتك فيهم كثير موبأيدي حاولت كثير بس ماقدرت ارجع ثقتي بنفسي مثل اول وارجع شخصيتي القويه مثل قبل ماتوقع اني طبيعيه ولو واحط بالميه المشاكل الي حصلت لي اثرت علي كثير وقتها تعبت نفسيا واثرت علي اثر سلبي
بطلب منكم طلب اخواتي ابي منكم مساعده لو بدعوه لان نفسيتي محطمه من الشي هذا ماني عارفه كيف اغير نفسي
وبدعي لكل وحده تساعدني ان الله يسعدها ويوفقها ويحقق لها امنياتها ويجعلها بجنات الفردوس الاعلى
بس تكفون بدون تجريح او استهزاء لان اي كلمه سيئه بتأثر علي وبشخصيتي وبفضل افكر فيها ومانساها وطلبتكم ي الاداره نزلو الموضوع اليييييوووم تكفووووون
جزاكم الله خير
تحتاجي لوجود للناس بحياتك و وحدتك بهالشكل راح
تتعبك مع مرور الوقت ، الانسان مدني بطبعه
يحب الاختلاط و هذا من الله..
انتي محتاجه لدافع من نفسك ابتدي مع اهل البيت
سولفي مع اهلك ليش تنعزلي عنهم ، كلنا صارت لنا
مواقف و مواجهات بس نطلع نفسنا من جونا الكئيب
نتخطاها و نتعلم منها ما تحبطنا..
و تالي ابتدي بزميلات الجامعه اخلقي اي سبب للتعامل
و خذي رقم البنت اللي يرتاح لها قلبك ، و مع مرور الوقت
اقل شي راح تصير زماله بينكم ..
توك صغيره و لا تحكري نفسك و تعزليها
الله يوفقك عزيزتي و لا تنسيني من خالص دعائك
لاتنعزلين اوووووكيه لاتجلسسين كذاااااا الوحده احس تسبب الوسوسه والله يكفيك شرها
ولتكن لديكي الاراده والعزيمه بان تكوني اكثر ثقه بنفسك
وثقي بما تتحدثي مع الاخرين
واذا كان الخوف مسيطرعليكي جربي تتكلمي وتقراء بصوت مرتفع حتى حتى يتلاشى الخوف وتعودي نفسك على هذا
اول ما تبلشي بهذه الخطوه مع اهللك لازم تكون علاقتكم قويه مو رسميه
موفقه عزيزتي
انا كنت انطوائية بس بنفس الوقت كنت عصبية بس عادي لي صديقات واسولف مع خواتي .. لكن زيارات مااحبها ومحد يزورني..
واللحين تزوجت وماعرفت اتأقلم اجتماعيا ..ومااعرف ارد علي الناس واحيانا اتصل علي خواتي اتشاورهم كيف اتصرف وايش الواجب وايش الصح وايش الغلط 😣 ومااطلع كثير فصار محد يجيني الا بالاعياد حتي عيالي يقولون لي ليه محد يجي عندك وانا اساسا مااحب حد يجيني بس صرت احس اني غير عن اهل زوجي وابغي اصير اجتماعية واتقبل الناس بس مدرب ليه انا كذا ..😏
لكن قررت اغير من حياتي عشان عيالي مايصيرون مثلي .. وانتي برضوا اقرأي كثير في تعزيز الذات وتقوية الشخصية وحاولي تتحمسين وتري العزلة تخليك تفكرين كثير وتتعبين اعصابك وتخرب بشرتك وشعرك وجسمك هههههه وتعيشين بعالم الخيال لين يجي� الواقع يصدمك بعيد الشر عنك ..
الله يقويك حبيبتي
ولاتنسين القوة بالله اهم من القوة بالناس .. فاجعلي التقرب من الله اكبر همك.. الدنيا ماتسوي
مثلا اجعلي من صلة الرحم لمرضاة الله والكلمة الطيبة لوجه الله والابتسامة ايضا .. اجعلي كل خطوة وكل كلمة لوجه الله واستعيني به كي يخفف عنك الخوف وان شاالله يزول عنك
مرحبًا بالجميله الخجولة 
حبيبتي ماتعاني منه هو رهابًا اجتماعيًا بلاشك، وعلاجة بالجانب
السلوكي اولاً ، انصحك تدربي نفسك وتبدأي من البيت اولا غيري
اسلوب تعاملك مع المقربين من حولك وبذلك تزداد ثقتك بنفسك
ولا تيأسي اكتساب العاده ليس سهلاً ، بل يقال انة بعد 14 محاولة
صحيحة وبوعي تصبح العاده الحديده سلوكًا ، طوري مهاراتك في التواصل
وطبقي هذه المعارف والمهارات ولا تيأسي ورددي دائما( رب اشرح لي صدري، ويسر لي امري، واحلل عقدة من لساني ، يفقهوا قولي) .. 
وطمنينا عنك ياغاليه
حاولي ان تكتسبي صداقات جديدة واللعب بألعاب جماعية والمشاركة في نشاطات جماعية كذلك
وصلي صلاة العشاء والفجر في المسجد
وفقك الله