السلام عليكم
انا بنت متحجبة ومتدينة عمري20 سنة ادرس سنة ثانية بالجامعة (مابدي احكي التخصص) ، انا بنت جميلة جدا ومؤدبة جدا ومستوى الاجتماعي تبعي ممتاز واي شاب يتمناني ولكن انا ما بفكر بشغلات الارتباط والحب من يوم اللي فتحت عيني وانا افكر باهلي ودراستي بس وما بفكر انه احب او ارتبط بشخص من ورا اهلي حتى انه عندي صديقتين بنات ما غيرهم ما بحب اكون صداقات مع شباب اللي بيدرسوا معي كلها علاقات سطحية فقط في مجال الدراسة فقط يعني نادرا اتكلم معهم وهالشي هو اللي مخليهم يفتكروني متكبرة او هيك شي .. عمووما انا حاسة حالي انه واقعة بمشكلة وهي انه انا معجبة بشاب يدرس سنة ثانية ماجيستير (نفس تخصص تبعي)
بلشت القصة السنة الماضية كنت انا وصديقاتي رايحين للقسم ومو متذكرة شو كنا نحكي وصديقتي قالتلي في شاب وراكي بيتبسم انا التفت ولقيته بيمشي وراي بمسافة قريبة وابتسم معي انا وقتها طنشت وما اعرته اي اهتمام ككل مرة بشوف فيها شاب ..
وبعدها بايام كنت انا ورفيقتي بالمكتبة وهو دخل الها انا كنت نسيته اصلا وهو جلس بالطاولة اللي مقابلة الي وضل يطلع فيني مرة على مرة ويبتسم فانا انزعجت من الموقف قلت لرفيقتي خلينا نطلع وهو رجع طلع ورانا وكنت اي مكان اروحلو في الجامعة يكون وراي لحتى اجت وقت المحاضرة واحنا رحنا ندرس وهو ضل برا.ورغم كل هالشي ما كنت مهتمة ابدا بالعكس كنت مضايقة من انه يلحقني رغم انه ما حكى ولا قالي اي شي بس كان يطلع ويبتسم من بعيد وكانو رفيقاتي بيحكولي اديش انه مؤدب وحلو كتير بس انا كنت بحكيلهم لا تجيبولي سيرته ما بعرف شو عاجبكم فيه وهما بيحكولي انتي اصلا ما بيعجبك العجب 
ومرت ايام وهو كل مرة بكون واقفة فيها مع رفقاتي يجي ويوقف بالجهة المقابلة الي وبيطلع فيني ويبتسم ، وفي يوم وكالعادة اجا ومن بعيد شاورلي بايده يعني تعالي انا اتعصبت من هالحركة وبينت على وشي علامات الزعل وقلت لصديقاتي خلونا نروح نجلس بقسم يعني بحجرة الدراسة لانه هو ما بيقدر يدخلها بيكون الامر بيخجل بالنسبة اله ومرت ايام وايام وكل مرة بشوفو فيها كنت اطلع فيه تطليعات غضب يعني ما اعطيه وجه ابداحتى ولو كنت لحالي مو مع صديقاتي ونلتقي بالصدفة بالطريق ما اطلع فيه واتجاهله تماما وما كنت اتعمد تجاهله بس انا هيك ما بحب اعطي وجه لشباب ابدا وقتها كان بالنسبة الي شاب عادي مثل كل الشباب لغاية هالسنة 
هالسنة هو سنة ثانية ماجستير يعني اخر سنة اله بالجامعة ، وقل تواجده بالجامعة يعني نلتقي مرة او مرتين في الاسبوع على الاكثر وهالسنة ما تغير ضل مثل ما هو السنة الماضية بيطلع فيني ويبتسم فانا بلشت اعجب فيه لما شفته ما يطلع ببنات غيري انا يعني حتى ولو مرت قدامه انجلينا جولي بيشوف في الارض ههههاما انا ما بيشيل عيونه عني ، اعجبت فيه لانه شاب مؤدب كتيير واللي عجبني فيه انه ما اجا وحكى معي او ضايقني بكلامه مثل باقي الشباب اول ما يشوفو بنت بيجو ويبلشو يطلبو رقم الموبايل والخ
كمان اعجبت فيه لانه ولا مرة شفته واقف بيحكي مع بنت دايما مع شباب ، ودايما بشوفو بالمكتبة يعني ماشاء الله طالب مجتهد ههههه وكل الاساتذة بشوفهم يمشو معه ويحبوه يعني دليل على انه طالب ناجح وبالمقابل انه هو كمان ولا مرة شافني مع شباب او شاف عني شي مو منيح مشان هيك هو اعجب فيني
وببداية السنة انا ما كنت مهتمة لامره بس صديقاتي ضلو يحكولي شوفي اديش هو مؤدب واديش هو حلو وكل البنات معجبين فيه ، وحكولي انه لازم يكبر بعينك لانه ما بيطلع ببنت غيرك وهيك وانا كل مرة كنت بحكيلهم كل الشباب مثل بعض لا تجيبولي سيرة عنه ( ولا تفكروا انه صديقاتي بدهم يفسدوني او هيك لا بالعكس هم خلوقات وكلهم متدينات ومحجبات والخ ) بعدها بفترة بلشت اشعر بانجذاب حوله يعني غالبا ما يخطر ببالي وكل ما اتذكره ابتسم وصرت اشوفو بمنامي كتير مع اني ما كنت فكر فيه وكنت لما اشوفه ويبتسم معي انا ابتسم ابتسامة خفيفة واحط راسي بالارض من الخجل يعني ما صرت اطلع فيه مثل السنة الماضية تطليعات مخيفة اللي بطفش وبهالايام صرت افكر فيه باغلب الوقت وصرت استنى اخر الاسبوع لحتى اشوفه لانه هو عنده حصة بنفس القسم تبعنا بمجرد انتهاء حصتنا ، يعني لما تخلص حصتنا ونطلع بلاقيه عند باب القسم يستنى خروجنا مشان يدخلو يدرسو حصتهم هم وكل اسبوع نشوف بعض يبتسم معي ابتسامة عريضة وانا اخجل وتقولي صديقتي فضحتينا جهك صار احمر مثل البندورة ههه
عموما صارله موضوع الابتسامة من طرفه تقريبا سنة ونص اما انا من ناحية اعجابي به صارلي مدة 3 اشهر تقريبا ومن كم اسبوع كانو عاملين اضراب عن الدراسة بالجامعة وانا كنت بنتظر صديقتي مشان نروح للبيت وانا لمحته من بعيد كان يطلع علي فغيرت مكان وقوفي يعني خليته هو وراي يعني صديته بظهري بس هو ترك اصدقائه واجا بالجهة المقابلة وبلش يتقرب شوي شوي مني وانا كنت بغير اتجاهي للعكس كل مرة يعني كل مرة أصده بظهري لغاية ما اجت صديقتي بالوقت المناسب وهو ما قدر يجي ورفيقتي معي بس يومها عمل حركة ما عجبتني يعني عمل بايده ممكن رقم الموبايل وانا هالحركة ضايقتني كتيير وخصوصا انه عملها قدام صاحبه حسيته وقتها انه مثل باقي الشباب وقتها انا طلعت فيه تطليعة غضب ورحت انا ورفيقتي للبيت وكنت مزعوجة كتير بس رفيقتي قالتلي هو ما عمل شي غلط وهو عمل هيك قدام صاحبو مشان يفهمو انك بتخصيه الو ومشان رفيقو ما يقرب عليكي وخصوصا انه رفيقه دائم التطلع علي فقالتلي هو عمل هيك مشان يخليه يبعد عنك ويفهمه انك انتي الو وبس وانا وقتها ضليت مزعوجة كتير لايام عديدة
بس بعدين قلت يمكن رفيقتي معها حق وخصوصا انه رفيقه ما عاد ضايقني بتطليعاته بعد هداك اليوم وانا رجعت شفت المعجب هههه بعدها مرات عديدة وكان طبيعي يبتسم معي بس يعني ما عمل ولا حركة بس صديقتي التانية بتحكيلي انه ضعيف الشخصية لانه لو ما اجا ضعيف الشخصية بيجي ويحكي معك ويعترفلك بحبه ويعمل مشانك المستحيل
مع اني انا بشوف العكس بشوفه انه شاب محترم ومؤدب كتيير ولو كان مثل الشباب كان اجا وحكى حكي فاضي مثل كل الشباب وكمان ما بيقدر يجي يحكي معي وانا دايما متواجدة مع صديقاتي يعني يخاف من ردة فعلي امامهم بيخاف احرجه وخصوصا انه شخصية بمعنى الكلمة يعني بيخاف احرجه يسقط كبريائه وخصوصا انه لسه ما اتأكد من مشاعري اتجاهه لانه احيانا ببتسم معاه ابتسامة خفيفة واحيانا اتجاهله او اطلع فيه تطليعة غضب مشان يبعد عني يعني مرة اتبع قلبي اللي يحكيلي انه هذا شاب مؤدب وحلو كتير ومتعلم وبيهتم لامري كتيير وما لازم اضيعه واحيانا اتبع عقلي اللي يقول ما عاش اللي يوقعك في شباكه هههه وانه مو انا اللي اعمل شي من ورا اهلي هيك
فشو تنصحوني ولا تقولولي انسيه لانه عنجد عنجد ما بقدر انا معجبة فيه كتيير وحاليا ما بقدر انسى الموضوع
انا الاسبوع الماضي رجعت اتجاهله قلت يمكن يحس ويقول لازم اعمل خطوة بسرعة بس بنفس الوقت خايفة يطفش
يعني انتو شو بتنصحوني اتجاهله وما ابتسم ولا اطلع فيه لحتى هو يجي ويعمل خطوة؟
او بخاف يزعل ويطفش ويفكرني متكبرة يعني اضل ابتسم معاه ابتسامة خفيفة مشان يعرف اني معجبة كمان فيه ويتأكد من مشاعري حتى يجي؟
او شوفولي شي حل يخليه يجي يحكي معي ويختفي الحاجز اللي بيناتنا وخصوصا انه صديقتي دايما بجانبي شو اعمل ؟؟؟؟
اسفة على الاطالة بس كمان ماحكيت كل التفاصيل حكيت بعضها بس مشان ما اطول اكتر
بتمنى تنشر مشكلتي في اقرب وقت لانه مزاجي بحالة سيئة كتييير ومحتاجة مساعدتكم
مابدي اضيعه من ايدي هذا بمثابة فارس احلام لكل بنت بدي بس افهم منه شو بدو وما رح اقدر افهم منو بدون ما يجي ويحكي معي فبدي طريقة تخليه يجي بلييز مشان شوف اذا كان ناوي نية خير اهلا وسهلا واذا كان مثل شباب اليوم اللي بدهم يتعرفو وما بعرف شو مشان اصرفه واشيله من بالي .. عنجد بحياتي ما صارت معي انه افكر بشاب هيك بس هاد ما بعرف شو عملي سحرني بابتسامته ونظراته
عنجد ساعدوووني رغم اني صليت صلاة الاستخارة اكتر من مرة بس ما بين معي شي.
انا راح احكيلك عن اختي انا كنت انا و اختي الي تكبرني بنفس تفكيرك مقررين انا ما نتجاوبو مع اي شاب و ما نعطو وجه لأي شاب هذا في فترت الدراسة و كانت اختي جميلة وجذابة وكان لما بنمر قدام الشباب يطلعو فيها و هي تتصرف نفس تصرفك لحد ما إجا شاب و هو جار جديد لأهلي و كان دائما يضهر إعجابو لكن بأدب و هذي جاذبية يستعملها الشباب احيانا و بقى مدة و هو يعبرها عن حبو من بعيد بالنضرات و غيرو من الاساليب الي تدل على حسن نيتو و حبو لحد ما تعلقت اختي بيه و ابتدأت تفكر بيه و في يوم ارسل لها ورقة كاتب فيها انو بحبها و يتمناها زوجة لألو وفعلا اختي اتجاوبت معاه لأول مرى
انا صراحة عارضت رأيها وخبرتها انها غلطانة لأنها حكمت مشاعرها و ما حكمت عقلها ولكنها قالت انو نيتو طيبة و شكلو مؤدب و هاهو اول ما راسلني ذكر الزواج
ردت عليه اختي وبقت مدة تراسلو و إراسلها و احيانا يتقابلو بالطريق و يتحادثو
في يوم شافها الوالد الكريم واقفا معو من بعيد وقلب الدنيا على راسها وقالها إذا كان يريدك يتقدملك
في اليو م الموالي ارسل لأختي رسالة يقول انا احببتك فعلا و انتي إنسانة رااااائعة و انا ما استاهلك إن شاء الله يجيك الي يستاهلك و إذا إحتجتي اي خدمة او مساعدة انا هنا
هذا كان رد الانسان المؤدب
فنصدمت اختي بهذا الخبر و مرضت لانها تعلقت بيه
الخلاصة من هذا كلو اني اقولك لا تتبعي هواك و إذا كان يحبك اكيد راح يبادر بشي جاد مش نضرات و إبتسامات على العموم هذا رايي و عسى الاخوات يفيدوكي
آسفة على الاطالة لكن اردت ان اعطيك نموذج حي حتى تحكمي بنفسك.
مااعرف ايش اقول لك مجتمعك مفتوح وعندكم ذا عادي وانا مثلك سابقا اجررم العلاقات ذي والله !
فانا اقول لك اتبعي الدين وهذه حجة عليك !
تمشي على كلام الدين احسن لان هو الصح !
عزيزتي أتمنى تفكري في الكلآم الي رح أحكيه منيحح
اول شيء مفروض أهلك يعرفوآ بلي تسويه عشآن لو صآر
شيء يكون عندهم علم سآبقآ حتى لو تلميح لهم ثآنيآ أعتقد
حآلتك صعبه وحيآتك غريبه ،، أنصحك ابعدي عنه وآلله ربي
بيسرلك حيآتك وبلآ كلآم فآضي وحب ،، أهلك ادرى بمصلحتك
ودآمك بتتحجبي وبتصلي ليش عّم تعملي هيك ؟ إقرإي قصص
ع النت ،، ! فكري بحيآتك بعدين ،، ابددداااا لا تخصصيله وقت
من حيآتك ولو بالثوآني حتى بابتسامه ( لاا ) خلي حيآتك للعلم
والقرآن وعبآدة ربنآ ،، انصحك تتركييه ! ربي يفرج همك وغمك
ويخليكي لأهلك ويبعد عنك كل شر ويرزقك من حيث لا تحتسبين
وأستودعكم آلله الذي لا تضيع ودآئعه ،، في امان الله
|
المشاركة الأصلية كتبت بواسطة mama love
 فعلا تجربتك محييرة و الحل صعب لكن برايي انك تثبتي على رايك الاول و لا تضهري له إعجابك التام
انا راح احكيلك عن اختي انا كنت انا و اختي الي تكبرني بنفس تفكيرك مقررين انا ما نتجاوبو مع اي شاب و ما نعطو وجه لأي شاب هذا في فترت الدراسة و كانت اختي جميلة وجذابة وكان لما بنمر قدام الشباب يطلعو فيها و هي تتصرف نفس تصرفك لحد ما إجا شاب و هو جار جديد لأهلي و كان دائما يضهر إعجابو لكن بأدب و هذي جاذبية يستعملها الشباب احيانا و بقى مدة و هو يعبرها عن حبو من بعيد بالنضرات و غيرو من الاساليب الي تدل على حسن نيتو و حبو لحد ما تعلقت اختي بيه و ابتدأت تفكر بيه و في يوم ارسل لها ورقة كاتب فيها انو بحبها و يتمناها زوجة لألو وفعلا اختي اتجاوبت معاه لأول مرى انا صراحة عارضت رأيها وخبرتها انها غلطانة لأنها حكمت مشاعرها و ما حكمت عقلها ولكنها قالت انو نيتو طيبة و شكلو مؤدب و هاهو اول ما راسلني ذكر الزواج ردت عليه اختي وبقت مدة تراسلو و إراسلها و احيانا يتقابلو بالطريق و يتحادثو في يوم شافها الوالد الكريم واقفا معو من بعيد وقلب الدنيا على راسها وقالها إذا كان يريدك يتقدملك في اليو م الموالي ارسل لأختي رسالة يقول انا احببتك فعلا و انتي إنسانة رااااائعة و انا ما استاهلك إن شاء الله يجيك الي يستاهلك و إذا إحتجتي اي خدمة او مساعدة انا هنا هذا كان رد الانسان المؤدب فنصدمت اختي بهذا الخبر و مرضت لانها تعلقت بيه الخلاصة من هذا كلو اني اقولك لا تتبعي هواك و إذا كان يحبك اكيد راح يبادر بشي جاد مش نضرات و إبتسامات على العموم هذا رايي و عسى الاخوات يفيدوكي آسفة على الاطالة لكن اردت ان اعطيك نموذج حي حتى تحكمي بنفسك. |
انا مع كلامها واوافقها الراي تممااااااما…انتي لاتعلقي نفسك بشي ممكن يكون بلحظه سراااااب ومجرد حلم حلو وصحيتي منه….خليكي مثل ماانتي وادعي ربك وصدقيني لو فيه خير راح يجيكي ويسوي خطوه جديه فعلا ويجي يخطبك او يكلم ابوك مو نظرات ومدري ايش
موفقه اختي